اوّل تیموتائوس 3:13 - کتاب مقدس به زبان گیلکی - گویش رشت و غرب گیلان

¹³ چون اوشانی کی شَماسانِ مقامِ درون خُبِ خیدمت بُکوده بید، ایتا خُب مقام گیریدی و اُ ایمانِ درون کی مسیح عیسی درونِ، پیله اطمینانی بدَس آوریدی.

Gilaki New Testament

¹³ شمأسأنی کی خُب خیدمت بوکونٚد، خوروم چیزأن بٚدٚس اَوٚرٚده، چونکی هم مردوم اوشأنَ ایحترأم نٚهٚده و هم اَشأنی ایمأن و ایعتمأد مسیحٚ عیسا جَا پورزورترَ بِه.

کتاب مقدس به زبان گیلکی - گویش شرقی

¹³ چون اوشؤنی کی شماسؤن موقؤم مئن خوب خدمت بوده‌بی، یکته خؤرم موقؤم گینن و او ایمؤن مئن کی مسیح عیسی مئن دره، یکته پیله ایطمینؤن به دست أبئنن.

اوّل تیموتائوس 3:13 Iomraidhean Croise

متّی 20:28

حتی انسانِ پسرم نامو تا اونَ خیدمت بُکونید، بلکی بامو تا خیدمت بُکونه و خو جانِ مرا خَیلیانِ رهائی بهایَ فدِه.»

متّی 25:21

اونِ ارباب جواب بدَه: ”آفرین، اَی خُبِ و امین خیدمتکار! کوج کاران درون اَمین بی، پس تره پیله کاران سر نئم. بیا و تی اربابِ شادی درون شریک بُبو!“

لوقا 19:17

اون بگفت: ”آفرین، اَی خُب خیدمتکار! چونکی اَ کوج کارِ درون کی تره واسپارده بوم امین بی، دَه تا شارَ تره فدم تا اون حاکم ببی.“

اعمالٚ رسولأن 21:35

وقتی پولُس، قلعه پله ئان نزدیکَ بوست، خلق اَنقد بَرزخ بید کی، سربازان مجبوری پولُسَ خوشان دسانِ سر ببَردید.

اعمالٚ رسولأن 6:15

هه موقع، تمان کسانی کی شورا درون ایسابید و استیفانَ زُل بزه بید، بیدِه ئید کی استیفانِ دیم، ایتا فیریشته دیمِ مانستن بُبوسته.

اعمالٚ رسولأن 6:5

اُ گبی کی رسولان بگفته بید همتان خوش بامو. اوشان استیفانَ کی ایتا مردای بو پُر جه ایمان و روح القدّس انتخاب بُکودید، و هطوئَم فیلیپُس، پْروخُروس، نیکانُور، تیمون، پارمِناس و نیکُولائوس، کی انطاکیه درون یهودی بُبوسته بویَ، انتخاب بُکودید.

اعمالٚ رسولأن 6:8

استيفان، پُر جه فیض و قوت بو و مردومِ میان پیله نیشانه ئان و مُعجزات انجام دئی.

اوّل قرنتیان 16:15

دَنیدی کی اِستِفاناس خانواده اولتّا کسانی بید کی اَخائیه ولایت درون ایمان باوردید، و اوشان خوشانَ، مُقدسّینِ خیدمت ره وقف بُکودید. براران، شیمی جا خواهش کونم

فیلیپیان 1:14

و می زندان دَکفتن باعث بُبوست كی ويشترِ براران، خُداوند درون اشانِ دیل قوی تر ببِه، تا تمان جرأت اَمرا بدون ترس خُدا کلامَ بیگید.

اوّل تسالونیکیان 2:2

بلکی، هرچن پیشتر، فیلیپی شار درون هُطوکی دانیدی عذاب بکشه ایم و امرا بَدی بکودید اوجور کی خجالت آور بو، ولی امان اَمی خُدا کمکِ امرا جرأت بکودیم تا خُدا انجیلَ خَیلی مخالفتانِ میان شمرأ اعلام بُکونیم.

اوّل تیموتائوس 3:14

اُمید دَرم کی خَیلی زو تی ورجه بایم، ولی اَشانَ تَره نیویسم تا،

دوم تیموتائوس 2:1

پس تو، می زای، اُ فیضِ امرا کی مسیحْ عیسی درونِ قَوی بُبو،

عبرأنیأن 6:10

چونکی خُدا بی انصاف نیه کی شیمی کار و محبتیَ کی اونِ نامِ واسی مقدّسینِ خیدمتِ درون نیشان بدَه ئید جه یاد بِبره، هُطوکی هنوزَم کودَن دَرید.