1 Tɛsalɔnikaebi 3:3 - EBƆRƐ BE KAWƆL

³ Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

1 Tɛsalɔnikaebi 3:3 Iomraidhean Croise

Job be kawɔl 23:14

Kusɔ nɛ e kre a laŋɛ ma kaplɛa so ashi mbe ŋkre damtaana to, kumo nɛ e beeŋ wora ma.

Nshɛ 112:6

Shɛŋ maaŋ tiŋ n chɛrga bumo be kesheŋ wora; basa malɛ maaŋ teŋ bumo be alelasheŋ so kikɛ.

Luuk 21:12

Ama pɔɛŋ nɛ le be asheŋ malɛ kikɛ e wora, basa beeŋ pɛ menyi n tɔrɔ menyi a ta menyi a bɔɔ nshɛrbuana to be benimuana enɔ nsaa ti menyi ebuana. Basa beeŋ kpal ma ketre so n yɛr menyi bewurgboŋana nɛ egomena be anishito.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Ashuŋ Shunso 2:25

Ŋkpal manɛ so le nɛ Deevid daŋ malga mbe asheŋ ŋ kaŋɛ: ‘Mee wu Enyɛnpe saŋkama ma anishito, ŋkpal manɛ so, e wɔ ma kutɔ nna a chɛ ma to nɛ basa e sa maŋ tiŋ n tɔrɔ ma.

Ashuŋ Shunso 21:11

E ka ba anyi kutɔ nɛ e ba ta Pɔɔl be kreso ŋ kre mo gbagba be aya nɛ enɔana nseŋ kaŋɛ: “Le nɛ Kiyoyu Cheeŋ na kaŋɛ: ‘Le nɛ Jerusalɛm to be Juwebi na beeŋ kre kreso ere wura nseŋ ta mo m bɔɔ nnyamase enɔ.’ ”

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 9:16

Ma alɛ gbagba beeŋ ŋini mo tɔrɔ nɛ a daga e ka ji n sa ma.”

Romebi 5:3

Mannɛ aloŋ gba nawule so, ama an ka wɔ tɔrɔ to so nɛ anyi be ŋgbene kraa naŋ fuli anyi n ti so, ŋkpal manɛ so, an nyi tɔrɔ ka bee bar kenya kagbene a kɔ to be kebaawɔtɔ

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 4:9

K bee wora ma nna fanɛ Ebɔrɛ ta anyi beshuŋipo nna m bɛ ekama be kaman nɛ an baa du fanɛ basa nɛ b ji n tɔr n daga kewu kelɔnɛ so na. B yili anyi kefulto so nna geeŋ, emalaika nɛ basa kikɛ be anishito, kumo e la fanɛ durnya kikɛ be anishito.

Ɛfesesebi 3:13

Amoso, mee kule menyi nna fanɛ men sa maa pɔ aba ŋkpal ŋ ka bee wu tɔrɔ a sa menyi so so, men be kelela so nɛ loŋ be asheŋ bee nya ma.

Filipaiebi 1:28

Menyi alɛ e sa maa ŋana men doŋana. Men baa kɔ kenyɛn ashi kusɔ kama nɛ baa wora menyi to nɛ loŋ e tiŋ ŋ ŋini bumo fanɛ baaŋ shin nɛ menyi ere e ji n lar ŋkpal Ebɔrɛ ka sa menyi kumɔlga so.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

1 Tɛsalɔnikaebi 5:9

Ebɔrɛ maŋ lara anyi nna nɛ e ta mbe agbo n lɛ anyi so, ama e lara anyi nna nɛ an baa nya kumɔlga ashi Enyɛnpe Yesu Kristo to.

2 Tɛsalɔnikaebi 1:4

Amoso nɛ anyi gbagba wɔ Ebɔrɛ be asɔriana to a ji njɔŋ ŋkpal menyi so na. Men be yirda nɛ kanyiti nɛ men kɔ a wɔ awurfoŋ nɛ tɔrɔ damta ere to so nɛ anyee ji njɔŋ loŋ na.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.