रोमियों 3:2 - गढवली नयो नियम

² एक यहूदी हूंणो कु भौत फैदा च। सबसे खास यु कि परमेश्वर कु वचन ऊं तैं सौंप्ये गै।

Garhwali

² हे मेरा भै-बैंणो, या बात हरेक तरौं से भली च, किलैकि परमेस्वर को वचन सबसे पैलि यहूदी लोगु तैं ही दिये गै।

रोमियों 3:2 Iomraidhean Croise

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च

खास चेलों 7:38

यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।

रोमियों 1:2

पिता परमेश्वर ल यु शुभ संदेश की सौं भौत पैली बट्टी परमेश्वर का वचन मा परमेश्वर का तरपां बट्टी बुल्ण वलो का द्वारा कैरी छै,

रोमियों 2:18

तुम तैं पिता परमेश्वर कि मनसा पता च, अर तुम भलि-भलि चीजों का भागिदार छा, किलैकि तुम तैं यांका बारा मा मूसा की व्यवस्था बट्टी सिखै गै;

रोमियों 3:1

जु कुई पूछो, क्य यहूदियों तैं अन्यजातियों बट्टी जादा फैदा च या खतना कु क्य फैदा?

रोमियों 3:3

जु कुछ यहूदी पिता परमेश्वर का प्रति विश्वासयोग्य नि छा त क्य हवे? त क्य यांको मतलब यु च कि पिता परमेश्वर ऊंका दगड़ी अपड़ा वादों तैं पूरो कन मा अविश्वासयोग्य होलो?

रोमियों 9:4

उ इस्राएली ही छिनी, ऊं तैं पिता परमेश्वर ल गोद लियुं च अर ऊं तैं सन्तानोंं का रूप मा चुणै गै अर महिमा, वाचा, मूसा द्वारा लिखीं परमेश्वर की व्यवस्था, उ सचै बट्टी पिता परमेश्वर कि आराधना करदींनि, अर प्रतिज्ञा ऊंकी ही छिनी।

1 कुरिन्थि 9:17

जु मि यु काम अपड़ी मर्जी से करदु त फिर मि तैं ईनाम मिललो। पर जु पिता परमेश्वर ल मि तैं य जिम्मेदारी दीं च, त मि ईनाम मा क्य उम्मीद कैरी सकदु? मि कै भि ईनाम की उम्मीद नि कैरी सकदु।

2 कुरिन्थि 5:19

मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।

गलातियों 2:7

पर अगुवा समझी गैनी, कि जन पिता परमेश्वर ल मि तैं अधिकार दींनि, कि यहूदी लुखुं कु शुभ सन्देश कु प्रचार कनु कु काम पतरस तैं सौंपी दींनि, उन ही मि तैं अन्यजातियों कु जु खतनारहित छिनी ऊंकु शुभ सन्देश कु प्रचार कन सौंपे गै।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

इब्रानी 5:12

तुम इथग लम्बा बगत बट्टी विश्वासी छा कि अब तुम तैं दूसरों तैं सिखांण चयणु च; यांका बजाय, तुम तैं कैकी जरूरत च जु तुम तैं पिता परमेश्वर का वचन की बुनियादी बात दुबरा बट्टी सिखौ; तुम ऊं बच्चों का जन छा जौं तैं दूध की जरूरत च अर उ कठोर खांणु नि खै सकदींनि।

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।

दिब्य दरस 22:6

यांका बाद, स्वर्गदूत ल मि बट्टी बोलि; “उ सब पैली बुलै गै बात सच छिनी अर निश्चित रूप मा पूरी होली। पिता परमेश्वर का तरपां बट्टी बुल्ण वलो तैं परमेश्वर ल अपड़ा पवित्र आत्मा द्ये, उ व ही च जैल अपड़ा स्वर्गदूत तैं आज्ञा द्ये कि उ अपड़ा सेवकों तैं यु दिखणु कु, जु जल्द ही होलो।”