Ɛfesesebi 2:2 - EBƆRƐ BE KAWƆL

² Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ɛfesesebi 2:2 Iomraidhean Croise

Job be kawɔl 1:16

Kabɔ na kraa malga nna nɛ enyɔsopo shile m ba kaŋɛ le: “Bɔrɛ nyɛkpɛ nna m ponte mbolpɔ na nɛ mbolpɔkpapoana na m mɔ. N nawule e nya n shile m ba nɛ m ba kaŋɛ fo kusɔ nɛ k wora.”

Job be kawɔl 1:19

nɛ bɔrɛfugboŋ ko ber n shi keshishɛrsawule so epul to m ba da kowu na n lɛ fo mbia na kikɛ so m mɔ. N nawule e nya n shile m ba nɛ ba kaŋɛ fo kusɔ nɛ k wora.”

Job be kawɔl 1:7

Ndoŋ nna nɛ Enyɛnpe Ebɔrɛ bishi Setani le: “Nnɛ nɛ fo shi! Manɛ nɛ fo daa wora?” Nɛ Setani kaŋɛ: “N na a kulti durnya kikɛ to nna.”

Job be kawɔl 31:7

Nɛ fanɛ n daŋ foe ekpa wora kusɔ ko nɛ k maŋ niŋi, ŋko n ta ma kumu n wɔtɔ kulubi ko to, ŋko n ta ma enɔana n wora kulubi ko nna,

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Aizaaya 30:1

Enyɛnpe Ebɔrɛ na yɛ: “Asheŋ maaŋ nyalɛ n sa basa nɛ baa ji kuwura Juda be efuli so na ŋkpal b ka lar ma kaman a maa nu a sa ma so. Baa bɛ ŋkre nɛ m maŋ wora so nna nseŋ shin nɛ bumo nɛ efuli ko so ebi bee wora kɔnɔkoŋwule be ŋkre nɛ m maa sha kumo be loŋ. B wɔtɔ nna a wora alubi a deŋi abar so.

Aizaaya 57:4

Wanɛ nɛ menyee wora eyurto? Wanɛ nɛ menyee mɛr kɔnɔ? Men keni, menyi be alubi shin nɛ men ki bewulpo nna.

Jɛremaya 23:10

Anebiana nɛ b maa ji kashenteŋ a sa Enyɛnpe Ebɔrɛ na e bɔlɔ kasawule na kikɛ to. Kumu kpakpaso be kebaawɔtɔ to nɛ b wɔ nsaa ta yuku nɛ b kɔ na a wora asheŋ nɛ e maŋ daga. Ŋkpal Enyɛnpe Ebɔrɛ na ka shoduu kasawule na so, k shin nɛ asɔbɔya be ejikpaana wɔl ŋ ki fanɛ keshishɛrsawule nna.

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Matiu 11:19

Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Matiu 13:38

Kudɔ na e la durnya ere nɛ asɔ duuso lela na malɛ la Ebɔrɛ be kuwura na to be basa. Asɔ duuso lubi na malɛ e la alubipo na be basa.

Maak 4:19

ama durnya ere to be kafɔŋ nɛ kumo be kemansherbisha nɛ ayɛlgasɔ kikɛ bee luri bumo to nna n sɔ kamalga na be kaboŋ nɛ b bɛ so ŋ gben.

Luuk 16:8

Damawura na daŋ kpaŋ mbe esibɛpo kebirkɔnshiwura na ga ŋkpal kashennyi nɛ e daŋ ŋini na so. Ŋkpal manɛ so, durnya ere to ebi kɔ kebirkɔnshi be kashennyi nna a wora bumo be asheŋ a chɔ basa nɛ b wɔ kefulto to.”

Luuk 22:31

Nɛ Yesu kaŋɛ: “Saimɔn Saimɔn, keni, Setani kule Ebɔrɛ ekpa fanɛ e bee sha kewora menyi yɛryɛrbi fanɛ kananɛ baa gbaŋgbaŋ aboyunyifu to na,

Baru lela nɛ Jɔn kute na 12:31

Naniere bre keji durnya ere demu be saŋɛ fo, naniere nɛ kegboŋi durnya ere to be ejuŋkparpo na ashi mbe kejuŋkpar na to na fo.

Baru lela nɛ Jɔn kute na 13:2

B ka tase ejikpa a shin nɛ b ji kanyɛso be ajibi nɛ alubipo na malɛ teŋ yili kumo Judas Iskareɔt, Saimɔn pibi be kagbene to fanɛ e debɔr Yesu.

