Hibruwebi 1:9 - EBƆRƐ BE KAWƆL

⁹ Fo sha asheŋ nɛ a bɔla ekpa Ebɔrɛ be anishito nseŋ kishi alubisheŋ, amoso nɛ Ebɔrɛ, fo Ebɔrɛ na lara fo nseŋ ta fo ŋ ki ejuŋkparpo na. Kagbenefuliso be ŋku nɛ e ta ŋ gbiti fo m bunyaŋ fo a chɔ fo braana.”

Hibruwebi 1:9 Iomraidhean Croise

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 119:104

Fo mbraana so nɛ mee bɔla a pin asheŋ to, amoso nɛ ŋ kishi efɛsheŋ kikɛ na.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 2:2

Nɛ manɛ nna nɛ amo be bewura nɛ bejuŋkparpoana bee wora kɔnɔ a kini kenu n sa Enyɛnpe Ebɔrɛ nɛ mbe esa lara so na?

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Nshɛ 33:5

Kusɔ nɛ k niŋi ekpa nɛ kebaaji asheŋ nɛ amo be ekpa so; nɛ Enyɛnpe Ebɔrɛ na bee sha. Mbe kasha nɛ k maŋ kɔ ekar na bɔlɔ durnya kikɛ to nna.

Nshɛ 37:28

Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Nshɛ 45:6

Kuwurji nɛ Ebɔrɛ sa fo na beeŋ baa wɔtɔ mbaanaayɔ. Nɛ fo baa ji basa be asheŋ nɛ amo be ekpa so.

Nshɛ 45:7

Fee sha asɔ nɛ a niŋi ekpa nna nseŋ ŋ kishi alubi. Amoso nɛ fo Ebɔrɛ lara fo, nseŋ sa fo kagbenefuli nɛ k chɔ fo braana peya na.

Nshɛ 89:20

Ma e lara ma kayɛrbi Deevid nseŋ duga ma ŋku cheembi n do mbe kumu so n ta mo ŋ ki ewura.

Nshɛ 89:26

Ndoŋ nna nɛ e kaŋɛ ma le: ‘Fo e la n tuto nɛ ma Ebɔrɛ; Fo e la ma ekumpo nɛ ma emɔlgapo.’

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Zakareya 8:17

Men sa maa kre kebaawora abar kulubi. Men sa maa bɔ ntaŋ a ji efɛ be eshɛda. Ŋ kishi le be alubiana ere kikɛ nna.”

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Baru lela nɛ Jɔn kute na 1:41

Kusɔ nɛ Andru daŋ baŋ fara n wora e la fanɛ e daŋ fin mo da Saimɔn nna ŋ kaŋɛ mo le: “An wu Mesaya na.” Kumo e la fanɛ Kristo na.

Baru lela nɛ Jɔn kute na 10:17

Kusɔ nɛ k ba nɛ n Tuto na bee sha ma na e la fanɛ ŋ ka shuli n ta ma ŋkpa a sa basa nɛ n naŋ bɛta n nya kumo so.

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 4:26

Durnya ere to ebi be bewura bela ase nɛ kadewuraana shɛr nɛ b kɔ Enyɛnpe Ebɔrɛ nɛ mbe Kristo na kena.’

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

1 Kɔrintebi 1:9

Ebɔrɛ mo nɛ e tre menyi fanɛ menyi nɛ mo Pibinyɛn Yesu Kristo an Nyɛnpe e baa kɔ kebaawɔtɔ koŋwule na la esa nɛ esa beeŋ tiŋ n yirda nna.

2 Kɔrintebi 11:31

Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Filipaiebi 2:9

Ŋkpal loŋ so Ebɔrɛ maŋ mo so nna ga n yɔ kakpa nɛ k chɔ kusɔ kikɛ nseŋ sa mo ketre mo nɛ k chɔ ketre kikɛ nyam.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

Kelaraŋŋini 2:15

Beko malɛ gba wɔ menyi to a bɛ katuŋ nɛ baa tre Nikolawsebi na be keŋini so.