दिब्य दरस 4:5 - गढवली नयो नियम

⁵ वे सिंहासन मा बट्टी बिजलियां अर गिडगिडांण की आवाज निकलदी अर सिंहासन का संमणी आग का सात दिवडा जलणा छा, जु पिता परमेश्वर की सात आत्माएँ छिनी,

Garhwali

⁵ अर वीं राजगद्‍दी बटि बिजलियाँ निकळणी छै, अर बड़ी गगड़ाट की आवाज औणी छै। अर वीं राजगद्‍दी का समणि आग की सात मसाल जगणी छै, जु कि परमेस्वर की सात आत्मा छिन।

दिब्य दरस 4:5 Iomraidhean Croise

मत्ती 25:1

फिर यीशु ल अपड़ा चेलों मा बोलि जब मि मनिख कु नौंनो वापिस आलो तब स्वर्ग की ऊं दस कुँवारियों का जन होलो जु अपड़ा दिवडा लै के ब्योला दगड़ी मुलाकात कनु कु गैनी।

मत्ती 3:11

मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

खास चेलों 2:3

तब ऊँका समणी इन ज्वाला प्रकट हवे जैको आकार जीभ का जन छो, जु अलग हवे के ऊंमा बट्टी हरेक आदिम पर ए के ठैरदी गै।

दिब्य दरस 1:4

य चिठ्ठी यूहन्ना का तरपां बट्टी एशिया प्रान्त मा सात मण्डलियों कु च मि प्रार्थना करदु कि तुम तैं पिता परमेश्वर की तरपां बट्टी कृपा अर शान्ति मिलो, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद; अर ऊं सात आत्माओं का तरपां बट्टी, जु पिता परमेश्वर का सिंहासन का संमणी च,

दिब्य दरस 10:3

अर वे स्वर्गदूत ल जोर से पुकारी के अर वेकी आवाज शेर का घुरांण का जन छै। जब उ चिल्लै, त सात तेज आवाजो ल वे तैं जवाब द्ये, जु गिड़गिड़ाहट की आवाज का जन छा।

दिब्य दरस 11:19

अर पिता परमेश्वर कु जु स्वर्गीय मन्दिर च, उ खुलै गै, अर ऊंका मन्दिर मा ऊंकी वाचा कु सन्दूक दिखै द्ये, अर वे ही बगत बिजलियां, घुरांण अर भूकम्प हूंणा छा, अर आसमान मा बट्टी बड़ा-बड़ा ओलों की बरखा हूंणी छै।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

दिब्य दरस 5:6

फिर मिल चार ज्यून्दा प्राणियों अर चौबीस दाना-सयाणों का बीच सिंहासन का बगल मा एक चिनखा तैं खड़ो देखि। चिनखा पर बलिदान का निशान छा; जु वेका सात सींग अर सात आँखा छिनी जु परमेश्वर की आत्मा छिनी, जु सैरी धरती पर भिजे गैनी।

दिब्य दरस 8:5

तब स्वर्गदूत ल यु तैं वेदी का मथि बट्टी जल्यां अंगारों बट्टी भोरि दींनि, अर धरती पर डाली दींनि, अर बिजलियां अर गिडगिडांण की आवाज अर भूकम्प हूंण लगि गै।