1 Tɛsalɔnikaebi 1:1 - EBƆRƐ BE KAWƆL

¹ Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

1 Tɛsalɔnikaebi 1:1 Iomraidhean Croise

Ashuŋ Shunso 15:22

Ndoŋ nna nɛ beshuŋipo na nɛ benimuana na nɛ asɔriebi na kikɛ wora kɔnɔkoŋwule fanɛ b lara katuŋ na to be basa ko n shuŋi bumo nɛ Pɔɔl nɛ Baanabas Antiɔk. Judas nɛ baa tre Baasabas na nɛ Sailas nɛ b daŋ lara. Bumo benyɔ na daa la basa nɛ bekurgepoana na kikɛ daa sa bunyaŋ nna.

Ashuŋ Shunso 15:27

Menyeeŋ nu asheŋ koŋwule nɛ anyee sibɛ ere gbagba ashi Judas nɛ Sailas nɛ anyee shuŋi ere be kɔnɔ to.

Ashuŋ Shunso 15:40

Nɛ Pɔɔl malɛ ta Sailas, nɛ bekurgepoana na ta bumo m bɔɔ Ebɔrɛ enɔ nɛ e baa keni bumo so. Kumo be kaman nɛ b yɔ.

Ashuŋ Shunso 16:19

Kebichebi na mo nyɛnpeana ka pin fanɛ e maaŋ naŋ tiŋ n nya amansherbi n sa bumo nɛ b nyaŋ Pɔɔl nɛ Sailas ŋ gberge bumo n yɔ kelɔnɛ so, demujikpa n ya sa benimuana na.

Ashuŋ Shunso 16:25

Kumo be kamɔnchɛ be kiidiso Pɔɔl nɛ Sailas ka bee kule Ebɔrɛ nsaa boŋ nshɛ a di Ebɔrɛ epaŋ nɛ bumo braana nɛ b wɔ kabuti na to na bee nu.

Ashuŋ Shunso 16:29

Nɛ kabutikenipo na shin nɛ b sa mo fitila nɛ e jɔ to n luri ŋ gbir Pɔɔl nɛ Sailas be anishito a chicha.

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Ashuŋ Shunso 18:5

Sailas nɛ Timoti ka shi Masɛdonia m ba nɛ Pɔɔl yige kusɔ kama nsaa wɔtɔ a bɔ kubɔya na a bugi kumo to nɛnɛ a kaŋɛ Juwebi na fanɛ Yesu e la Kristo na.

Ashuŋ Shunso 19:22

Ndoŋ nna nɛ e shuŋi mbe bechɛtopo anyɔ ko Masɛdonia nseŋ kraa wɔ Eeshia be kasawule so. Mbe bechɛtopo na e daa la Timoti nɛ Irastes.

Ashuŋ Shunso 20:4

Mo nɛ Pires nɛ e shi Beriya na pibi Sopata nɛ Aristaakes nɛ Sɛkundes nɛ b shi Tɛsalɔnika na nɛ Gayes nɛ e shi Dɛbi na nɛ Timoti nɛ Eeshia be efuli so ebi Tikikes nɛ Trɔfimes na e daŋ yɔ.

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

1 Kɔrintebi 1:2

Bumo e la basa nɛ Ebɔrɛ lara fanɛ b ba kaa la mbe basa a wɔ Kristo Yesu to na. Bumo koŋwule na nɛ basa kama nɛ b wɔ kaplɛkama a ti an Nyɛnpe Yesu Kristo be ketre na, mo e la bumo Nyɛnpe nɛ an Nyɛnpe na nɛ b tre nɛ b ba kaa la basa cheembi a wɔtɔ.

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

2 Kɔrintebi 1:19

Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

Galeeshaebi 1:2

Bekurgepoana nɛ b wɔ nfe ere kikɛ na gba ti kawɔl ere be kasibɛ be asheŋ to so a chɔrɔ menyi.

Galeeshaebi 1:22

Saŋɛ na so, Judiya be efuli so be asɔriana na to ebi nɛ b wɔ Kristo to na maŋ naŋ wu ma kenishiso ŋ ku so.

Ɛfesesebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Kɔlɔsiebi 1:1

Kawɔl ere shi ma Pɔɔl nɛ n la Yesu Kristo be eshuŋipo ŋkpal Ebɔrɛ be keparso nɛ an kurgepo Timoti kutɔ nna

2 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ.

1 Timoti 1:2

a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

2 Timoti 1:2

a yɔ fo, m pibi shaso Timoti kutɔ. Ebɔrɛ Etuto nɛ Kristo Yesu an Nyɛnpe na e sa fo kuwɔr be kakɛ nɛ kuwɔr nɛ kagbenewushi.

Hibruwebi 13:23

Mee sha fanɛ men pin fanɛ b lara an kurgepo Timoti ashi kabuti to. Amoso, nɛ e kaŋ wule m ba nfe, ma nɛ mo e naaŋ ba wu menyi.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.