दिब्य दरस 16:3 - गढवली नयो नियम

³ दुसरा स्वर्गदूत ल कटोरा की चीजों तैं समुद्र पर उण्डेल दींनि। पर समुद्र एक मुरयां आदिम का ल्वे का जन छो अर इलै, समुद्र मा रौंण वलो सभि कुछ मोरि गै।

Garhwali

³ फिर दुसरा स्वर्गदूत न अपणु कटोरा समुन्दर मा अखणै दिनी, अर समुन्दर को पाणि मुरयां मनखियों का ल्वे जन ह्‍वे गै अर ईं वजै से समुन्दर मा रौण वळा सब जीव-जन्तु मोरि गैनी।

दिब्य दरस 16:3 Iomraidhean Croise

खास चेलों 2:41

जु कुछ पतरस ल बोलि, जौनु भि वेका संदेश पर विश्वास कैरी ऊंल बपतिस्मा लये अर वे ही दिन करीब तीन हजार लोग ऊं दगड़ी मिली गैनी।

दिब्य दरस 10:2

अर वेको दैंणों खुट्टों समुद्र पर रखे गै, अर वेको बंयो खुट्टों धरती पर रखे गै। वेका हथ मा एक छुटी सी किताब छै जु खुली छै।

दिब्य दरस 11:6

पिता परमेश्वर ल ऊं तैं संदेश दींणै की घोषणा का दौरान स्वर्ग बट्टी बरखा तैं रुकणु को अधिकार दियुं च। ऊं तैं सभि पांणी पर अधिकार च, कि वे तैं ल्वे बणा, अर धरती पर सभि किस्म की भयानक आपदाओं तैं चोट पौछांणो कु अधिकार भि मिल्युं च। उ जथग बार भि चाहा उथग बार इन कैर सकदींनि।

दिब्य दरस 13:1

मिल एक जानवर तैं समुद्र मा बट्टी निकलद देखि, येका सात मुंड छा अर दस सींग छा अर वेका हर एक सींग पर राजमुकुट छा, अर वेका हर एक मुंड पर एक नौं लिख्युं छो जु पिता परमेश्वर की एक बुरै (निंदा) छै।