दिब्य दरस 18:10 - गढवली नयो नियम

¹⁰ अर ऊं तैं डौर च कि उ भि वीं का दण्ड मा फंसी जाला अर दूर बट्टी खड़ा हवे के बुलला, हे बड़ा शहर, बाबेल! हे मजबूत शहर, हाय! हाय! थोड़ा ही बगत मा पिता परमेश्वर ल त्वे तैं नाश कैरेले।”

Garhwali

¹⁰ अर वीं की पीड़ा तैं देखि के डऽरला अर दूर खड़ा ह्‍वेके बुलला, “‘हे बड़ा नगर बेबीलोन, त्वे पर हाय च, तू जु ताकतबर नगर छैई एक घन्टा मा ही त्वेतै दण्ड मिली गै।’

दिब्य दरस 18:10 Iomraidhean Croise

दिब्य दरस 11:8

ऊंका शवों तैं वे बड़ा शहर यरूशलेम कि सड़कों पर पुड़ियां राला, जख ऊंको प्रभु सूली पर टंगे गै छो। यु शहर तैं चिन्ह का रूप मा सदोम या मिस्र को नौं दिए गै, किलैकि यु शहर का लोग सदोम अर मिस्र देश का रौंण वला लोग का जन भौत खराब छिनी।

दिब्य दरस 14:8

फिर यांका बाद उख एक और स्वर्गदूत छो जु पैला स्वर्गदूत का पिछनै ऐ अर बोलि, “लमडी गै, उ बड़ो बाबेल लमडी गै, वेल सैरी मनिख जाति तैं अपड़ी दाखमधु का नशा ल धुत कैरेले, वेको भौत ही बुरो बरतौ यु च जु वेल सैरी धरती अर मनिख जाति तैं सिखै किलैकि वेल ऊं तैं मूर्तियों की पूजा कन सिखै।”

दिब्य दरस 16:19

बाबेल को बड़ो शहर तीन हिस्सों मा बंटे गै, अर पूरी दुनिया का सैरा शहर नष्ट हवे गैनी। किलैकि पिता परमेश्वर ल उ पूरो कैरी जैको वेल बाबेल की जातियों का दण्ड का बारा मा वादा कैरी छो। यूं तैं पिता परमेश्वर की तरपां बट्टी कठोर दण्ड दिए जालो। यु इन होलो जन ऊंल बगैर पांणी मिल्युं दाखमधु तैं पियेले हो, जै तैं पिता परमेश्वर ल अफ ही वे प्याला मा उण्डेली हो जु वेका गुस्सा तैं बतांद।

दिब्य दरस 17:12

उ दस सींग जु तिल पैली देखि छा, ऊं दस राजाओं तैं बतौंदींनि जौनु अभि तक राज्य कन शुरू नि कैरी। ऊं दस राजाओं तैं वे जानवर का दगड़ी मिल के राज्य कने को अधिकार पाला, पर ऊंको राज्य भस एक घंटा का बगत कु ही होलो।

दिब्य दरस 18:18

अर जब उ वीं आग बट्टी निकलीनि त वे धुवां तैं दिखला जु शहर तैं जलांणु च, तब उ चिल्लाला, “यु जन महान शहर कभी नि हवे”

दिब्य दरस 18:19

अर ऊंल अपड़ो दुःख दिखांणु कु अपड़ा मुंड पर धूल डाली, अर रौवे के अर विलाप कैरी के चिलै-चिलै के बुलला, “हाय! हाय! यु बड़ो शहर वीं का बड़ा धन का कारण, हर एक जै मा समुद्री जहाज छो, उ धनवान हवे गैनी। थोड़ा ही बगत मा, वींको सभि धन चलि गै।”

दिब्य दरस 18:21

फिर एक तागतबर स्वर्गदूत ल बड़ी चक्की का पाट का संमणी एक ढुंगो उठै, अर यु बोलि, के समुद्र मा ढोल दींनि, “महान शहर बाबेल तैं भौत हिंसा का दगड़ी नष्ट कैर दींनि। उ शहर दुबरा कभी वापिस नि बसलो। अर दुबरा फिर कभी वेको पता नि मिललो।

दिब्य दरस 18:8

वीं का बड़ी-बड़ी बातों तैं बुल्णा का कारण वीं पर अचानक से विपत्तियां आली। भस एक ही दिन मा अचानक, बिमारी अर शोक अर अकाल वीं पर एक ही दगड़ी आला। अर वीं तैं आग मा भस्म किये जालो किलैकि प्रभु परमेश्वर शक्तिशाली च, अर उ वीं तैं दण्ड दे के वींको न्याय करलो।