दिब्य दरस 20:5 - गढवली नयो नियम

^5-6 यु लोग मुर्दों मा बट्टी ज्यूंदा किये जांण मा सबसे पैला छा, अर उ विशेष रूप से धन्य अर पवित्र छिनी। दुसरी मौत को ऊं पर कुई अधिकार नि च। उ पिता परमेश्वर का अर मसीह का याजक होला अर ऊं दगड़ी एक हजार साल तक राज्य करला। यूं एक हजार साल बट्टी पैली कै दुसरा मुरयां लुखुं तैं ज्यून्दों नि किये जालो।

Garhwali

^5-6 अर मुरदो मा बटि ज्यून्द होण को यू ही पैलु बगत च, अर यू लोग धन्य अर पवित्र छिन किलैकि यों पर दुसरि मौत को कुई अधिकार नि च। अर यू लोग पिता परमेस्वर अर यीशु मसीह का पुरोहित होला, अर एक हजार साल तक वेका दगड़ा मा राज करला। अर जब तक की एक हजार साल पूरा नि ह्‍वे गैनी, तब तक दुसरा मुरयां लोग ज्यून्दा नि ह्‍वेनि।

दिब्य दरस 20:5 Iomraidhean Croise

लूका 14:14

तब तु धन्य हवे जैलि किलैकि ऊंमा त्वे तैं लौटाणु कु कुछ नि च, पर त्वे तैं जब धर्मी लुखुं कु ज्यून्दो हूंण होलो तब परमेश्वर तुम तैं प्रतिफल दयालो।

रोमियों 11:15

किलैकि जब इस्राएल का लुखुं कु छुड़ै जांणा दुनिया का लुखुं कु मेल कु कारण हवे, त जब उ यीशु तैं मसीह का रूप मा अपणैयला अर परिणाम का रूप मा इन होलो जन की परमेश्वर ऊं तैं मरणा का बाद फिर ज्यूंदों कनु हो।

फिलिप्पी 3:11

इलै ईं आस मा कि मि मुर्दों मा बट्टी मोरि के ज्यून्दो हूंणा कु अनुभव कैर साको।

1 थिस्सलुनीकी 4:16

किलैकि प्रभु यीशु अफी ही स्वर्ग बट्टी उतरलो; वे बगत ऊंची आवाज, अर प्रधान स्वर्गदूत कु शब्द सुणेलु, अर पिता परमेश्वर को बिगुल गुंजलो, अर वे बगत जु लोग मसीह पर विश्वास कैरी के मोरि गैनी, उ पैली ज्यून्दा हवे उठला।

दिब्य दरस 11:11

पर साढ़े तीन दिन का बाद पिता परमेश्वर की तरपां बट्टी जीवन की सांस मिली; अर उ खड़ा हवे गैनी, अर उ सभि जौनु देखि कि उ अब फिर से ज्यून्दा हवे गै छा, अर दिखण वला भौत डैर गैनी।

दिब्य दरस 11:15

जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”