रोमियों 1:7 - गढवली नयो नियम

⁷ या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

Garhwali

⁷ हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

रोमियों 1:7 Iomraidhean Croise

मत्ती 5:16

उन ही तुमारो उज्यलो भि मनिख्युं का संमणी चमकु कि उ तुमारा कामों तैं देखि के तुमारा बुबा कि जु स्वर्ग मा च बड़ै कैरा।

यूहन्ना 20:17

यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।

खास चेलों 15:23

अर ऊंल यु चिठ्ठी तैं वेका दगड़ी भेजि “अन्ताकिया शहर, सीरिया अर किलिकिया प्रान्तों मा अन्यजाति विश्वासी भयों कु कि प्रेरितों अर पुरणा अगुवा भयों की तरपां बट्टी प्रणाम!

खास चेलों 9:13

पर हनन्याह ल बोलि, “प्रभु, मिल भौत लुखुं बट्टी यु आदिम का बारा मा सूंणि, कि येल यरूशलेम शहर मा तुम्हरा विश्वासी लुखुं तैं दुःख द्ये;

रोमियों 1:6

तुम जु रोम शहर मा रौंदयां तुम भि यूं लुखुं मा शामिल छा जौं तैं यीशु मसीह का ही हूंणु कु बुलै छा।

रोमियों 5:1

इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,

रोमियों 5:5

अर आस बट्टी निराशा नि हूंदी, किलैकि पवित्र आत्मा जु पिता परमेश्वर ल हम तैं दीं च, वेका द्वारा परमेश्वर कु प्रेम हमारा मनों तैं अपड़ा प्रेम बट्टी भुरद।

रोमियों 8:28

हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,

रोमियों 8:39

न गहराई, न सृष्टि, न कुई, हम तैं पिता परमेश्वर का प्रेम बट्टी, जु हमारा प्रभु यीशु मसीह मा च, अलग नि कैर सकली।

रोमियों 9:25

अन्यजातियों का बारा मा, पिता परमेश्वर कि तरपां बट्टी बुल्ण वला होशे की किताब मा लिख्युं च, “ज्वा मेरी प्रजा नि छै, ऊं वीं तैं मि अपड़ी प्रजा बुललु, अर ज्वा प्यारी नि छै, वीं तैं प्यारी बुललु;

1 कुरिन्थि 1:24

पर जु यूं तैं पिता परमेश्वर ल बुलै, क्य यहूदी, क्य यूनानी अन्यजाति, यु ही मसीह, पिता परमेश्वर की सामर्थ अर पिता परमेश्वर कु ज्ञान च।

1 कुरिन्थि 16:23

मि प्रार्थना करदु कि प्रभु यीशु मसीह की कृपा तुम पर हूंदी रौ।

2 कुरिन्थि 13:14

प्रभु यीशु मसीह की कृपा अर पिता परमेश्वर कु प्रेम अर पवित्र आत्मा की सहभागिता तुम सभियूं का दगड़ी हूंदी रौ।

गलातियों 6:18

हे विश्वासी भयों, मि प्रार्थना करदु कि हमारा प्रभु यीशु मसीह की कृपा तुम पर हमेशा हूंणी रौ। आमीन।

इफिसुस 1:2

मि प्रार्थना करदु छों, कि हमारा पिता परमेश्वर अर प्रभु यीशु मसीह तुम पर कृपा कैरो अर शान्ति पांण मा हमारी मदद कैर।

इफिसुस 6:23

मि हमारा पिता परमेश्वर बट्टी अर प्रभु यीशु मसीह बट्टी प्रार्थना करदु कि उ तुम विश्वासियों तैं शान्ति द्यां, उ इन कैरा कि तुम एक दुसरा बट्टी प्रेम कैरा अर मसीह पर हमेशा विश्वास करदी रावा।

फिलिप्पी 1:2

मि प्रार्थना करदु कि हमारा पिता परमेश्वर अर प्रभु यीशु मसीह का तरपां बट्टी तुम तैं कृपा अर शान्ति मिलदी रौ।

