दिब्य दरस 16:8 - गढवली नयो नियम

⁸ चौथा स्वर्गदूत ल कटोरा की चीजों तैं सूरज पर उण्डेल दींनि, अर सूरज तैं और जादा गर्म हूंणै की आज्ञा दींनि अर इलै लोग यांकि भयानक तपिश ल झुलसी गैनी।

Garhwali

⁸ फिर चौथा स्वर्गदूत न अपणु कटोरा सूरज पर अखणै दिनी, अर सूरज तैं अपणी झौऽळ से मनखियों तैं फूकी देण को अधिकार मिली गै,

दिब्य दरस 16:8 Iomraidhean Croise

मत्ती 13:6

अर जब घाम निकली त वे फुके गैनी अर जौड़ा कमजोर हूंण का कारण जल्दी सूखि गैनी।

लूका 21:25

सूरज अर चांद, अर गैणों मा चिन्ह दिखेला अर धरती म देश-देश अर जाति-जाति का लुखुं कु संकट होलो किलैकि उ समुद्र का घमकण अर बौछट्यूं का स्यूंसाटन घबरै जाला।

खास चेलों 2:20

प्रभु कु दिन औंण से पैली सूरज अंधेरो हवे जालो अर जून ल्वे का जन हवे जालो। ऊं दिन महान अर तेजस्वी दिन होलो

दिब्य दरस 14:18

तभि एक और स्वर्गदूत जु कि छठो स्वर्गदूत च अर जु वेदी पर आग से धूप जलांण की जिम्मेदारी निभांद। वेल चिल्लै के वे स्वर्गदूत बट्टी जै मा तेज दथड़ो च बोलि, “धरती पर अंगूरों का गुच्छा पक्की गैनी! ऊं तैं अपड़ा दथडा ल काट ले।”

दिब्य दरस 6:12

अर मिल चिनखा तैं छठवीं मुहर खुलद देखि; तब एक भौत बड़ो भूकम्प ऐ; अर सूरज एक खुरदुरा कंबला का जन कालो हवे गै, अर पूरी जून ल्वे का जन लाल हवे गै।

दिब्य दरस 7:16

“उ फिर भूखा अर तिसला नि होला; अर सूरज ऊं तैं फिर कभी नि जलालो, न ही गर्मी ऊं तैं जलाली।

दिब्य दरस 8:12

चौथा स्वर्गदूत ल तुरै फूंकी, अर सूरज की एक तिहाई, अर जून की एक तिहाई अर गैणों की एक तिहाई पर कुछ टकरै अर नाश हवे गै कि ऊंको एक तिहाई भाग अंधेरो हवे गै, ज्यांका कारण दिन का एक तिहाई बगत तक सूरज ल अपड़ो प्रकाश नि द्ये, अर जून अर गैणा रात का एक तिहाई बगत तक नि चमकीनि।

दिब्य दरस 9:2

वेल अथाह कुण्ड तैं खोलि दींनि, अर कुण्ड मा बट्टी बड़ी भट्टी का जन धुंआ उठि, अर कुण्ड सूरज अर सैरो वातावरण वे गड्डा का धुवां ल कालो हवे गै।