दिब्य दरस 2:12 - गढवली नयो नियम

¹² पिरगमुन शहर की मण्डलि का दूत तैं यु संदेश लिख “मि ही छो जै मा तेज द्वी धार वली तलवार च।” मि त्वे बट्टी यु बुल्दो;

Garhwali

¹² अर फिर यीशु न मिकू बोलि कि, “पिरगमुन नगर मा रौण वळा बिस्वासी समुदाय का दूत खुणि इन लिख कि: “यीशु वु च जैका पास पैनी तलवार च ज्वा की दुई तरफा बटि भौत पैनी च उ इन बुल्दु कि:

दिब्य दरस 2:12 Iomraidhean Croise

इब्रानी 4:12

किलैकि पिता परमेश्वर कु वचन जीवन, सशक्त अर कै भि द्वी धार वली तलवार बट्टी भि जादा तेज च। व प्राण अर आत्मा तैं, मतलब की ग्रंथियों अर मज्जा का विच्छेद तक पहुचद अर हमारा मन का विचारों तैं परखद।

दिब्य दरस 1:11

वेल मि बट्टी बोलि, “जु कुछ तू दिखणी छै, वे तैं एक किताब (चाम्रपत्र) मा लिख दे जा यु ऊं सात मण्डलियों तैं भेज जु यु शहरों मा छिनी, मतलब कि इफिसुस, स्मुरना, पिरगमुन, थुआतीरा, सरदीस, फिलदिलफिया अर लौदीकिया शहर तैं।”

दिब्य दरस 1:16

उ अपड़ा दैंणा हथ मा सात गैणो तैं लियुं छो, अर वेका गिचा बट्टी तेज द्वी धार वली तलवार निकलदी छै; अर वेको मुक सामर्थ ल भुरयां दोफरा का बगत मा चमकण वला सूरज का जन चमकणु छो।

दिब्य दरस 19:15

सवार का गिचा बट्टी एक तेज तलवार निकलदी जैको इस्तेमाल ऊं जातियों तैं हरांणु कु करलो, अर उ लोखर का जांठा दगड़ी ऊं पर राज्य करलो। यूं तैं सर्वशक्तिमान परमेश्वर का भयानक गुस्सा की दाखमधु का कुण्ड मा अंगूरों तैं निचोड़ण जन होलो।

दिब्य दरस 19:21

येका बाद, वेल जु घोड़ा पर बैठयूं छो अपड़ा गिचा बट्टी निकलण वली तलवार कु इस्तेमाल कैरी के दुसरा सभियूं तैं मार दींनि। तब आसमान का सभि चलखुडों ल तब तक शवों कु मांस खांदी रैनी जब तक कि ऊंको पुटगो पूरो नि भुरे गै।

दिब्य दरस 2:1

वेल मि बट्टी यु भि बोलि, इफिसुस शहर की मण्डलि का दूत तैं यु संदेश लिख मि उ ही छो जु अपड़ा दैंणा हथ मा सात गैणों तैं रखदु अर जु सोना का सात दिवडा का बीच मा चलदु। मि तुम बट्टी यु बुल्णु छो;

दिब्य दरस 2:16

मन फिरौ, जु तू इन कन बंद नि करिली त मि जल्द ही औलु अर ऊं लुखुं का विरुद्ध वीं तलवार से लडुलू, जु मेरू वचन च।