दिब्य दरस 22:2 - गढवली नयो नियम

² गाड वे शहर की सड़क का बीचों-बीच बुगदी, अर पांणी का कै भि छाला पर जीवन दींणवला डालों तैं देखै जा सकद। अर हर मैना यु अलग-अलग किस्म का फलों तैं दींदिनि अर येका पत्ता इन दवै कु काम करदींनि जु धरती का जातियों का लुखुं तैं ठिक कैर सकदींनि।

Garhwali

² अर या गाड वे नगर का बाटा का बीचों-बीच बुगणी छै। अर गाड का दुई छालों पर जीवन का डाळा लग्यां छा, जौं पर बारामास बारह किसम का फल लगदिन। अर यों डाळों का पत्ता देस मा रौण वळा लोगु का रोग दूर करणु खुणि छिन, अर ऊंका फल जीवन देणु खुणि छिन।

दिब्य दरस 22:2 Iomraidhean Croise

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

दिब्य दरस 2:7

हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च जु पवित्र आत्मा मण्डलियों बट्टी बुल्द उ लोग जु दुष्ट शक्तियों तैं हरौदींनि, ऊं तैं मि जीवन दींणवला डाला बट्टी फल खांणै की मंजूरी दयुलु, जु पिता परमेश्वर का स्वर्गीय बगीचा मा च।

दिब्य दरस 21:21

बारह प्रवेश द्वार भि, एक-एक मोती का बणया छा, अर शहर की सड़क, उ खरा सोना ल बंणि गै छै जु कांच का जन चमकदी छै।

दिब्य दरस 21:24

वे शहर की चमक दुनिया मा रौंण वला सभि जातियों तैं प्रकाश दींद अर धरती का सभि राजा अपड़ी-अपड़ी धन दौलत तैं वे शहर मा लौदींनि।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

दिब्य दरस 22:14

धन्य छिनी उ, जौनु चिनखा का बलिदान बट्टी अपड़ा आप तैं पिता परमेश्वर की नजरों मा शुद्ध बणै दींनि, किलैकि ऊं तैं वे शहर का फाटकों बट्टी प्रवेश कनु कु अधिकार दिये जालो। अर ऊं तैं वे डाला का फल खांणु कु भि अधिकार दिये जालो जु जीवन दींद।

दिब्य दरस 22:19

अर जु कुई इन आदिम हो जु ईं किताब मा भविष्यवाणी किये गै हो बातों मा बट्टी कुछ भि हटो, त पिता परमेश्वर भि वे तैं वे डाला बट्टी फल खांण का अधिकार बट्टी निकाली दयालो जु जीवन दींद अर वेका पवित्र शहर मा रौंण का अधिकार तैं भि हटै दयालो जैका बारा मा ईं किताब (चाम्रपत्र) मा बतये गै।