اوّل تیموتائوس 5:18 - کتاب مقدس به زبان گیلکی - گویش رشت و غرب گیلان

¹⁸ چونکی توراتِ کتابِ درون گه: «ایتا گابِ دهنَ کی خرمنَ کوبه دَنوَد» و «کارگر بایستی خو دستمزدَ فیگیره.»

Gilaki New Testament

¹⁸ چون موقدسٚ کیتأبأنٚ دورون بأمؤ: «گأبٚ دٚهٚنَ خرمن کؤبی رِه دٚنوٚد و وئأل کأرٚ موقع تی خرمنٚ جَا بوخوره» و ایتأ جأ دِه‌یٚم بٚفرمأسته: «چون کأرگر خو موزدٚ حق دأره»

کتاب مقدس به زبان گیلکی - گویش شرقی

¹⁸ چون تؤرات کیتاب مئن گونه: «یکته گؤ دهنه کی خرمن کوتنئنه، دنبد.» و «کارگر خأ خوشه دستموزده هگیره.»

اوّل تیموتائوس 5:18 Iomraidhean Croise

متّی 10:10

و سفرِ واسی، کوله بار یا زیادی پیرهن یا پاپوش یا دَسِ چو اونسانید؛ چونکی کارگرِ روزی اونِ حقّ.

لوقا 10:7

اُ خانه درون بأسید و هرچی شمرأ فدَه ئید، بُخورید و بُنوشید، چون کارگرِ مُزد اونِ حقه. اَ خانه به اُ خانه جابجا نیبید.

رومیأن 10:11

هُطوکی اشعیای پیغمبر کتاب گه: «هرکس اونَ ایمان باوره، شرمنده نیبه.»

رومیأن 11:2

خُدا خو مردومَ كی پيشتر سیوا بُکوده بو، رّدَ نُكوده. مگه نانیدی مُقّدس بینیویشته ئان ایلیا پیغمبر باره چی گه؟ کی اون چُطو اسرائيلِ مردومِ ضد، خُدا ورجه گیلگی بُکود و بُگفت؟

رومیأن 4:3

چونکی توراتِ درون چی بینیویشته بُبوسته؟ «ابراهیم، خُدایَ ایمان باورد و اَن، اونِ ره صالحی بحساب بامو.»

رومیأن 9:17

چونکی توراتِ درون، خُدا فرعونَ گه: «من، اَ هدفِ واسی، تَره به قدرت فارسانِم تا می قدرتَ تی درون نمایان بُکونم و تا می نام، زمینِ سرتاسر اعلام بِبه.»

اوّل قرنتیان 9:14

جه اَ رو، خُداوند حُكم بُكوده دَره، اوشانی کی انجیلَ اعلام کونیدی، بایستی خوشانِ روزیَ انجیلِ جا بدَس باورید.

غلاطیأن 3:8

و مقدّس بینیوشته ئان پیشتر بیده کی خُدا غیر یهودیانَ ایمانِ واسی صالح بحساب باورده، جه اَ رو، اُ خُب خبرَ ابراهیمَ اعلام بُکود و بگفت: «تمانِ ملتّان، زَمینِ سر بواسطه تو برکت خوائید گیفتن.»

یعقوب 4:5

یا اَنکی خیال کونیدی مقدّس بینیویشته هچین بگفته: «خُدا نسبت به اُ روحی کی اَمی درون بَنه خَیلی غیرت دَره؟»