दिब्य दरस 14:1 - गढवली नयो नियम

¹ यांका बाद, मिल कुछ और देखि, मिल सिय्योन डांडा पर चिनखा तैं खड़ो देखि। वे दगड़ी वेका एक लाख चवालीस हजार लोग छा, ऊंका कपाल पर चिनखा को नौं अर वेका बुबा को नौं लिख्युं छो।

Garhwali

¹ अर मिन देखि कि यीशु जु कि मेम्‍ना च यरूशलेम नगर का सिय्योन ढौंडा मा खड़ु होयुं च। अर वेका दगड़ा मा एक लाख चवालीस हजार लोग खड़ा होयां छिन, जौं का माथा पर यीशु अर वेका पिता को नौ लिख्यूं च।

दिब्य दरस 14:1 Iomraidhean Croise

लूका 12:8

मि तुम मा बुल्णु छौं जु कुई भि लुखुं का संमणी इन बोलो, कि मि यीशु कु चेला छों, त मि मनिख कु नौंनो वे तैं परमेश्वर का स्वर्गदूतों का संमणी स्वीकार करलो।

रोमियों 9:33

जन परमेश्वर का वचन मा लिख्युं च, “देखा मि सिय्योन मा ठोकर लगण वला ढुंगो, अर लुखुं तैं लमडांण वली चट्टान रखणु छो, अर जु वे पर विश्वास करलो, उ शर्मिंदा नि होलो।”

दिब्य दरस 14:14

फिर मिल एक सफेद बादल देखि, अर मिल कै तैं देखि जु एक मनिख का नौंना का जन छो, जु वे बादल पर बैठयूं छो। वेका मुंड पर सोना कु मुकुट छो अर हथ मा एक तेज दथड़ो छो।

दिब्य दरस 14:3

एक लाख चवालीस हजार (144,000) लोग सिंहासन, चार ज्यून्दा प्राणियों अर दाना-सयाणों का संमणी खड़ा छा; उ एक नया गीत गांणा छा, जै तैं भस उ ही सीख सकदा छा। भस उ ही छिनी जौं तैं पिता परमेश्वर ल धरती पर रौंण वला लुखुं का बीच मा छुड़ै छो।

दिब्य दरस 15:5

यांका बाद मिल देखि, कि जौं लुखुं ल गीत गांण बंद कैरेले छो, तब मिल देखि कि स्वर्गीय मन्दिर खुला छो। जु कि मिलाप वला तम्बू का जन छो,

दिब्य दरस 22:4

उ पिता परमेश्वर तैं अपड़ा अमणी-संमणी दिखला, अर पिता परमेश्वर का नौं वेका कपाल पर लिख्युं होलो।

दिब्य दरस 3:12

हर कुई जु मेरा संदेश तैं समझण चांद, वे तैं वीं बात तैं ध्यान से सुनण चयणु च, जन के एक खम्बा घौर तैं मजबूत बणांद, उन ही के उ भि हमेशा कु पिता परमेश्वर का स्वर्गीय मन्दिर मा राला; और मि वे पर मेरा पिता परमेश्वर को नौं लिखुलु अर पिता परमेश्वर का यरूशलेम शहर को नौं लिखुलु। अर यु उ ही शहर च जु स्वर्ग मा च, मतलब की मेरा पिता परमेश्वर का तरपां बट्टी मूड़ी आंण। मि वे पर अपड़ो नयो नौं भि लिखुलु।

दिब्य दरस 4:1

जब यु सब बात हवे गैनी, त मि यूहन्ना ल देखि कि स्वर्ग मा एक द्वार खुल्यूं च; फिर मिल उ ही पैली आवाज दुबरा सूंणि जु कि एक तुरै की आवाज जन छै। वेल मि बट्टी बोलि, मि मा इख मथि औ, अर मि उ बात त्वे तैं दिखौलु, जौं बातों तैं यूं बातों का बाद पूरो हूंण जरूरी च।

दिब्य दरस 6:8

तब मिल एक फीका पुडयूं हरयां रंग को घोड़ा देखि; अर वेका सवार को नौं मौत छो; अर अधोलोक वेका पिछने-पिछने चलणु छो अर ऊंल धरती पर रौंण वला हर एक चार लुखुं मा बट्टी एक तैं मरणों को अधिकार मिल्युं छो, अर ऊंल, लुखुं तैं तलवार से, भूख से अर बुरी-बुरी बिमारियों से अर ऊंल ऊं तैं जंगली जानवरों बट्टी भि मरवै डाली।