फिलिप्पी 4:13

मसीह जु मि तैं सामर्थ दींद वेकी मदद बट्टी मि सब कुछ कैरी सकदु।

फिलिप्पी 4:20

हमारा पिता परमेश्वर कि बढ़ै जुग-जुग तक हूंणी रौ। आमीन।

फिलिप्पी 4:23

हमारा प्रभु यीशु मसीह कि कृपा तुम सभियूं का दगड़ा मा रौ।

कुलुसी 1:2

मसीह मा ऊं विश्वासयोग्य पवित्र विश्वासी भयों का नौं तैं अर विश्वासयोग्य भयों तैं जु कुलुस्से शहर मा रौदींनि। हमारो पिता परमेश्वर तुम तैं कृपा अर शान्ति दींणु रौ।

कुलुसी 3:12

इलै जबकि पिता परमेश्वर ल तुम तैं अपड़ा पवित्र लोग हूंण कु चुणयूं च, अर तुम बट्टी प्रेम करद, बड़ी कृपा, अर भलै, अर दीनता, अर नम्रता, अर सब्र रखण सीखा।

कुलुसी 3:15

उ शान्ति जु मसीह दींद तुमारा मनों मा राज्य कैर, किलैकि तुम सभि एक ही देह का अंग छा अर इलै तुम तैं एक दुसरा का दगड़ा शान्ति अर हमेशा पिता परमेश्वर कु धन्यवाद करदी रावा ज्यांकु तुम बुलयां ग्यां छा।

1 थिस्सलुनीकी 1:1

या चिट्ठी मि पौलुस, सिलवानुस अर तीमुथियुस की तरपां बट्टी च। जु थिस्सलुनीकियों शहर की विश्वासी मण्डलि का लुखुं कु हम लिखणां छा, जु पिता परमेश्वर अर प्रभु यीशु मसीह बट्टी जुड़यांं छिनी मि प्रार्थना करदु कि पिता परमेश्वर तुम पर अपड़ी कृपा कैरो अर तुम तैं शान्ति मिलदी रौ।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

1 थिस्सलुनीकी 1:4

अर हे विश्वासी भयों, उ लोग जै तैं पिता परमेश्वर प्रेम करद हम जंणदा छा कि पिता परमेश्वर ल तुम तैं अपड़ा लोग हूंणु कु चुणयूं च।

1 थिस्सलुनीकी 4:7

किलैकि पिता परमेश्वर ल हम तैं अशुद्ध जीवन ज्यूंणु कु न, पर पवित्र जीवन ज्यूंणु कु बुलै।

1 थिस्सलुनीकी 5:28

मि प्रार्थना करदु, कि हमारा प्रभु यीशु मसीह कि कृपा तुम पर हूंणी रौ।

2 थिस्सलुनीकी 1:2

हम प्रार्थना करदा कि, पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

2 थिस्सलुनीकी 3:16

मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

2 थिस्सलुनीकी 3:18

मि प्रार्थना करदु कि हमारा प्रभु यीशु मसीह की कृपा तुम सभियूं पर हमेशा बंणि रौ।

1 तीमुथियुस 1:2

मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

1 तीमुथियुस 6:2

अर जौं का स्वामि विश्वासी छिन, ऊं तैं उ विश्वासी भैय समझी के सही सम्मान द्या; बल्कि ऊंकी और भि सेवा कैरा, किलैकि यां बट्टी फैदा उठांण वला विश्वासी अर मसीह मा भैय का रूप मा प्रेम करदींनि। यूं बातों कु पालन कनु कु सभियूं तैं उत्साहित कनु रौ।

2 तीमुथियुस 1:2

हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।

2 तीमुथियुस 4:22

मि प्रार्थना करदु की पिता परमेश्वर त्वे दगड़ी हो, अर वेकी कृपा भि त्वे पर हूंणी रौ।

