Luke 9:42 - Kubokota Adapt New Testament

⁴² Ego ko totonai za korapa rerege lao za na koburu, za vakamu vaikikeria mule, ko za gona pedalani na tomete ikikerena pa pezo ko za neqeneqere beto za garata tu. Ba za lao i Jisu ko za iju paleni za na tomete ikikerena, ko za salania za na koburu marene, beto za vamule lao vani na tamana.

Luke 9:42 Iomraidhean Croise

Maka 9:20

Ko qari toka laoni tana za na koburu marene aza. Ko aza tugu za dogoro lao za na ongu ikikerena ani ko za batia i Jisu, nari za sasuria za na koburu marene, ko za valotua ko za titolo tabokibokili tu pa pezo, beto za dadao tu na ngujuna.

Luke 7:15

Nari za toa mule ko za tatakole nyumu za na tinoni za uke ko za podalai paranga. Beto za toka laoni i Jisu tana na tinana za na tinoni ani.

Luke 9:39

Za lugea na tomete ikikerena, ko lao vei za kamua za kukuku vasiboro, beto za gonagona pedalani pa pezo ko za dadao tu na ngujuna. Ko za aru vavitivitigi paleni mae tu beto za taloi tana za na tomete ikikerena.

Luke 9:41

Nari za oea i Jisu aza, ari za guni vei, <> za gua.

Luke 9:43

Ko qari gabara betoni ria doru tinoni za na neqi lavata tana Tamaza. Totonai qari korapa gabarani ria na tinoni za na veveidi doru zakazava za roitidi i Jisu, nari za ari za gudi vei ria na nana sepele,

Jone 6:19

Ko qari tori qelu lao tu pada lima babi vonomo kilomita zouna ria na nana sepele beto qari dogoro vaia i Jisu za korapa rerege lamelame nana pa kolo. Totonai za rerege tata lame aza pa koaka za qari matagutu vitivitigi ria.

Roiti 9:41

Za alaka laoni na limana i Pita, ko za bako vaturua. Beto za kukuria ria na tinoni tana Tamaza beto ria na boko nabonaboko ko za loi lao vadi na tori toa mulena tu aza.

Dogodogoro 12:12

Zara za vei ko mu suvere qera gamu na noka, beto ko gamu doru gamu suvere ketakoi! Goto mu takulanga za gamu na pezo na ivere! Ura za tori goregana tu pana tadigamu zana za na bangaradi ria na tomete. Za tagigiri vitivitigini aza ura za gilagilainana aza nana totozo mina kole roiti za tori papaka tu,>> za gua.