دوم تیموتائوس 1:6 - کتاب مقدس به زبان گیلکی - گویش رشت و غرب گیلان

⁶ جه اَ رو، تی یاد آوَرَم کی خُدا اُ عطیه یَ، کی می دَس گذاری خاطری تی درون بامو، اونِ آتشِ وَلَ زیادَ کونی.

Gilaki New Testament

⁶ هنٚ وأسی خأیم تٚرَه یأد بأوٚرٚم کی هو عطأیی کی خودا جَا تی دورون نٚهأ وٚل بدی، هو عطأیی کی خودا، دوعأ زمأت و او وختی کی تٚرَه دٚسگوذاری بوکودم، تی جأنٚ میأن بینیشته.

کتاب مقدس به زبان گیلکی - گویش شرقی

⁶ هین وأسئه تأ یادآوری کؤنم کی خدا عطیهَ، کی می دست نهی خؤنی تی مئن بمأ، اون آتشه بله زیادأکونی.

دوم تیموتائوس 1:6 Iomraidhean Croise

لوقا 19:13

پس، دَه کَس جه خو خیدمتکارانَ دوخواد و هرتایِ، ایتا سکه طلا فَدَه کی اوشان سه ما دستمُزد اَندر بو و بگفت: ”تا من واگردَم، اَ پول مرا کاسبی بُکونید.“

اعمالٚ رسولأن 19:6

وقتی کی پولُس، اوشان سر دَس بنه، روح‌ القدّس اوشان سر قرار بیگیفت، و اوشان دیگر زَوانانِ مرا گَب زئید و نبوّت کودید.

اعمالٚ رسولأن 6:6

اَ مرداکانَ رسولان ورجه ببردید، و رسولان دُعا بُکودید، و اَشان سر دس بنه ئید و اَ خیدمت سر بنائید.

اوّل تسالونیکیان 5:19

خُدا روحِ آتشَ دُنکوشانید؛

اوّل تیموتائوس 4:14

اُ عطاییَ کی تی درون دَره، بی اعتنایی نَوا کودَن، عطائی کی نَبوّت امرا، اُ موقع کی شورا ریش سیفیدان تی رو دَس بَنَه بید، بدَس باوَردی.

اوّل تیموتائوس 4:6

اگه اَ چیانَ برارانَ باموجی، مسیحْ عیسی نوکر خوائی بوستن، کی ایمانِ کلام درون تربیت خوائی بوستن و اُ خُبِ تعلیم کی اونَ دمبال بُکودی.

دوم تیموتائوس 2:14

اَ چیانَ اوشانِ یاد باور، و خُدا جُلو اوشانَ سفارش بُکون کی کلماتِ سر دعوا مرافه نُکونید، کی فایده ناره، بلکی فقط باعث به، اوشانی کی ایشتاویدی جه راه به دَر بیبید.

دوم تیموتائوس 4:2

خُدا کلامَ اعلام بُکون، و وقت و بی وقت آماده بُبو، زیادِ صبر و کاملِ تعلیم امرا، اصلاح و تشر و تشویق بُکون.

عبرأنیأن 6:2

و غُسل تعمیدانِ یاد دئن ره، دَس گُذاری ئان، مُرده ئان زنده بوستن و اَبدی داوری ره بَنیم.

دوم پطرس 1:12

پس من خوائم اَچیان، همیشک شیمی یاد بمانه، هرچن کی اَ چیانَ دانیدی و اُ حئیقتِ درون کی بدَس باوَردید، پابرجا ایسائید.

دوم پطرس 3:1

اَی عزیزان، اَن دومتّا نامه ای ایسه کی شمرأ نیویشتن درم. هر دوتا نامه یَ اَ نیّتِ امرا شمرأ بینیویشتم تا شیمی یاد باوَرَم و شیمی پاکِ فیکرانَ به ذوق باوَرَم،

یهودا 1:5

با اَنکی شُمان ایوار، تمانِ اَشانِ جا خبر دَشتیدی، ولی خوائَم شیمی یاد باوَرَم، کی خُداوند عیسی، یهودِ مردومَ مصر سرزمین جا نجات بدَه، ولی ایوارده اوشانَ کی ایمان ناشتید، نابود بُکود.