दिब्य दरस 21:9 - गढवली नयो नियम

⁹ अर फिर ऊं सात स्वर्गदूतों मा बट्टी एक ल जौनु मनिख जाति पर सात आखरी यातनाओं बट्टी भुरयां सात कटोरा उण्डेली छा, मि बट्टी बात कैरी, वेल बोलि, “इनै औ, मि त्वे तैं ब्योली दिखौलू जैको जल्द ही चिनखा का दगड़ी ब्यो हवे जालो।”

Garhwali

⁹ फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”

दिब्य दरस 21:9 Iomraidhean Croise

दिब्य दरस 1:1

पिता परमेश्वर ल यीशु मसीह तैं जु दिखै उ यु च, कि उ अपड़ा दासों तैं ऊं घटनाओं का बारा मा बतौ जु भौत जल्द होली। यीशु ल अपड़ा स्वर्गदूत तैं वे संदेश का दगड़ी मि मा मतलब कि अपड़ा दास यूहन्ना मा भेजि।

दिब्य दरस 17:1

जूं सात स्वर्गदूतों मा उ सात कटोरा छा, ऊंमा बट्टी एक ल ऐ के मि बट्टी यु बोलि, “मि त्वे तैं दिखौलु कि पिता परमेश्वर कन कै वीं बड़ी वेश्या तैं दण्ड दयालो, जु एक इन जगह पर बैठदी, जख बिजां गाड छिनी।

दिब्य दरस 19:7

आवा, हम आनन्दित अर मगन हो, अर वेकी स्तुति कैरा, किलैकि जु चिनखो च वेको ब्यो हूंण वलो च। ब्योली श्रंगार कैरी के अफ तैं सजै के वेको तैयार कैरेले।

दिब्य दरस 21:17

यांका बाद स्वर्गदूत ल दीवार की ऊँचै नापी, वेल यु तैं उन के ही नापी जन के लोग चीजों तैं नापी छो; येकी दीवार छियासठ मीटर चौड़ी छै।

दिब्य दरस 21:2

फिर मिल पवित्र शहर तैं भि देखि, जु कि नयो यरूशलेम शहर च, जु स्वर्ग बट्टी पिता परमेश्वर की तरपां बट्टी मूड़ी औणु च। वे शहर तैं एक ब्योली का जन तैयार किये गै छो, जि तैं कपड़ा पैरये गैनी अर साज-सिगांर किये गै अर जु ब्योला बट्टी ब्यो कनु कु तैयार छो।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

दिब्य दरस 22:17

पिता परमेश्वर की आत्मा अर चिनखै की ब्योली (मण्डलि) द्वी बुल्दींनि, “औ!” अर सुनण वलो तैं भि बुल्दण चयणु च, “औ!” अर जु तिसलो हो, उ औ अर जु कुई चांद उ जीवन को पांणी मुफ्त मा ल्यो।

दिब्य दरस 22:6

यांका बाद, स्वर्गदूत ल मि बट्टी बोलि; “उ सब पैली बुलै गै बात सच छिनी अर निश्चित रूप मा पूरी होली। पिता परमेश्वर का तरपां बट्टी बुल्ण वलो तैं परमेश्वर ल अपड़ा पवित्र आत्मा द्ये, उ व ही च जैल अपड़ा स्वर्गदूत तैं आज्ञा द्ये कि उ अपड़ा सेवकों तैं यु दिखणु कु, जु जल्द ही होलो।”