Baru lela nɛ Jɔn kute na 13:27

Judas ka baŋ sɔ bodobodo na nɛ Setani luri mo to. Nɛ Yesu kaŋɛ mo: “Kusɔ nɛ fee sha kewora ere, fo wora kumo manaŋ manaŋ.”

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

Baru lela nɛ Jɔn kute na 16:11

Mo alɛ beeŋ naŋ ŋini bumo fanɛ b foe kasogberge be kenyi be ekpa, ŋkpal manɛ so, Ebɔrɛ teŋ gboŋi durnya ere to be ejuŋkparpo na ashi mbe kejuŋkpar na to.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Baru lela nɛ Jɔn kute na 8:23

Nɛ Yesu naŋ ta mbe kamalga n chuge so ŋ kaŋɛ: “Kasawule ere nfe nɛ menyi ere shi, ama esoso nɛ ma ere shi, durnya ere to nɛ men shi, ama mannɛ durnya ere to nɛ ma ere shi.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ashuŋ Shunso 19:35

Jimaŋ na wora awɔr na loŋ nɛ kade na to be krachigboŋ na ya tiŋ n lɔlɔ bumo nɛ b lo to nɛ e kaŋɛ bumo: “Ɛfesesebi, ekama nyi fanɛ Ɛfeses e naa keni kegbirche Aatemis be ebu na nɛ kejembu cheembi nɛ k shi ebɔrɛso n tɔr na so.

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

1 Kɔrintebi 5:10

Mannɛ basa nɛ b maŋ nyi Kristo nsaa kɔ kesakalea ŋko a la kejimuniwuraana na ŋko beyu ŋko agbirshumpoana nɛ n daa de. Nɛ mannɛ aloŋ nna menyeeŋ lar durnya ere to nna kuraa ai.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Ɛfesesebi 1:21

Kristo na e naa ji kuwura koŋwule esoso be kenimuji kikɛ nɛ kejuŋkpar kikɛ nɛ eleŋana kikɛ nɛ kenyɛnpeji kikɛ so. Mo e chɔ eleŋana kikɛ nɛ amo be adelebiana kikɛ ashi jemanɛ ere to nɛ kumo nɛ k bee ba na kikɛ to.

Ɛfesesebi 2:11

Amoso, men baa nyiŋi fanɛ menyi nɛ b kurge nnyamase nɛ bumo nɛ edimɛdi ta enɔana ŋ ku bumo atutu nɛ bumo koŋwule na bee tre menyi asoliwuraana ere, fanɛ menyi nɛ Kristo na daŋ barga abar nna.

Ɛfesesebi 2:13

Ama naniere ashi Kristo to, menyi nɛ saŋko men daa maŋ taga Ebɔrɛ to na, Ebɔrɛ bɔla Kristo be luwu na so nna n shin nɛ men ba taga mo to.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.

Ɛfesesebi 6:12

Ŋkpal manɛ so, mannɛ anyi nɛ edimɛdi e naa kɔ, ama anyi nɛ esoso be kenimujipoana nɛ bejuŋkparpoana nɛ tentembiri to be durnya ere to be eleŋana nɛ esoso be ayoyu lubiana e naa kɔ.

Kɔlɔsiebi 1:21

Saŋɛ na menyi nɛ Ebɔrɛ daŋ barga abar nna nɛ men daa la mo doŋana, ŋkpal men be nfɛra nɛ asheŋ lubi so.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.

Jeems 1:7

Loŋ be esa e sa maa fɛ kenya shɛŋ Ebɔrɛ kutɔ,

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.

1 Jɔn 4:4

Ama menyi ere, ma mbi shasoana, men la Ebɔrɛ be basa nna m pɔɔ loŋ be anebi fɛpoana so, ŋkpal manɛ so, esa nɛ e wɔ menyi to na e chɔ emo nɛ e wɔ durnya ere to na.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

1 Jɔn 5:4

Ŋkpal manɛ so, esa kama nɛ e la Ebɔrɛ pibi bee pɔɔ durnya ere so nna. Eleŋ mo nɛ k bee pɔɔ durnya so e la anyi be yirda.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 16:17

Nɛ malaika shunusopo na ta mbe katishaŋ nɛ agbo na n chulgi n wurge esoso nɛ ebɔl ko shi bɔrɛlambu na to awɔrso ŋ kaŋɛ: “Asheŋ na wora.”

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.