Pilipae 1:1 - Kubokota Adapt New Testament

¹ Ara Paula beto i Timote, gami kori na nabulu ti Jisu Karisito. Na leta ani za qa valaoa tadiria doru tinoni tana Tamaza qari tutia i Jisu Karisito, beto tadiria na tinoni kopu beto ria na tinoni varitokai pa ekelesia pa Pilipae.

Pilipae 1:1 Iomraidhean Croise

Maka 13:34

Maka moqaza podeke vei gu maka tinoni za keni lekolekonana pa maka guguzu zouna. Tonai za oqoro taloi keni nari za okoto iadi na roiti ria nana nabulu ko mari okokoto roiti za gua. Beto za poja vakoleni tugu za na tinoni za kopu pa atakamana ko mina suvere gelegeleni za na mule lamena za guni.

Jone 12:26

Aza za nabuluniziu ara za mi tutiziu, ko ketakoi mana suvere ara za na qua nabulu ba mi suvere tugu. Aza za nabuluniziu ara za na Tamaqu tu mina valavatia aza,>> za gua i Jisu.

Roiti 1:20

< za gua. Beto ari mutu za gua vei, za gua.

Roiti 20:28

Ko mu kopu muledigamu makamiu vei tugu ria doru sipi qari kole pa miu kopu. Na Ongu Tabuna tu za vatinoni kopugamu za gamu ko muna dogoro kopuni za na ekelesia tana Tamaza, aza na ekelesia pa orunguna tu na Tuna Makai za pajuku tekuni aza.

Roiti 9:13

Nari za oe lao i Hananisi, <

Romu 1:1

Ara Paula maka nabulu ti Jisu karisito, beto ko na Tamaza tu za kukuziu ko qa tinoni tagarunuqu beto za mijataziu aza ko qa vaqatani za na nongoro leana za koko lame vei tana Tamaza.

Romu 1:7

Ara za qa kuti lao tadigamu doru pa Romu, gamu za roquroqugamu na Tamaza beto za kukudigamu na nana tinoni aza. Ara qa tepai ko na variroqu varialona beto na bule tana Tamaza na Tamada beto na Bangara i Jisu Karisito mi kole somana tadigamu.

1 Koriniti 16:10

Vei mina lame tadigamu i Timote, za mu vakamu valeania pa varikorapaimiu, ura aza za roitini na roiti tana Bangara, za vei tugu qa vei ara.

2 Koriniti 1:1

Ara Paula, pana nyorogua tana Tamaza qa maka tinoni tagarunuqu ti Jisu Karisito, beto ko i Timote na taida. Na leta ani za lao tadigamu na ekelesia tana Tamaza pa Koriniti beto ko tadiria dorudi na tinoni tana Karisito qari suvere doru kota pa pikata ia pa Akaia.

Qelesia 1:10

Ae vei, qa korapa nyaqoa ara za vei beto mari vatarazaeziu ria na tinoni qa gua? Dai! Na Tamaza tu za qa korapa nyorogua vaqerai ara. Ba ae vei qa korapa paranga vei ko ma vaqeraria gu ria na tinoni qa gua ara? Vei ba korapa tugu nyorogua vaqeraria ria na tinoni ara, nari za nake padaqu ko mana nabuluni ara na Karisito.

Qelesia 3:26

Gamu doru tinoni Jiu beto nake Jiu za koviria na tuna beto na Tamaza pana miu kole maka tana Karisito ura gamu tori rangea tu gamu na Karisito.

Qelesia 3:28

Ko tonai gamu kole maka pana ti Jisu Karisito nari za gamu varitoto gu pana dogodogoro tana Tamaza za gamu doru. Kepore za na varipikatai Jiu babi na tinoni karovona, na pinauzu babi na tinoni taruvatana, na reko babi na marene. Kepore za maka bi poreveveina jolani za maka.

Episasi 1:1

Ara Paula maka tinoni tagarunuqu ti Jisu Karisito, ko qa tagarunu pana nyorogua tana Tamaza. Na leta ani za qa valaoa ara tadigamu na tinoni tana Tamaza gamu suvere pa Episasi ko za pauzu vaneqia na miu rangerange pana ti Jisu Karisito.

Episasi 1:15

Ko pana ginuana za roiti vei zara na Tamaza pana miu toa, nari za podalai tugu totonai qa nongoroni ara za na miu rangerange za lao pana tana Bangara i Jisu beto ko na miu variroqu za lao tadiria doru tinoni tana Tamaza,

Episasi 6:24

Na variroqu varialona mi somana kole jola tadigamu dodoru gamu roquroqua na nada Bangara i Jisu Karisito.

Pilipae 2:19

Ego pana qua roverove neqina tana Bangara i Jisu za pala manake oriavo garunu laoni ara tadigamu i Timote, ko ara ba mana tavamanoto tonai mana gilagilai tana na veveimiu gamu.

Pilipae 2:5

Aza mu izongia pana miu roquroqu gamu za na uana ani aza za tori izongia tu na Karisito i Jisu.

Pilipae 3:12

Nake vei ko ara qa tori tekua tu babi qa tori vaokotoria tu za. Goto ara za qa korapa abutu nono lao gu ko ma aru tamania qa gua za aza za tori aru tamananiziu tu na Karisito Jisu.

Pilipae 3:3

Ura gita tu za na tinoni tapobeda zozoto, gita taqe nabulu vatarazae pana Ongonguna na Tamaza, taqe kemakemarani na Karisito Jisu beto nake zakazava qari taroiti pana peguruna na tini taqe vatogazani za na nada totoravuzu.

