दिब्य दरस 15:1 - गढवली नयो नियम

¹ यांका बाद जब उ खत्म हवे गै, त मिल आसमान मा एक और अलग चिन्ह देखि जु कि भौत अद्भुत अर भौत डरांण वलो छो। उ सात स्वर्गदूत छा जु सात अलग-अलग ढंग की विपत्तियों तैं लियां छा। उ विपत्तियां आखरी छै किलैकि जब उ खत्म हवे जाली तब पिता परमेश्वर का गुस्सा भि पूरो हवे जालो।

Garhwali

¹ फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।

दिब्य दरस 15:1 Iomraidhean Croise

दिब्य दरस 10:3

अर वे स्वर्गदूत ल जोर से पुकारी के अर वेकी आवाज शेर का घुरांण का जन छै। जब उ चिल्लै, त सात तेज आवाजो ल वे तैं जवाब द्ये, जु गिड़गिड़ाहट की आवाज का जन छा।

दिब्य दरस 11:14

यु दुसरी विपत्ति को अंत छो पर अभि एक और च जु जल्द आंण वली च।

दिब्य दरस 14:10

त उ पिता परमेश्वर का प्रकोप की दाखमधु तैं बगैर मिलावट का, वेका गुस्सा का कटोरा मा डले गै, जु वे तैं पयालो अर पवित्र स्वर्गदूतों का संमणी अर चिनखा का संमणी आग अर गन्धक की पिड़ा मा पुड़लो।

दिब्य दरस 14:19

तब स्वर्गदूत ल ऊं अंगूरों तैं काटि दींनि जु धरती पर छा अर ऊं तैं कठ्ठा कैरी कि ऊं तैं निचोड़ै जै साको जांको मतलब च की पिता परमेश्वर भयंकर सजा दयालो।

दिब्य दरस 16:1

वेका बाद मिल स्वर्गीय मन्दिर बट्टी एक तेज आवाज तैं सात स्वर्गदूतों बट्टी यु बुल्द सूंणि, “जावा दुनिया का लुखुं पर पिता परमेश्वर की तरपां बट्टी दण्ड तैं उण्डेली द्या जु ऊं दगड़ी सात कटोरों मा च।”

दिब्य दरस 17:1

जूं सात स्वर्गदूतों मा उ सात कटोरा छा, ऊंमा बट्टी एक ल ऐ के मि बट्टी यु बोलि, “मि त्वे तैं दिखौलु कि पिता परमेश्वर कन कै वीं बड़ी वेश्या तैं दण्ड दयालो, जु एक इन जगह पर बैठदी, जख बिजां गाड छिनी।

दिब्य दरस 19:15

सवार का गिचा बट्टी एक तेज तलवार निकलदी जैको इस्तेमाल ऊं जातियों तैं हरांणु कु करलो, अर उ लोखर का जांठा दगड़ी ऊं पर राज्य करलो। यूं तैं सर्वशक्तिमान परमेश्वर का भयानक गुस्सा की दाखमधु का कुण्ड मा अंगूरों तैं निचोड़ण जन होलो।

दिब्य दरस 21:9

अर फिर ऊं सात स्वर्गदूतों मा बट्टी एक ल जौनु मनिख जाति पर सात आखरी यातनाओं बट्टी भुरयां सात कटोरा उण्डेली छा, मि बट्टी बात कैरी, वेल बोलि, “इनै औ, मि त्वे तैं ब्योली दिखौलू जैको जल्द ही चिनखा का दगड़ी ब्यो हवे जालो।”

दिब्य दरस 8:13

जब मिल फिर देखि, त मिल एक गरुड़ तैं आसमान मा ऊंचो उड़दि देखि अर ऊँचा शब्द बट्टी यु बुल्द सूंणि, “जब आखिरी तीन स्वर्गदूत ऊं तुरैहियों तैं फूंकदींनि जु ऊं तैं दिये गै, तब दुनिया का सब लुखुं पर आंण वली विपत्तियां भौत भयानक छिनी। धरती का रौंण वलो पर हाय, हाय, हाय!”

दिब्य दरस 8:2

अर मिल ऊं सातों स्वर्गदूतों तैं जु पिता परमेश्वर का संमणी खड़ा रौदींनि, दिखिनि, अर ऊं तैं सात तुरहियां दिये गै छै।

दिब्य दरस 8:6

अर उ सातों स्वर्गदूत जौं मा सात तुरहियां छै, ऊं तुरहियां तैं फुंकणु कु तैयार हवे।

दिब्य दरस 9:20

पर और लोग जु ऊं विपत्तियों बट्टी पैली नि मरै गै छा, ऊंल अभि भि अपड़ा बुरा कामों बट्टी पछतौ नि कैरी छो। ऊंल हत्या कन, टूणा-टुटगा, यौन अनैतिकता या चोरी कन बट्टी पछतौ नि कैरी। ऊंल दुष्टात्माओं अर अपड़ी हथों बट्टी बंणि चीजों की आराधना कन भि नि छोड़ी, जन कि सोना या चाँदी या पितले या ढुंगा अर लखड़ो ल बणईं मूर्तियां, उ मूर्तियां, न त दिखदी छिनी, न सुणदींनि, अर न ही चलदी छिनी।