दिब्य दरस 13:5 - गढवली नयो नियम

⁵ पिता परमेश्वर ल जानवर तैं अपड़ा अधिकार का बारा मा शेखी बघारने की अनुमति दींनि कि इन कै उ पिता परमेश्वर की बुरै कैरा। पिता परमेश्वर ल वे तैं बयालीस मैना तक यु अधिकार रखणै की अनुमति द्ये।

Garhwali

⁵ अर वेतैं बड़ी-बड़ी बात बुलण को, अर परमेस्वर की बुरै करणु की इजाजत दिये गै, पर या इजाजत परमेस्वर न वेतैं सिरफ सढ़े तीन साल तक की ही दिनी।

दिब्य दरस 13:5 Iomraidhean Croise

2 थिस्सलुनीकी 2:3

किलैकि प्रभु यीशु का वापिस औंण से पैली लोग पिता परमेश्वर कु विरोध करला अर उ दुष्ट अधर्मी आदिम जै तैं पिता परमेश्वर नरक मा नाश करलो, उ जरुर प्रकट करलो।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

2 थिस्सलुनीकी 2:8

तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।

दिब्य दरस 11:7

जब द्वी गवाह पिता परमेश्वर का संदेश कु प्रचार कैरी दयाला, त उ खतरनाक जानवर जु अथाह कुण्ड मा बट्टी निकललो, उ, ऊं द्वीयूँ दगड़ी लड़लो, ऊं तैं हरालो अर ऊं तैं मारि दयालो।

दिब्य दरस 12:14

पर वीं जनन तैं पिता परमेश्वर ल बड़ा गरूड़ का द्वी फांकुड दिए गैनी, कि व वीं जगह उड़ी जौं, जु एकांत जंगल मा वीं कु अर नौंना कु तैयार किये गै छो, अर उख साढ़े तीन साल तक वेकी देखभाल गै कि गुरो वीं तक नि पौंछ साक।

दिब्य दरस 12:6

अर व जनन वे एकांत जंगल का जनै भागि गै, जु जगह पिता परमेश्वर ल वेकु ही तैयार कैरी छै कि उख उ एक हजार द्वी सौ साठ दिन तक पलै जौं।

दिब्य दरस 13:7

वे जानवर तैं यु अधिकार दिये गै, कि पवित्र लुखुं बट्टी लड़ो, अर ऊं तैं हरौ, अर वे तैं सभि लुखुं, कुलों, भाषाओं, अर जातियों पर अधिकार दिये गै।