Ɛfesesebi 4:3 - EBƆRƐ BE KAWƆL

³ Men baa wora ania ga a kɔ kɔnɔkoŋwuleso be kebaawɔtɔ be kagbenewushi nɛ k bee shi Kiyoyu na kutɔ nsaa bar menyi abar so na to kpakpa.

Ɛfesesebi 4:3 Iomraidhean Croise

1 Bewura 16:21

Ewura Zimri ka wu be kaman, nɛ Israɛlebi na barga to. Bumo be beko daa sha Ginaaf pibinyɛn Tibni ka ki ewura nna nɛ beko malɛ daa sha Omri ka ki ewura.

Ɛksodɔs 28:32

nɛ k baa kɔ kubɔ. Men ta kechɛbi lueso m muya kubɔ na ŋ kulti nɛ k baa kɔ eleŋ ga.

Kaŋinichiŋgeliŋ 4:12

Kolu nɛ esa koŋwule beeŋ kɔ n tɔr na, basa nyɔ bre beeŋ kɔ kumo m pɔɔ so. K beeŋ ba du kpakpa ga nɛ fo tiŋ n tuge kemamprɔŋ nɛ b ta efɔl asa m mɛa abar n wora to.

Maak 3:24

Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr.

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

Ɛfesesebi 4:13

Loŋ na an kikɛ beeŋ baa wɔ abar so ashi anyi be yirda nɛ anyi be kananɛ an nyi Ebɔrɛ Pibinyɛn na loŋ hale nɛ an ya kaa kɔ kebɛso na to be kenimufɛra n duli Kristo gbagba kusɔ kama to.

Ɛfesesebi 4:4

Eyur koŋwule nɛ Kiyoyu koŋwule e wɔtɔ fanɛ kananɛ tama koŋwule nɛ Ebɔrɛ tre menyi m ba wɔtɔ kumo to na gba wɔtɔ na.

1 Tɛsalɔnikaebi 5:13

Men baa sa bumo bunyaŋ nɛ kasha kpakpaso ŋkpal kushuŋ nɛ baa shuŋ na so. Men baa kɔ kɔnɔkoŋwule abar so.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.