दिब्य दरस 7:12 - गढवली नयो नियम

¹² “आमीन, हमारा पिता परमेश्वर, हम हमेशा तेरी महिमा अर स्तुति करदा, त्वे तैं धन्यवाद अर सम्मान दींदयां! हम मणदा छा कि तू सम्पूर्ण रीति से ज्ञानवान छै, अर सामर्थी छै, जु हमेशा कु सभि कामों तैं कन मा योग्य च, आमीन।”

Garhwali

¹² “हे मेरा परमेस्वर, तुमरि तारीफ, अर तुमरा आदर-सम्मान, अर तुमरो ही धन्यवाद सदनि तक होणु रौ, तुमरो ज्ञान, अर तुमरि ताकत अर तुमरा सामर्थ की बडै सदनि तक होणी रौ। आमीन।”

दिब्य दरस 7:12 Iomraidhean Croise

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

रोमियों 11:36

किलैकि सब कुछ पिता परमेश्वर बट्टी आंदो। वेल सब कुछ बणै याली, अर सभि कुछ वेको ही च। वेकी बडै जुग-जुग तक हूंणी रौ, आमीन।

1 कुरिन्थि 14:16

मांणा कि कुई सीधो आदिम तुम्हरी आराधना मा हो अर तुम अपड़ी आत्मा बट्टी परमेश्वर की आराधना कना हो। जु उ तुम्हरी बातों तैं नि समझो, त तुम्हरा परमेश्वर तैं धन्यवाद दींण का बाद, वे तैं कन कै पता चललो कि आमीन कब बोलु जैका बारा मा तुम ल बोलि।

2 कुरिन्थि 4:15

किलैकि सभि दुःख जु हम ल तुम कु सैनी, कि पिता परमेश्वर की दया का द्वारा जादा से जादा लोग मसीह मा विश्वास कैरा, अर पिता परमेश्वर की महिमा कु धन्यवाद अर स्तुति कैरा।

कुलुसी 2:7

जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

दिब्य दरस 19:4

अर चौबीसों दाना-सयाणों ल अर चरी ज्यून्दा प्राणियों ल गिरी के पिता परमेश्वर तैं दण्डवत् कैरी; जु सिंहासन पर बैठया छा, अर बोलि, “आमीन! पिता परमेश्वर की आराधना हो!”