दिब्य दरस 6:12 - गढवली नयो नियम

¹² अर मिल चिनखा तैं छठवीं मुहर खुलद देखि; तब एक भौत बड़ो भूकम्प ऐ; अर सूरज एक खुरदुरा कंबला का जन कालो हवे गै, अर पूरी जून ल्वे का जन लाल हवे गै।

Garhwali

¹² अर जब मिन मेम्‍ना तैं छटुं मोर खुलद देखि, त एक बड़ु भ्वींचळु ऐ अर सूरज इन काळु पोड़ि गै जन की काळु टाट हो, अर चाँद इन ह्‍वे गै जन की, ल्वे।

दिब्य दरस 6:12 Iomraidhean Croise

मत्ती 11:21

“हाय खुराजीन शहर अर बैतसैदा नगर का लुखुं जु चमत्कार का काम तुम मा किये गैनी जु उ सूर अर सीदोन शहरों मा किये जांदा त उख का लोग कबारि ही टाट ओड़िके अर अपड़ा मथि छारो छिडकी दीन्दा यु दिखांणु कु की हम ल अपड़ा पापों बट्टी पश्चाताप कैरेली।

मत्ती 24:29

ऊं दिनों मा वे कलेश खत्म हूंणा का बाद सूरज अर जून अपड़ो उज्यला दींण बंद कैरी द्याला अर आसमान बट्टी गैणा मूड़ि पोड़न लगि जाला अर आकाश कि सैरी शक्ति अर चिन्ह हिलैये जाला।

मत्ती 24:7

किलैकि एक जाति दुसरी जाति पर अर एक राज्य हैंका राज्य पर राज्य कनु कु चड़ै करलो अर जगह-जगह अकाल पड़ुलो अर भ्यूंचोळ होला।

मत्ती 27:45

बारा बजि का लगभग बट्टी तीन बजि का लगभग तक सैरा मुल्क मा अंधेरो छयुं रै।

मत्ती 27:54

तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो”

मत्ती 28:2

अर देखा एक बड़ो भ्युंडोल हवे किलैकि प्रभु को एक स्वर्गदूत स्वर्ग बट्टी उतरी अर कब्र का संमणी ऐ के वे ल कब्र का द्वार बट्टी बड़ो ढुंगो हटै दींनि अर वे ढुंगा पर बैठी गै।

मरकुस 15:33

दोपहरा बारा बजि का लगभग बट्टी तीन बजि का लगभग तक, सैरा मुल्क मा अंधेरो छै गै।

दिब्य दरस 11:13

वे बगत, यरूशलेम शहर मा एक भौत बड़ो भूकम्प ऐ, अर शहर की इमारतों कु दसवां हिस्सा लमडी गै; अर वे भूकम्प बट्टी सात हजार मनिख मोर गैनी अर बचयां लोग जु मोरि नि छा, उ भौत डौर गैनी, इलै ऊंल स्वर्ग का पिता परमेश्वर की महिमा कैरी।

दिब्य दरस 16:18

अर वे बगत बिजलियां, अर गिड़गिड़ाहट अर बादल की गर्जन हूंण लगि गै छै अर एक इन खतरनाक भूकम्प ऐ, कि जब बट्टी मनिख दुनिया मा रौंणा हो, तब बट्टी इन विनाशकारी ढंग से भूकम्प कभी नि ऐ छो।

दिब्य दरस 16:8

चौथा स्वर्गदूत ल कटोरा की चीजों तैं सूरज पर उण्डेल दींनि, अर सूरज तैं और जादा गर्म हूंणै की आज्ञा दींनि अर इलै लोग यांकि भयानक तपिश ल झुलसी गैनी।

दिब्य दरस 8:12

चौथा स्वर्गदूत ल तुरै फूंकी, अर सूरज की एक तिहाई, अर जून की एक तिहाई अर गैणों की एक तिहाई पर कुछ टकरै अर नाश हवे गै कि ऊंको एक तिहाई भाग अंधेरो हवे गै, ज्यांका कारण दिन का एक तिहाई बगत तक सूरज ल अपड़ो प्रकाश नि द्ये, अर जून अर गैणा रात का एक तिहाई बगत तक नि चमकीनि।

दिब्य दरस 8:5

तब स्वर्गदूत ल यु तैं वेदी का मथि बट्टी जल्यां अंगारों बट्टी भोरि दींनि, अर धरती पर डाली दींनि, अर बिजलियां अर गिडगिडांण की आवाज अर भूकम्प हूंण लगि गै।