1 Tɛsalɔnikaebi 1:3 - EBƆRƐ BE KAWƆL

³ Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 1:3 Iomraidhean Croise

Jɛnesis 29:20

Amoso nfɛnshunu nɛ Jeekɔb daŋ shuŋ ŋkpal Reechel so, ama nfɛnshunu na daa du fanɛ nchɛ gbrɛbi ko nna ŋkpal kasha nɛ e daa kɔ n sa Reechel na so.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Sɔlɔmɔn 8:7

Nchu maaŋ tiŋ n duŋ kasha be edɛ, Ŋko n fɔr kumo n lɛ. Fo maaŋ tiŋ n ta amansherbi n tɔ kasha.

Baru lela nɛ Jɔn kute na 14:15

Nɛ men baa sha ma, menyeeŋ baa bɛ ma mmalga naseso so.

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Ashuŋ Shunso 10:31

‘Kɔɔnilias, Ebɔrɛ nu fo kabɔrɛkule na nseŋ naŋ wu fo alelasheŋ na.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Romebi 12:12

Men shin nɛ menyi be tama e baa sa menyi kagbenefuli nɛ men baa ji kanyiti ashi menyi be etɔrɔ to nsaa kule Ebɔrɛ saŋkama.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 15:4

Abɔrɛsibɛ kama malɛ nɛ b daŋ sibɛ dra dra kikɛ n nase na, b daŋ sibɛ amo nna nɛ a baa ŋini anyi asheŋ, saŋɛ na so, anyeeŋ bɔla kanyiti nɛ kananɛ abɔrɛsibɛ na bee leŋ anyi to na to a kɔ tama.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

Romebi 16:6

Mee chɔrɔ Mɛɛri nɛ e shuŋ ga n sa menyi na.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

1 Kɔrintebi 13:13

Ama asheŋ ere kikɛ to asɔ nɛ a beeŋ baa wɔtɔ e la, yirda nɛ tama nɛ kasha, ama amo alɛ kikɛ be kejuŋkparso e la kasha.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

1 Tɛsalɔnikaebi 3:6

Timoti ka shi menyi kutɔ m ba, mo alɛ bar anyi menyi be yirda nɛ kasha be kubɔya lela. E kaŋɛ anyi men ka bee nyiŋi an be asheŋ a fin kewu anyi fanɛ kananɛ anyee fin kewu menyi na.

2 Tɛsalɔnikaebi 1:11

Amoso nɛ anyee kule anyi be Ebɔrɛ saŋkama a sa menyi fanɛ e shin nɛ men be kebaawɔtɔ e baa du fanɛ kananɛ e tre menyi fanɛ men ba kaa kɔ na. Anyee kule mo fanɛ e ta mbe eleŋ na n shin nɛ men be kelela be kasha na e wora kashenteŋ n shin nɛ men be yirda be kushuŋ na e bɔlɔ so nyam.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

1 Timoti 1:14

An Nyɛnpe bugi kagbene n wu ma kuwɔr ga nseŋ sa ma yirda nɛ kasha ashi Kristo Yesu to.

1 Timoti 2:3

Le be asɔ la asɔ lela nna

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

Hibruwebi 6:15

Ndoŋ nna nɛ Eebraham ji kanyiti loŋ n ya nya kusɔ nɛ Ebɔrɛ yɛ e beeŋ wora na.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Jɔn 3:18

Ma mbi shasoana, men sa maŋ shin nɛ an baa kɔ mmalga ŋko nnɔ nawule a sha basa, men shin nɛ an baa kɔ aworbi nɛ kashenteŋ a sha basa.

1 Jɔn 3:21

Beshapo, nɛ an be ŋgbene baa maa ji a bri anyi, kumo ere anyi maa shika to Ebɔrɛ be anishito.

1 Jɔn 3:3

Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.

Kelaraŋŋini 2:19

N nyi men be aworbi nɛ men be kasha nɛ yirda, nɛ kananɛ menyee shuŋ beko nseŋ naa nyi kanyiti nɛ men kɔ a yil to. Ma alɛ naa nyi fanɛ naniere menyee wora asheŋ ga a chɔ kananɛ men daa wora sososo na.

Kelaraŋŋini 3:10

Ŋkpal men ka bɛ kusɔ nɛ ŋ kaŋɛ menyi fanɛ men baa yili to kanyitiso na so so, ma alɛ gba beeŋ kuŋ menyi ashi kechɔŋkeni be jemanɛ mo nɛ k bee ba durnyaebi kikɛ so m ba wora basa nɛ b wɔ kasawule so kikɛ ŋ keni na.