Giburu 1:4 - Kubokota Adapt New Testament

⁴ Na Tuna na Tamaza za tavaporeveveina joladi ria doru mateana, varitoto vei tugu na izongo za teku izongia aza ba za poreveveina joladi ria na izongo tadiria na mateana.

Giburu 1:4 Iomraidhean Croise

Episasi 1:21

Ketakoi za nyumu bangaradi na Karisito ria doru ongongu qari bangara, ria za poredia viva, beto ria na okokoto bangabangara. Aza za ululu joladi pana neqi ria doru izongo poreveveidi pa totozo koviria ko mi kamua na kamua.

Kolosi 1:18

Na Tuna za na batuna na ekelesia, aza na tinina aza. Aza za na podapodalaina, na podo moe za turu mule pana uke, ko aza za momoedi doru zakazava.

Kolosi 2:10

Ko gamu za gamu tekua na toa pugelena tonai gamu tekua aza, aza za kole ake are tadiria doru ongongu qari bangara beto tadiria za poredia neqi.

2 Tesalonika 1:7

Goto gamu gamu gozororia na vitigi beto gami za pala na Bangara i Jisu mina vamanotogita totonai mina votu lagere vei pa noka tavitiria ria na nana mateana neqidi jola.

Giburu 1:9

Qu qerani ao za na roiti tuvizina qari roitini ria na tinoni beto quke tavaraguani ao za na roiti ikerena qari roitini ria na tinoni. Tamaza, ko za vei aza za ara na mua Tamaza qa mijatigo ao ko qa vanigo na qeraqera beto na vinalavata za jolani aza qa vadi ria na tavitimu,>> za guni.

Giburu 12:17

Ko gamu gamu gilagilaimiu za pa liguna za nyorogua teku izongia aza za na mana tana tamana ba zake taiani aza. Ura zake boka peluku vamule sogai aza na roiti za roitini, ko za lukana taleni tu aza ba zake boka.

Giburu 2:9

Goto i Jisu gu za vei taqe batia gita za tavakole kaurai tadiria na mateana iapeki totozo, ko pa korapana na variroqu varialona tana Tamaza za uke vadi doru tinoni aza. Ko pa liguna za gozoria aza na vitigi tonai za tavauke nari za taovulu beto za tavalavata aza.

1 Pita 3:22

Ko i Jisu Karisito za tori zae tu pa noka ko koviria za korapa nyumu pa kale matuana na Tamaza, beto ko za bangaradi za ria dorudi na mateana beto ria na okokoto kuta bangara beto na ongongu neqidi pa vavagalo kota.