दिब्य दरस 5:1 - गढवली नयो नियम

¹ अर जु सिंहासन पर बैठयूं छो, मिल ऊंका दैंणा हथ मा एक किताब (चाम्रपत्र) देखि, यु पर दुई तरपां मा लिख्युं छो, अर उ सात मुहर लगै के बन्द किये गै छै।

Garhwali

¹ अर मिन देखि कि जु राजगद्‍दी पर बैठयूं छौ वेका दैंणा हाथ मा एक दस्तावेज च, अर वु भैर अर भितर दुई तरफा बटि लिख्यूं च, अर वे दस्तावेज तैं सात मोर लगै के बन्द करै गै छौ।

दिब्य दरस 5:1 Iomraidhean Croise

दिब्य दरस 10:2

अर वेको दैंणों खुट्टों समुद्र पर रखे गै, अर वेको बंयो खुट्टों धरती पर रखे गै। वेका हथ मा एक छुटी सी किताब छै जु खुली छै।

दिब्य दरस 4:3

उ जु सिंहासन पर बैठयूं छो, उ भौत कीमती ढुंगों का जन दिखै दींदो छो, जौं तैं यशब अर माणिक्य ढुंगा बुल्दींनि। वे सिंहासन का चौ तरपां एक मेघधनुष छो, अर दिखण मा पन्ना ढुंगा का जन छा।

दिब्य दरस 4:9

जु सिंहासन पर बैठयूं छो, उ उन ही च जु हमेशा-हमेशा कु ज्यून्दो च। जब उ ज्यून्दो प्राणी वे तैं महिमा अर आदर अर धन्यवाद दींद। त उ चौबीस दाना-सयाणा सिंहासन पर बैठयां छिनी, वेका संमणी गिरी जंदींनि अर वेकी आराधना करदींनि। उ यु बोलि के अपड़ा-अपड़ा मुकुट सिंहासन का संमणी डाली दींदिनि,

दिब्य दरस 5:13

फिर मिल स्वर्ग मा, अर धरती पर, अर धरती का मूड़ी, अर समुद्र की सब रचि चीजों तैं, अर सभि कुछ तैं जु वेमा छिनी, यु बुल्द सूंणि, “आवा हम वेकी महिमा अर स्तुति कैरा जु सिंहासन पर बैठयूं च। आवा हम चिनखा की महिमा कैरा। आवा हम हमेशा कु वेको आदर कैरा अर वे तैं सम्मान द्या, किलैकि उ सबसे जादा शक्तिशाली च।”

दिब्य दरस 5:7

चिनखा ल अगनैं ऐ के जु सिंहासन पर बैठयूं छो, वेका दैंणा हथ बट्टी व किताब ले लींनि,

दिब्य दरस 6:1

फिर मिल देखि कि चिनखा ल ऊं सात मुहरों मा बट्टी एक तैं खोलि; अर मिल चरी ज्यून्दा प्राणियों मा बट्टी एक तैं बुल्द सूंणि। वेकी आवाज गिडगिडांण का जन तेज छै, वेल बोलि, अब “औ।”

दिब्य दरस 6:16

अर पोडो, अर चट्टानों बट्टी बुल्ण लगि गैनी, “हम पर गिर पोड़ो अर हम तैं वे बट्टी छिपै ल्या जु सिंहासन पर बैठयूं च, हम तैं देख नि साको अर हम चिनखा का दंड बट्टी बच साका;

दिब्य दरस 8:1

जब चिनखा ल सातु मुहर खोलि, त उ सभि जु स्वर्ग मा छा अधा घण्टा कु शान्त हवे गैनी।