Hibruwebi 13:3 - EBƆRƐ BE KAWƆL

³ Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.

Hibruwebi 13:3 Iomraidhean Croise

Jɛnesis 40:23

Asheŋ nɛ a wora ere kikɛ be kaman, Fɛɛro be asɔnuuso kenipo nimuso na daŋ maŋ naŋ nyiŋi Josɛf be asheŋ, e daŋ teŋ mo so nna.

Matiu 25:36

N daa maa kɔ asɔbuuso nɛ men buu ma, n daa lɔ nna nɛ men keni ma so, n daa wɔ kabuti to nɛ men ba chɔrɔ ma.’

Matiu 25:43

N daa la efɔ nɛ men maŋ sɔ ma, n daa maa kɔ asɔbuuso, ama menyi alɛ maŋ buu ma, n daa lɔ nseŋ daa naa wɔ kabuti to nɛ men maŋ ba chɔrɔ ma.’

Ashuŋ Shunso 24:23

Kumo be kaman nɛ e shin nɛ benapo be enimubi nɛ e daa de Pɔɔl so na keta Pɔɔl n ya kaa de mo so. Ama e daŋ sa mo ekpa n shin nɛ mo teriana daa tiŋ a chɛ mo to kanaŋkamaso nɛ b daa sha.

Ashuŋ Shunso 27:3

Kumo be ŋklade nɛ an fo Saidɔn. Ndoŋ nɛ Julias wora Pɔɔl kelela n shin nɛ e lar n ya chɔrɔ mo teriana nɛ b sa mo asɔ nɛ a daga fanɛ e nya.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Kɔlɔsiebi 4:18

Ma Pɔɔl gbagba e naa sibɛ kechɔrɔ ere na. Men baa nyiŋi ma men be kabɔrɛkule to ŋkpal ŋ ka wɔ kabuti to so. Ebɔrɛ e baa kɛ menyi mbe kuwɔr be kakɛ na. Amɛn.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Hibruwebi 11:37

Ŋkpal yirda so, b daŋ kpa beko ajembu m mɔ nseŋ daŋ chaŋɛ bede to ntuŋnyɔso nseŋ ta tokobi m mɔ bede malɛ. Ŋkpal yirda koŋwule na so beko daŋ dela mbolpɔ be nwɔl nɛ mboe be nwɔl nna a wɔ ketir to nɛ tɔrɔ nɛ nfɛlso be kekɔrfɛ to.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.