Pilipae 3:8

Ba nake aza gu makana za! Koviria za doru zakazava za qa dogoro veidi na ikika tonai qa dogoro varitotoni na poreveveina jola na gilagilana na Karisito Jisu na qua Bangara. Na laena i Jisu za qa vaikikaria ara za doru zakazava ko qa dogoro veidi na galegale paji nyabo vuvuzudi, ko qa izizongoni na Karisito,

1 Tesalonika 1:1

Ara Paula, beto ari Silovanozi i Timote. Na leta ani za lao tadigamu na ekelesia pa Tesalonika, gamu za izongogamu na Tamaza na Tamada beto na Bangara i Jisu Karisito. Na variroqu varialona beto na bule mari somana tadigamu.

1 Tesalonika 2:2

Gami gozoro taleni vitigi perangaina beto gami takomiti vikevikere pa Pilipae gami, aza tu vei gamu tori gilagilaimiu tu gamu, ba na nada Tamaza za vavarenegami ko qe raja kolokolosogami tu ba gami ule vadigamu tu na nongoro leana tana Tamaza.

2 Tesalonika 1:1

Ara Paula beto ari Silovanozi i Timote. Na leta ani za lao tadigamu na ekelesia pa Tesalonika, gamu za izongogamu na Tamaza na Tamada beto na Bangara i Jisu Karisito.

2 Tesalonika 1:10

totonai mina mule lame aza. Ko totonai mina mule lame i Jisu za ria nana tinoni tamijatadi beto ria qari rangea aza za mari vatarazaea beto mari valavatia aza. Ko gamu ba pala muna somana tavitiria tugu ria nana tinoni ura gamu vazozotoa gamu za na nongoro gami vavakato vadigamu gami.

1 Timote 1:2

Na leta ani za lao tamu Timote ao qu vei na tuqu zozoto pana toa rangerange. Na variroqu varialona, na variroqu varitokai beto na bule tana Tamaza na Tamada beto tana Karisito i Jisu na nada Bangara mari somana tamu.

1 Timote 3:8

Ria na tinoni varitokai tugu vei za mari tinoni tapangagadi, minake gani varikale na dia paranga, marike tapiuni na bukubuku vazoku vaini, marike nyaqo izizongodia pana zona selana.

Taetusi 1:1

Ara Paula na nabulu tana Tamaza, na tinoni tagarunuqu ti Jisu Karisito ko mana vaneqia na rangerange tadiria za mijataria na Tamaza beto mana tokadi ko mari izongia na gigalaina na zozoto za vuani na pangagana na Tamaza.

Taetusi 1:7

Ura za poreveveina za na tinoni kopu za mina tinoni kepore na nana pake, ura aza za matamatani za na roiti tana Tamaza. Ko na tinoni aza za nake tinoni tututinana roquroqu makana, nake tinoni oqoqanai korakora, minake tinoni digedigere aruna, nake tinoni varivaripera goboro, beto nake tinoni za nyaqo izizongona pana zona selana aza.

Pilimone 1:1

Ara Paula na tinoni tapiuna tana Karisito i Jisu beto i Timote na taida. Na leta ani za lao tamu Pilimone, na baere leamu beto qu makarai roiti tavitigami gami

Giburu 13:23

Gamu gilagilai za na taida i Timote za tori tavavotu tu, ko vei mina oqanai lame nari za pala mana tokai tonai mana lao dogorogamu gamu.

Jekopi 1:1

Ara Jekopi maka nabulu tana Tamaza beto tana Bangara i Jisu Karisito. Na leta ani za qa garunu laoni tadigamu ka manogori butubutu gamu qaqatia na kasia guguzu. Na paranga qeraqera tadigamu.

1 Pita 2:25

Perangaina gamu vei na sipi mumana za gamu ba koviria gamu tori tatoka mule lao tu tana Karisito aza na sepati beto aza za kopuni na miu toa.

2 Pita 1:1

Ara Saimone Pita na nabulu beto na tinoni tagarunuqu ti Jisu Karisito. Na leta ani za qa valaoa tadiria na tinoni qari izongia na rangerange poreveveina jola veveina tugu gami izongia gami. Za tori vatuvizigita tu na nada Tamaza beto i Jisu Karisito aza za alogita za gita.

Jiudasi 1:1

Ara Jiudasi maka nabulu ti Jisu Karisito beto na taina i Jekopi. Na leta ani za lao tadiria na takukudi beto na taroqudi tana Tamaza na Tamada beto na takopu vasaredi ti Jisu Karisito.

Dogodogoro 1:1

Pana buka ani za qari takuti ria na zakazava za vavotu lameria pana dogodogoro i Jisu Karisito. Na Tamaza tu za vani i Jisu Karisito za na dogodogoro aza, ko mina ule votu vakabere vadi ria nana nabulu na veveidi na zakazava nake zovaina beto pala mari pidoko lame za guni. Ko i Jisu za garunia za nana mateana ko za ule votu vani za nana nabulu i Jone,

Dogodogoro 1:20

Ani za na ginugua golomona ka vitu seru qu batiria pa lima kale matuaqu, beto ko ka vitu tuturuna tana juke. Ari ka vitu seru za ka vitu mateana tadiria ka vitu ekelesia, goto ka vitu tuturuna tana juke za ka vitu ekelesia.>>

Dogodogoro 19:10

Nari qa opo gore todongo pa nenena ko ma vatarazaea qa gua, ba ari tu za guniziu vei, <> za gua.

Dogodogoro 2:12

<

Dogodogoro 2:8

<

Dogodogoro 22:9

nari za paranga za na mateana, <> za gua.