दिब्य दरस 19:8 - गढवली नयो नियम

⁸ चिनखा ल वे तैं साफ चमकदार मलमल का द्वारा बणयां कपड़ा पैरणु कु दींनि, जु शुद्ध च, जु विश्वास कन वलो कु अच्छा कामों को चिन्ह च। किलैकि वे चमकदार मलमल को मतलब, पिता परमेश्वर का लुखुं का धार्मिक काम छिनी।

Garhwali

⁸ अर ब्यौलि तैं यू अधिकार दिये गै कि वा चमकदार, साफ अर अच्छु मखमल पैरि के खुद तैं सजौ।” (अर मखमल पैनण को मतलब इन च कि परमेस्वर अपणा लोगु का भलै का कामों से खुश च)।

दिब्य दरस 19:8 Iomraidhean Croise

मत्ती 17:2

जब ऊंल वे जनै देखि त वेकु रुप बदली गै अर वेको मुक सूरज जन चमकि अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा।

मत्ती 22:12

राजा ल वे तैं पूछि हे दगड़िया तु बगैर ब्यो कु ठिक कपड़ा पैरय्यां इख किलै ऐ? अर वे तैं मनिख्युं न कुछ भि जवाब नि दींनि।

मरकुस 9:3

अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा अर इथग उज्यलो हवे गै कि धरती मा कुई भि धोबी वेकी बराबरी नि कैर सकदु।

लूका 24:4

जब उ इन बात बट्टी भौचक्‍की हूंणा छा त देखा, द्वी आदिम सफेद कपड़ा पैरियां खड़ा छा।

खास चेलों 1:10

वेका जांणा बगत जब उ स्वर्ग जनै दिखंणा छा त अचानक द्वी आदिम, सफेद कपड़ा पैरी के प्रेरितों का संमणी खड़ा हवेनि

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

दिब्य दरस 15:4

“हे प्रभु, सभि जातियों का लुखुं का द्वारा तेरु आदर किये जौं, अर उ सब तेरु नौं को सम्मान कैरा, किलैकि भस तू ही पवित्र परमेश्वर छै, हर एक राज्य का सभि लोग तैं मा औंदींनि, अर उ तेरी आराधना करदींनि, किलैकि तेरु धर्म का काम सभियूं तैं अच्छा ढंग से मालूम छिनी।”

दिब्य दरस 15:6

अर फिर सात स्वर्गदूत जौं तैं आखरी सात विपत्तियों तैं लेकर जांण छो, वे स्वर्गीय मन्दिर बट्टी भैर निकलनी। उ चमकदार सफेद कपड़ा पैरयां छा अर ऊंकी छती का चौ तरपां सोना की पट्टियां भि छै। फिर चार ज्यून्दा प्राणियों मा बट्टी एक ल ऊं सात स्वर्गदूतों तैं पिता परमेश्वर की तरपां बट्टी जु हमेशा ही ज्यूँदो च, भयानक दण्ड बट्टी भुरयां एक-एक सोना को कटोरा द्ये।

दिब्य दरस 19:14

स्वर्ग का भौत सैरा सैनिक, वेका पिछनै-पिछनै छा। उ भि सफेद घोड़ों पर सवार छा अर उ सफेद मलमल को कपड़ा पैरयां छा जै मा बिल्कुल भि दाग नि च।

दिब्य दरस 3:18

इलै, मि त्वे तैं आग बट्टी शुद्ध करयां सोना तैं मि बट्टी खरीदण की सलाह दींदु कि तू हकीकत मा धनवान बण साक। त्वे तैं अपड़ा पैनणु कु अपड़ा सफेद कपड़ा भि मि बट्टी खरीदण चयणा छिनी कि तू लुखुं का द्वारा नंगो दिख्योणै की शर्मिंदगी ल बच साक। त्वे तैं अपड़ी आँखों मा डलणु कु थोड़ा काजल भि मि बट्टी खरीदण चयणु च, कि तू देख साक।