दिब्य दरस 5:5 - गढवली नयो नियम

⁵ यां पर ऊं दाना-सयाणों मा बट्टी एक ल मि बट्टी बोलि, “नि रो; देख, उ जु यहूदा का गोत्र कु सिंह कहलांद, जु राजा दाऊद को महान वंशज च, वीं किताब (चाम्रपत्र) की सात मुहरों तैं टुटण अर यूं तैं खुलणु कु सामर्थी च, वेल शैतान तैं हरै दींनि।”

Garhwali

⁵ तब ऊं अध्यक्षों मा बटि कै एक न मिकू बोलि, “नि रो, अर देख, यहूदा का गोत्र को उ शेर जैकू राजा दाऊद को वंशज भि बुले जान्दु वेन जीत हासिल कैरी। अर उई च जु कि दस्तावेज अर वे पर लगीं मोरों तैं खोली सकदु च।”

दिब्य दरस 5:5 Iomraidhean Croise

लूका 23:28

यीशु ल ऊंकी तरपां फरकि कै बोलि, “हे यरूशलेम शहर कि नौंनियों मि कु नि रोवा पर अपड़ा अर अपड़ो नौंना कु रोवा।”

लूका 7:13

वीं देखि के प्रभु दया से भरि गै अर वेल इन बोलि, नि रु।

लूका 8:52

अर सब लोग वीं कु रूंणा छा पर वेल बोलि, “व मोरि नि च पर सीं च।”

यूहन्ना 20:13

स्वर्गदूतों ल ऊंकु बोलि, “हे नारी तु रूंणी किलै छै” मरियम ल ऊंमा बोलि, “उ मेरा प्रभु की देह तैं उठै के ली गैनी अर मि तैं पता नि च कि उ कख रख्यां छिन।”

रोमियों 1:3

यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।

रोमियों 15:12

फिर परमेश्वर की तरपां बट्टी बुल्ण वलो यशायाह बुल्दो, “यिशै कु एक वंशज प्रगट होलो जु एक जौड़ा जन होलो, अर उ अन्य-जातियों पर अधिपति का जन राज्य करलो, वे पर अन्यजाति आस रखली कि उ ऊं तैं बचालो।”

इब्रानी 7:14

त सभि जणदींनि, कि हमारो प्रभु यीशु यहूदा कु वंशज च अर मूसा ल यहूदा का कै भि वंशज का यहूदी याजक बनांण का बारा मा कुछ नि बतै अर न ही यहूदा कु कुई वंशज कभी याजक बंणि।

दिब्य दरस 1:1

पिता परमेश्वर ल यीशु मसीह तैं जु दिखै उ यु च, कि उ अपड़ा दासों तैं ऊं घटनाओं का बारा मा बतौ जु भौत जल्द होली। यीशु ल अपड़ा स्वर्गदूत तैं वे संदेश का दगड़ी मि मा मतलब कि अपड़ा दास यूहन्ना मा भेजि।

दिब्य दरस 22:16

यीशु ल बोलि, मिल अपड़ा स्वर्गदूत तैं तुम मा अर मण्डलि मा यूं बातों कु प्रचार कनु कु भेजि जु पिता परमेश्वर का लुखुं का झुण्ड मा हो, मि राजा दाऊद कु वंशज छो; मि ही छो, मि तैं सुबेर को गैणो भि बुल्दींनि।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

दिब्य दरस 4:4

चौबीस सिंहासन वे तैं घेरी के छा; अर यूं सिंहासनों पर चौबीस दाना-सयाणा सफेद कपड़ा पैरी के बैठयां छा, अर ऊंका मुंड पर सोना का मुकुट छा।

दिब्य दरस 5:4

तब मि भौत जोर-जोर से रूंण लगि ग्यों, किलैकि वीं किताब (चाम्रपत्र) का खुलण, या वेमा जु लिख्युं छो वे तैं दिखण का योग्य कुई नि मिली।

दिब्य दरस 6:1

फिर मिल देखि कि चिनखा ल ऊं सात मुहरों मा बट्टी एक तैं खोलि; अर मिल चरी ज्यून्दा प्राणियों मा बट्टी एक तैं बुल्द सूंणि। वेकी आवाज गिडगिडांण का जन तेज छै, वेल बोलि, अब “औ।”

दिब्य दरस 7:13

यां पर दाना-सयाणों बट्टी एक ल मि बट्टी बोलि, यु सफेद कपड़ा पैरयूं को च? अर कख बट्टी ऐ?