दिब्य दरस 6:8 - गढवली नयो नियम

⁸ तब मिल एक फीका पुडयूं हरयां रंग को घोड़ा देखि; अर वेका सवार को नौं मौत छो; अर अधोलोक वेका पिछने-पिछने चलणु छो अर ऊंल धरती पर रौंण वला हर एक चार लुखुं मा बट्टी एक तैं मरणों को अधिकार मिल्युं छो, अर ऊंल, लुखुं तैं तलवार से, भूख से अर बुरी-बुरी बिमारियों से अर ऊंल ऊं तैं जंगली जानवरों बट्टी भि मरवै डाली।

Garhwali

⁸ तब मिन एक हलकु पीला रंग को एक घोड़ा निकळद देखि, अर वेमा सवार पराण को नौ छौ, मौत। अर अधलोक वेका पिछनै-पिछनै छौ। अर वेतैं धरती का चार हिस्सों मा बटि एक हिस्सा पर अधिकार दिये गै, कि ऊ तलवार बटि, अकाळ बटि, जान से मरण वळी महामारी बटि, अर जंगळि जानबरों का द्‍वारा लोगु तैं जान से मारी द्‍यो।

दिब्य दरस 6:8 Iomraidhean Croise

मत्ती 11:23

हे कफरनहूम शहर का लुखुं क्य तु स्वर्ग तक ऊंचो किये जैलि? तु त नरक तक मूड़ि किये जैलि जु चमत्कार का काम त्वे मा किये गैनी जु सदोम शहर मा किये जांदा त उ शहर आज तक बणयुं रौंदु।

मत्ती 24:7

किलैकि एक जाति दुसरी जाति पर अर एक राज्य हैंका राज्य पर राज्य कनु कु चड़ै करलो अर जगह-जगह अकाल पड़ुलो अर भ्यूंचोळ होला।

1 कुरिन्थि 15:55

उन ही यु भि पूरो होलो, जु परमेश्वर का वचन मा लिख्युं च, “हे मौत कख च तेरी जय? हे मौत कख रै तेरु डंक?” इन कै, पिता परमेश्वर का वचन मा जु लिख्युं च उ पूरो होलो।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

दिब्य दरस 12:4

अर वेकी पूंछ ल आसमान का गैणों कु एक तिहाई हिस्सा तैं खैंचि कर धरती पर डाली दींनि, अर अजगर वीं जनन का संमणी खड़ो हवे गै कि वेका बच्चों तैं पैदा करद ही खै जौं।

दिब्य दरस 9:15

इलै तब उ चरी दुष्टदूतों खोले गैनी, उ पैली बट्टी ही तैयार छा अर ऊं तैं बुलै गै छो कि यु बगत, यु दिन, यु मैना अर यु साल इन्तेजार कैरा अर अब यु ऐ गै छो, ऊं तैं दुनिया का एक हिस्सा का लुखुं तैं मरण छो।

दिब्य दरस 9:18

धरती की सैरा लुखुं मा बट्टी एक तिहाई लुखुं तैं यूं तीन भयानक विपत्तियों का द्वारा मरै गै, जु घोड़ों का गिचा बट्टी निकलदी छै मतलब की आग, धुंआ अर गन्धक।