दिब्य दरस 3:2 - गढवली नयो नियम

² इलै, जागि जा, अर मि पर अपड़ा विश्वास तैं मजबूत कैर जब तक त्वे मा कुछ विश्वास बच्युं च, कि यु पूरा ढंग से खत्म नि हवे जौं। मि जंणदु छो कि तेरी कमी भौत ही बड़ी च किलैकि जु तू कनी छै पिता परमेश्वर वे बट्टी खुश नि च।

Garhwali

² इलै चौकस ह्‍वे जा, अर तुमरो बिस्वास जु कि कम च तुम वेमा मजबूत ह्‍वे जा, किलैकि मिन तुमरा कै भि काम तैं अपणा पिता परमेस्वर का समणि पूरु नि पै।

दिब्य दरस 3:2 Iomraidhean Croise

मत्ती 23:5

उ अपड़ा सभि काम लुखुं तैं दिखांणु कु करदींनि उ अपड़ा जौं पर परमेश्वर कु वचन हूंद छो त उ ऊं तैं मुंड पर अर हथों पर पैरदा छा अर अपड़ा कपड़ोंं का किनारों तैं बढादिनि।

मत्ती 25:13

इलै बिंज्या रावा किलैकि तुम नि जंणदयां मेरा वापिस औंण का उ दिन अर उ बगत कब आलो।

मत्ती 25:7

तब उ सभि अणबिवाक बिजनी अर अपड़ा-अपड़ा दिवडों तैं ठिक कन लगि गैनी।

खास चेलों 18:23

फिर कुछ दिनों तक अन्ताकिया नगर रै के उख बट्टी भि निकली गै अर नगर-नगर यात्रा कैरी के गलातिया प्रदेश अर फ्रूगिया प्रदेश मा सभि चेलों तैं हिम्मत बढ़ौदी गै।

1 पतरस 4:7

सभि बातों कु अन्त तुरंत हूंण वलो च; इलै स्पष्ट रूप से सोचा अर अपड़ा आप तैं काबू मा रखि के प्रार्थना कु चौकस रा।

1 पतरस 5:8

हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।

दिब्य दरस 16:15

दुष्टात्माओं का शासकों तैं अर ऊंकी सेनाओं तैं वीं जगह पर कठ्ठा कैरी जै तैं इब्रानी भाषा मा हर-मगिदोन बुल्दींनि। इलै प्रभु यीशु ल बोलि, “य बात सूंणा। मेरू आंण चोर का जन अचानक होलो। धन्य च उ आदिम जु मेरा आंण पर बिज्यूं हो, अर अपड़ा कपड़ोंं तैं तैयार रखो। तब उ नंगी नि होला अर कुछ भि ऊं तैं शर्मिंदा नि करलो चाहे उ भैर भौत स लुखुं का बीच मा भि किलै नि जौं।”

दिब्य दरस 2:4

पर कुछ च जु मि तैं मा गलत पांदु अब तू मि बट्टी उन प्रेम नि करदी जन तू शुरुआत मा करदी छै।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

दिब्य दरस 3:3

वीं शिक्षा तैं याद कैर जु तिल भौत पैली सूंणि छै अर स्वीकार कैरी छै। जु त्वे तैं सिखै गै छै वेको अनुसरण कैर, अपड़ी लापरवाही बट्टी मन फिरौ। जु तू लापरवाही कनी रैलि त मि अचानक औलु, जन रात मा एक चोर आंद, अर तू वे बगत तैं भि नि जांणि सकली जब मि त्वे तैं दण्ड दींणु कु औलु।