दिब्य दरस 11:6 - गढवली नयो नियम

⁶ पिता परमेश्वर ल ऊं तैं संदेश दींणै की घोषणा का दौरान स्वर्ग बट्टी बरखा तैं रुकणु को अधिकार दियुं च। ऊं तैं सभि पांणी पर अधिकार च, कि वे तैं ल्वे बणा, अर धरती पर सभि किस्म की भयानक आपदाओं तैं चोट पौछांणो कु अधिकार भि मिल्युं च। उ जथग बार भि चाहा उथग बार इन कैर सकदींनि।

Garhwali

⁶ अर ऊंका पास इन अधिकार च कि ऊ आसमान तैं बन्द कैरी सकदिन, ताकि जौं दिनों मा ऊ भविष्यबाणी करला ऊं दिन मा आसमान नि बरखो, अर पाणि तैं ल्वे बणण को अर जब ऊ चा तब धरती पर बड़ी-बड़ी महामारी भेजि सकदिन।

दिब्य दरस 11:6 Iomraidhean Croise

लूका 4:25

अर मि तुम मा सच बुल्णु छौं मेरी बात सूंणा उ सच छिनी की ऊख भौत विधवा छै कि परमेश्वर की तरपां बट्टी बुल्ण वलो एलिय्याह का दिनों मा जब साढ़े तीन बरसों तक स्वर्ग बंद रै अर बरखा नि हवे कि सैरा इस्राएल का लुखुं का घराना मा बड़ो अकाल पड़ि।

दिब्य दरस 11:3

“वे बगत मि अपड़ा द्वी गवाहों तैं यु अधिकार दयुलु कि टाट ओढ़ी के एक हजार द्वी सौ साठ दिन तक भविष्यवाणी करला।”

दिब्य दरस 16:3

दुसरा स्वर्गदूत ल कटोरा की चीजों तैं समुद्र पर उण्डेल दींनि। पर समुद्र एक मुरयां आदिम का ल्वे का जन छो अर इलै, समुद्र मा रौंण वलो सभि कुछ मोरि गै।

दिब्य दरस 16:4

तिसरा स्वर्गदूत ल कटोरा की चीजों तैं गाड अर पांणी का स्रोतों पर उण्डेल दींनि अर उ ल्वे बंणि गै।

दिब्य दरस 8:8

दुसरा स्वर्गदूत ल तुरै फूंकी, त इन कुछ हवे जु एक बड़ा जगदा डांडा का जन दिख्योंदु छो, उ समुन्द्र मा लमडी गै; इलै समुद्र भि एक तिहाई ल्वे हवे गै।