Hibruwebi 1:1 - EBƆRƐ BE KAWƆL

¹ Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Hibruwebi 1:1 Iomraidhean Croise

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Jɛnesis 6:3

Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”

Jowɛl 2:28

Nɛ Ebɔrɛ naŋ kaŋɛ le: “Ade kikɛ be kaman, meeŋ shin nɛ ma kiyoyu e ba ekama so nɛ men be mbinyɛnsobi nɛ mbichesobi e fara a bɔ ma kubɔya na nɛ men be benyɛnnimubiana e ba ku edare nɛ men be mbrantiɛbi e baa ku bɔrɛdare.

Luuk 1:55

E nyiŋi kewu Eebraham nɛ mbe kanaŋ kikɛ kuwɔr mbaanaayɔ.”

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 16:13

Ama nɛ mo ere, kashenteŋ be Kiyoyu na kaŋ ba, e beeŋ ŋini menyi kashenteŋ be ekpa kikɛ. E maaŋ ta mo gbagba be kumu so be eleŋ m malga, asɔ nɛ e beeŋ nu nawule be asheŋ nɛ e beeŋ malga nseŋ kaŋɛ basa asɔ nɛ a beeŋ ba be asheŋ.

Baru lela nɛ Jɔn kute na 7:22

Ama ŋkpal Mosis ka sa menyi mbra fanɛ men baa ku atutu so, menyee ku menyi be mbiana nna kewushiachɛ. Ama kashenteŋto, mannɛ Mosis e daŋ sa menyi mbra na, men nananyɛnana e nase kumo.

Baru lela nɛ Jɔn kute na 9:29

An nyi Ebɔrɛ ka malga n sa Mosis, ama kanyɛn ere bre, anyi maŋ nyi kakpa nɛ e shi gba.”

Ashuŋ Shunso 13:32

Baru lela na nɛ anyi alɛ bee bar menyi nfe na, kusɔ nɛ Ebɔrɛ daŋ nase kɔnɔ ŋ kaŋɛ an nanaana fanɛ e beeŋ wora na nɛ e tiŋi Yesu luwu to n wora n sa anyi nɛ an la bumo nanabiana kabre na.

Ashuŋ Shunso 2:30

E daa la anebi nna a nyi Ebɔrɛ be kɔnɔ nɛ e nase n sa mo fanɛ e beeŋ shin nɛ mo ere Deevid be kanaŋ to ebi be eko e ki ewura fanɛ Deevid gbagba.

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Ashuŋ Shunso 3:21

Ama e beeŋ baa wɔ ebɔrɛso hale nɛ saŋɛ nɛ Ebɔrɛ beeŋ shin nɛ asɔ kikɛ e ki apopɔr fanɛ kananɛ e shin nɛ mbe dra na be anebi cheembiana na kikɛ wu mbe asheŋ ŋ kaŋɛ fanɛ loŋ beeŋ wora na be jemanɛ e fo.

Hibruwebi 11:18

Le nɛ Ebɔrɛ daŋ kaŋɛ mo pibi be asheŋ: “Aizek to nɛ feeŋ bɔla n nya kaman to ebi na.”

Hibruwebi 11:2

Le be yirda ere so nɛ Ebɔrɛ daŋ kpaŋ bedrapo na.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:2

Baru mo nɛ k daŋ bɔla emalaika so m ba na daa la kashenteŋ nna, ŋkpal manɛ so, ekama nɛ e daa maŋ bɛ bumo so ŋko n nu n sa loŋ be kubɔya na, amodoŋwura daa nya kumo be kasogberge nɛ k daga mo nna.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 3:5

Kashenteŋ nna fanɛ anebi Mosis ka daa maŋ lar Ebɔrɛ kaman fanɛ kayɛrbi ashi Ebɔrɛ be kowu to ebi kikɛ to nseŋ daa ji asheŋ nɛ a beeŋ wora kachako so be shɛda na.

Hibruwebi 4:8

Kede e naa ŋini fanɛ nɛ Joshuwa daŋ shin nɛ b luri kewushi na to nna, Ebɔrɛ daa maaŋ naŋ malga kachako malɛ be asheŋ.

Hibruwebi 5:5

To, loŋ nɛ Kristo gba daa maŋ ta bɔrɛmatapo nimuso be keki na be bunyaŋ n sa mbe kumu. Ebɔrɛ nɛ e daŋ kaŋɛ mo fanɛ: “M Pibinyɛn e la fo, amoso, kabre ŋ ki fo Tuto”

Hibruwebi 9:19

Ŋkpal manɛ so, an ta fanɛ Mosis le. E ka daŋ kaŋɛ basa na kikɛ mbra na be ntaŋana na kikɛ n loge, e daŋ ta ateebi nɛ b nyɔɔ kepeper nna ŋ kre kedibi ko nɛ baa tre hisɔp na so. Kumo be kaman nɛ e naŋ ta kumo n nyɔɔ anabiana be ŋklaŋ to nɛ nchu to nseŋ ta ŋ ŋmenyaŋ n wurge basa na kikɛ nɛ mbra be kawɔl na so