اوّل تیموتائوس 1:19 - کتاب مقدس به زبان گیلکی - گویش رشت و غرب گیلان

¹⁹ ایمان و خُبِ وجدانَ بچسب. چونکی بعضیان اَشانِ ردَّ کودنِ امرا اوشانِ ایمانِ کِشتی دورسفته،

Gilaki New Testament

¹⁹ ایمأنی‌یَ کی مسیحَ دأری قأیم دوچوک و تی ویجدأنَ تیمیز بٚدأر و اونی صدایَ بشتأو و انجأم بٚدٚن. چونکی بعضیأن خوشأن ویجدأنٚ صدایَ گوش نٚدٚده، کأرأنی بوکودٚده کی دأنستید دوروست نییٚه. هنٚ وأسی، بأزون ایپچه خودا اَمرأ موخألفت کودن، خوشأنٚ ایمأنَ کی مسیحَ دأرٚده جٚه دٚس بٚدأده.

کتاب مقدس به زبان گیلکی - گویش شرقی

¹⁹ ایمؤن و خؤرم وجدؤنه دچکی. چره کی بعضئن ایمؤن کشتی، این وأسئه کی ایشؤنه ردأگودن، بشکسه.

اوّل تیموتائوس 1:19 Iomraidhean Croise

متّی 6:27

کیسه شیمی جا کی بتانه نیگرانی مرا، ایتا ذرّه خو عُمرَ زیادَ کونه؟

اوّل قرنتیان 11:19

چونکی اَ دو دستگی بایستی شیمی میان بِبه تا اَطویی شیمی میان اوشانی کی راس راسی ایمان دَریدی، معلوم بیبید.

غلاطیأن 5:4

شُمان مسیح جا سیوا بُبوستید، شُمان کی بواسطه شریعت خوائیدی صالح بحساب بائید، شُمان فیض جا دورَ بوستید.

اوّل تیموتائوس 1:5

اَمی منظور اَ دستورِ جا محبت ایسه، محبتی کی پاکِ دیل جا، و خُبِ وجدان و خالص ایمان جا اَیه.

اوّل تیموتائوس 3:9

اوشان بایستی ایمانِ رازَ ایتا پاکِ وجدان امرا بدَرید.

اوّل تیموتائوس 6:12

ایمانِ خُبِ جنگِ درون بجنگ. اُ ابدی زیندگی کی اونِ ره دعوت بُبوستی و اونَ خَیلی شاهدانِ جُلو اعتراف بکودیَ، بچسب.

اوّل تیموتائوس 6:21

چونکی بعضی آدمان کی اَ چیانِ درون اِدعا دَریدی، ایمانِ جا دورَ بوستید. فیض تی امرا بِبه.

اوّل تیموتائوس 6:9

ولی اوشانی کی پولدار بوستنِ ناجیَ دَریدی، وسوسه درون و تله درون دَکَفیدی و خَیلی بیخودی خواسته ئان درون دَکَفیدی کی ضرر فاراسانیدی، کی مردومَ نابودی و هلاکتِ سمت فاکشه.

دوم تیموتائوس 2:18

کی حئیقتِ جا واگردستید و گیدی، اُ روج کی مُرده ئان زنده بیدی، هه الانِ و اَطویی بعضیانِ ایمانَ از بین بَریدی.

دوم تیموتائوس 4:4

و اوشان، حئیقتِ گوش کودَنِ جا رو واگَردانیدی و داستانانِ سَمت گمراه بیدی.

تیتوس 1:9

اون بایستی اُ قابیل اعتمادِ کلامَ کی یاد بیگیفته، قایِم بچسبه، تا بتانه دُرُستِ تعلیمَ یاد بِده و اوشانیَم کی اَ تعلیمِ ضد ایسید، توبیخ بُکونه.

عبرأنیأن 3:14

چونکی اَمان مسیحِ درون شریک بُبوستیم، اگر راس راسی اِطمینانیَ کی جه اول داشتیم تا به آخر قایم بداریم.

اوّل یوحنا 2:19

اوشان جه اَمی میان بيرون بُشوئید، ولی جه اَمان نیبید؛ چونکی اَگه جه اَمان بید، اَمی امرا ايسائيدی. ولی اوشانِ شئون نیشان بده كی هيتّا جه اوشان، جه اَمان نیبید.

موکأشفه 3:10

چونکی تو می کلامَ پایداری باره بداشتی، منم تَره اُ امتحانِ ساعتِ درون خوائم داشتن، اُ ساعت کی تمانِ دُنیا سر اَیه تا زمينِ سرِ مردومَ، امتحان بُکونه.

موکأشفه 3:3

پس اونچیَ كی بیگیفتی و بيشتاوستی، بياد باوَر؛ اونَ بِدار و توبه بُكون. اگر بيدارَ نیبی، دوزدِ مانستن اَيم و تو واخُب نیبی کی چی ساعتی تی ضد خوائم اَمون.

موکأشفه 3:8

من تی اعمالِ جا واخبرم. بیدین، ایتا وازَه کودِه دَر تی جُلُو بَنَم، كی هيکّس نتانه اونَ دَوَدِه. دَنم كی تی قدرت کمِ، ولی می كلامَ بداشتی و می نامَ حَشا نُكودی.