दिब्य दरस 6:4 - गढवली नयो नियम

⁴ अर एक चमकदार लाल घोड़ा वीं जगह बट्टी भैर ऐ जख सिंहासन रख्युं छो। पिता परमेश्वर ल वे पर बैठी के धरती पर लुखुं तैं एक-दुसरा बट्टी लड़ौणे की अर शान्ति उठै लींणे की आज्ञा दिये गै, कि उ युद्ध मा एक-दुसरा तैं मारि डाला। यु उद्देश्य कु पिता परमेश्वर ल यु सवार तैं एक बड़ी तलवार भि द्ये।

Garhwali

⁴ फिर एक और घोड़ा निकळि के ऐ जु कि लाल रंग को छौ, अर वेमा एक पराण सवार छौ जैतैं इन अधिकार दिये गै कि उ धरती मा बटि शान्ति तैं उठे द्‍यो, ताकि लोग एक-दुसरा को बेरहम ह्‍वेके कत्ल कैरी द्‍या, अर वे पराण तैं एक बड़ी तलवार दिये गै।

दिब्य दरस 6:4 Iomraidhean Croise

मत्ती 10:34

“इन नि सोचा कि मि धरती पर लुखुं का बीच मा शान्ति लांणु कु अयुं छौं, मि लुखुं का बीच मा शान्ति नि बल्कि लड़ै करवांणु कु अयुं छौं।”

मत्ती 24:6

जब तुम लड़ै अर लड़ैयूं कि चर्चा सुणल्या त घबरैयां न किलैकि यूं बातों कु हूंण जरूरी च पर वे बगत अंत नि होलो।

यूहन्ना 19:11

यीशु ल जवाब दे “जु मि तैं परमेश्वर की तरपां बट्टी नि दिये जांदु, त तेरु मि पर कुछ अधिकार नि हूंदो इलै जैल मि तैं तेरु हथ पकड़वै च वेको पाप जादा च।”

दिब्य दरस 12:3

एक और चिन्ह आसमान मा दिखै द्ये, एक भौत बड़ो अजगर छो, जु कि शैतान च। वेका सात मुंड छा अर दस सींग छा, अर वेका सातों मुंड़ो पर सात मुकुट छा।

दिब्य दरस 13:10

जु लुखुं तैं कैद किये जांण तय च, उ जरुर कैद किये जाला, अर जौं कु तय च कि उ तलवार बट्टी मरै जा उ निश्चित रूप मा तलवार से मरै जाला। इलै की जरूरी च कि पिता परमेश्वर का लोग ऊं मुसिबतों तैं सह जौको उ अनुभव करदींनि अर विश्वास कन मा मजबूत रा।

दिब्य दरस 17:3

तब पवित्र आत्मा की मदद से, स्वर्गदूत मि तैं एकांत जंगल मा ली गै, आत्मा ल मि तैं अपड़ा वश मा लींनि, अर स्वर्गदूत ल मि तैं एक एकांत जंगल मा पौंछै, अर मिल उख मा एक जनन तैं देखि जु एक जानवर पर सवार छै अर जु लाल रंग को छो। वेका सात मुंड अर दस सींग छा। वेको देह ऊं नौं बट्टी ढकयूं छो जु पिता परमेश्वर की बुरै करदो छो।

दिब्य दरस 17:6

अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।