दिब्य दरस 13:11 - गढवली नयो नियम

¹¹ फिर मिल एक और जानवर तैं धरती मा बट्टी निकलद देखि, येका द्वी सींग छा जन की चिनखा का हूंदींनि। पर जब येल बोलि त यु अजगर का जन बुल्ण लगि गै।

Garhwali

¹¹ फिर मिन एक और दैंत तैं धरती बटि निकळद देखि, अर वेका मेम्‍ना का जन दुई सींग छा, अर वेको बुलण खुंखार रागस की तरौं छौ।

दिब्य दरस 13:11 Iomraidhean Croise

मत्ती 7:15

“झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”

रोमियों 16:18

किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

दिब्य दरस 11:7

जब द्वी गवाह पिता परमेश्वर का संदेश कु प्रचार कैरी दयाला, त उ खतरनाक जानवर जु अथाह कुण्ड मा बट्टी निकललो, उ, ऊं द्वीयूँ दगड़ी लड़लो, ऊं तैं हरालो अर ऊं तैं मारि दयालो।

दिब्य दरस 12:17

यांका बाद, अजगर वीं जनन पर भौत गुस्सा हवे। इलै वेल जनन का वंशजों का विरुद्ध लड़ै की घोषणा कैरी दींनि। मतलब की ऊं लुखुं का विरुद्ध जु पिता परमेश्वर की आज्ञाओं तैं मणदींनि अर यीशु का द्वारा सिखै गै सच्ची शिक्षाओं कु पीछा कन मा मजबूत बणयां रौन्दींनि

दिब्य दरस 13:1

मिल एक जानवर तैं समुद्र मा बट्टी निकलद देखि, येका सात मुंड छा अर दस सींग छा अर वेका हर एक सींग पर राजमुकुट छा, अर वेका हर एक मुंड पर एक नौं लिख्युं छो जु पिता परमेश्वर की एक बुरै (निंदा) छै।

दिब्य दरस 13:17

भस उ ही जौं पर य छाप छै कुछ खरीद या बेचि सकदा छा। उ छाप पैला जानवर का नौं की छै अर संख्या तैं बतांण वली छै।

दिब्य दरस 13:4

अर उ वे जानवर की आराधना कन लगि गैनी, अर बुल्ण लगि गैनी, “कु जानवर का क जन च? अर कु वे दगड़ी लड़ै कैर सकद? अर लुखुं ल वे अजगर की भि पूजा कन शुरू कैरी दींनि, किलैकि वेल यु जानवर तैं अपड़ो अधिकार दियेले छो।”

दिब्य दरस 16:13

यांका बाद मिल तीन दुष्टात्माओं तैं देखि जु दिख्योण मा मिंढ़खा का जन छा। एक अजगर का गिचा बट्टी भैर ऐ, एक पैला जानवर का गिचा बट्टी, अर एक दुसरा जानवर का गिचा बट्टी भैर ऐ, मतलब की जौनु झूठो संदेश द्ये छो।

दिब्य दरस 17:6

अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।

दिब्य दरस 17:8

वे जानवर जै तैं तिल अभि तक नि देखि, एक बगत ज्यूँदो छो, पर अब ज्यूँदो नि च; उ गहरा अथाह कुण्ड बट्टी भैर आंण वलो छो अर पिता परमेश्वर वीं तैं पूरा ढंग से नाश कैरी दयालो। धरती पर रौंण वला जौका नौं पिता परमेश्वर दुनिया की सृष्टि कन से पैली जीवन की किताब (चाम्रपत्र) मा नि लिखै, उ सभि भौंचक हवे जाला जब उ यु जानवर तैं दिखला। एक बगत उ ज्यूँदो छो; पर अब उ ज्यूँदो नि च; पर उ दुबरा वापिस ऐ जालो।