दिब्य दरस 21:12 - गढवली नयो नियम

¹² अर वेका शहर का चौ तरपां एक भौत ऊंची दीवार छै, अर वेका बारह फाटक अर शहर की चकबंधी मा बारह प्रवेश द्वार छा अर ऊंमा बट्टी हर एक प्रवेश द्वार पर एक स्वर्गदूत को पैहरा छो अर ऊं फाटकों पर इस्राएलियों का बारह गोत्रों कु नौं लिख्युं छो।

Garhwali

¹² नगर की दिवाल भौत बड़ी अर ऊँची छै, अर वेमा बारह गेट छा। अर यों पर बारह स्वर्गदूत बैठयां छा, अर ऊं गेटों पर इस्राएल का बारह गोत्रों का नौ लिख्यां छा।

दिब्य दरस 21:12 Iomraidhean Croise

मत्ती 18:10

“देखा तुम मा यूं छुटों मा बट्टी कै तैं भि तुच्छ नि जणयां किलैकि मि तुम मा बुल्णु छौं, कि स्वर्ग मा ऊँका स्वर्गदूत मेरा बुबा की उपस्थिति मा रौंदा छिन।”

लूका 15:10

मि तुम मा बुल्णु छौं कि इन कै एक मन फिराण वला पापी का बारा मा परमेश्वर का स्वर्गदूतों का संमणी आनन्द हूंद।

लूका 16:22

अर तब इन हवे कि उ गरीब मोरि गै अर स्वर्गदूत ल वे तैं अब्राहम मा सम्मान का जगह पर पौंछै दींनि, अर उ सेठ भि मोरि गै अर वे तैं दफनै दींनि।

खास चेलों 26:7

ईं करार तैं पूरी हूंणै आस लगयां हमारा बारह गोत्र अपड़ा सैरा मन से रात दिन पिता परमेश्वर कि आराधना करदी ऐनी। हे राजा यु यहूदी वे ही आशा का कारण मि पर भंगार लगौंदींनि।

इब्रानी 1:14

तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।

दिब्य दरस 21:13

शहर का हर एक दिशा मा तीन फाटक छा; पूर्व, पश्चिम, उत्तर अर दक्षिण।

दिब्य दरस 21:15

उ स्वर्गदूत जैल वे बट्टी बात कैरी, वे शहर मा अर वेका फाटकों अर वेकी शहर की चकबंधी तैं नपणु कु एक सोना को गज छो।

दिब्य दरस 21:25

वे शहर का फाटक दिन भर खुल्यां रौदींनि। उ कभी बंद नि हूंदींनि किलैकि उख कभी रात नि हूंदी।

दिब्य दरस 22:14

धन्य छिनी उ, जौनु चिनखा का बलिदान बट्टी अपड़ा आप तैं पिता परमेश्वर की नजरों मा शुद्ध बणै दींनि, किलैकि ऊं तैं वे शहर का फाटकों बट्टी प्रवेश कनु कु अधिकार दिये जालो। अर ऊं तैं वे डाला का फल खांणु कु भि अधिकार दिये जालो जु जीवन दींद।