तीतुस 1:4

मि य चिठ्ठी तीतुस तैं लिखणु छों, तू मेरा अपड़ा नौंना जन छै, किलैकि तू भि मसीह पर विश्वास करदी छै जन मि करदु; परमेश्वर पिता अर हमारा उद्धारकर्ता मसीह यीशु कि तरपां बट्टी त्वे तैं कृपा अर शान्ति मिलदी रौ।

फिलेमोन 1:25

मि प्रार्थना करदु कि, प्रभु यीशु मसीह कि कृपा तुम पर बंणि रौ। आमीन।

फिलेमोन 1:3

मि प्रार्थना करदु, कि हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

याकूब 1:1

मि याकूब, ईं चिट्टी तैं लिखणु छों, मि पिता परमेश्वर अर प्रभु यीशु मसीह कु दास छों अर मि या चिट्टी इस्राएल का लोग जु बारह गोत्र दुनिया भर मा बिखरयां छिनी ऊं तैं प्रणाम बुल्णु छों।

1 पतरस 1:15

पर अब तुम तैं हर काम मा जु तुम करदा पवित्र हूंण चयणु च, जन की पिता परमेश्वर पवित्र च जैल तुम तैं अपड़ा बच्चा हूंणु कु चुणि।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

2 यूहन्ना 1:3

जु हम सचै तैं मणदा अर दूसरों बट्टी प्रेम करदां, त हम तैं पिता परमेश्वर अर वेका नौंना यीशु मसीह की कृपा, दया, अर शान्ति मिलदी राली।

दिब्य दरस 2:1

वेल मि बट्टी यु भि बोलि, इफिसुस शहर की मण्डलि का दूत तैं यु संदेश लिख मि उ ही छो जु अपड़ा दैंणा हथ मा सात गैणों तैं रखदु अर जु सोना का सात दिवडा का बीच मा चलदु। मि तुम बट्टी यु बुल्णु छो;

दिब्य दरस 2:12

पिरगमुन शहर की मण्डलि का दूत तैं यु संदेश लिख “मि ही छो जै मा तेज द्वी धार वली तलवार च।” मि त्वे बट्टी यु बुल्दो;

दिब्य दरस 2:18

वेल मि बट्टी यु भि बोलि, थुआतीरा शहर की मण्डलि का दूत तैं यु संदेश लिख; “पिता परमेश्वर का नौंना की तरपां यु संदेश च, वेका आँखा, उ आग का लपटों का जन छिनी, वेका खुटा पीतल का जन चमकणा छा जै तैं भट्टी मा तचये जांणु हो, उ यु भि बुल्द”

दिब्य दरस 2:29

हर कुई जु मेरा संदेश तैं समझण चांद, वे तैं ईं बात तैं ध्यान से सुनण चयणु च जु पवित्र आत्मा मण्डलि बट्टी बुल्द।

दिब्य दरस 2:8

स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो

दिब्य दरस 22:21

मि प्रार्थना करदु कि प्रभु यीशु पिता परमेश्वर का लुखुं पर कृपा कैरो। आमीन।

दिब्य दरस 3:14

लौदीकिया शहर की मण्डलि का दूत तैं लिख “मि आमीन कहलांद, किलैकि मि विश्वासयोग्य छो अर मि पिता परमेश्वर का बारा मा जु भि प्रमाणित करदु उ सच च। जु कुछ भि वेल बणै मि वे सब कुछ को स्रोत भि छो, मि त्वे बट्टी यु बुल्दो।

दिब्य दरस 3:22

हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द।”

दिब्य दरस 3:7

फिलदिलफिया शहर की मण्डलि का दूत तैं लिख; मि ही उ छो जु पवित्र अर सचै छो, जै मा उ चाबी च जु राजा दाऊद की च। जब मि वीं चाबी तैं लींदु छो अर एक द्वार तैं खुलद त कुई भि वे तैं बंद नि कैर सकद, अर जब मि चाबी लींदु अर एक द्वार बंद कैरी दींदु त कुई भि वे तैं खोल नि सकद, जैका खुल्यां तैं कुई बन्द नि कैर सकद अर बन्द करयां तैं कुई खोल नि सकद, उ यु बुल्द,