दिब्य दरस 1:18 - गढवली नयो नियम

¹⁸ मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

Garhwali

¹⁸ अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

दिब्य दरस 1:18 Iomraidhean Croise

मत्ती 11:23

हे कफरनहूम शहर का लुखुं क्य तु स्वर्ग तक ऊंचो किये जैलि? तु त नरक तक मूड़ि किये जैलि जु चमत्कार का काम त्वे मा किये गैनी जु सदोम शहर मा किये जांदा त उ शहर आज तक बणयुं रौंदु।

मत्ती 16:19

मि त्वे तैं स्वर्ग राज्य कि चाबी दयुलु : अर जु कुछ तु धरती पर बंधिलि उ स्वर्ग मा बंधे जालो अर जु कुछ तु धरती पर खोलिलि उ स्वर्ग मा खुलै जालो।

लूका 24:5

जब उ डौर गैनी अर धरती कि तरपां मुक झुकै कै खड़ी रैनी त ऊंल ऊंकु बोलि, “तुम ज्यूँदो तैं मुर्दों मा किलै खुज्योंण छा?”

यूहन्ना 11:25

यीशु ल वीं मा बोलि, मि ऊई छों जु मुरयां लुखुं तैं जीवन मा वापिस लांदु छों अर जु कुई मि पर विश्वास करदु जु उ मोरि भि जालो तब भि ज्यून्दो रालो।

यूहन्ना 14:19

जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

रोमियों 6:9

किलैकि हम जंणदा छा कि मसीह मुर्दों मा बट्टी ज्यूँदो हवे अर फिर कभि नि मुरुलो; मौत कु वे पर कुई कब्जा नि च।

2 कुरिन्थि 13:4

उ कमजोरी का कारण सूली पर चढ़ै त गै, फिर भि पिता परमेश्वर की सामर्थ बट्टी ज्यूँदो च, हम भि उन ही कमजोर छा जन मसीह छो; पर तुम अनुभव करला कि हम पिता परमेश्वर की सामर्थ का द्वारा मसीह का दगड़ी जीवित छा।

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

कुलुसी 3:3

किलैकि, तुम अपड़ा पापी स्वभाव कु मोरि ग्यां, अर तुमारो नयो जीवन मसीह का दगड़ी पिता परमेश्वर मा छिप्युं च।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

इब्रानी 7:16

यीशु कै विशेष मनिख मतलब लेवी कु वंशज हूंणु कु या व्यवस्था अर विधियों का कारण याजक नि बंणि, पर उ अपड़ा जीवन का सामर्थ का कारण याजक बंणि गै जु कभी खत्म नि होला।

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

दिब्य दरस 10:6

अर जु हमेशा-हमेशा तक ज्यून्दो रौंदो, जैल आसमान, धरती अर समुद्र अर वेमा रौंण वली सब चीजों तैं बणै, वेका नौं पर सौ खै वेल बोलि के, “अब कै भि बात कु और जादा जग्वाल नि कन पुड़लो। अब उ सभि पूरी हवे जाली।”

दिब्य दरस 2:8

स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो

दिब्य दरस 20:14

उ सभि लोग जौका नौं जीवन की किताब मा नि लिख्यां छा, ऊं तैं आग की झील मा फेंक दिए गै। यांका बाद, अब कुई मौत नि च अर न अधोलोक च, किलैकि उ सभि लोग जौका नौं जीवन की किताब मा नि लिख्यां छिनी ऊं तैं आग की झील मा फेंक दींनि। यु तैं ही दुसरी मौत बुल्दींनि, जु कि आग की झील को दंड च।

दिब्य दरस 3:7

फिलदिलफिया शहर की मण्डलि का दूत तैं लिख; मि ही उ छो जु पवित्र अर सचै छो, जै मा उ चाबी च जु राजा दाऊद की च। जब मि वीं चाबी तैं लींदु छो अर एक द्वार तैं खुलद त कुई भि वे तैं बंद नि कैर सकद, अर जब मि चाबी लींदु अर एक द्वार बंद कैरी दींदु त कुई भि वे तैं खोल नि सकद, जैका खुल्यां तैं कुई बन्द नि कैर सकद अर बन्द करयां तैं कुई खोल नि सकद, उ यु बुल्द,

दिब्य दरस 4:9

जु सिंहासन पर बैठयूं छो, उ उन ही च जु हमेशा-हमेशा कु ज्यून्दो च। जब उ ज्यून्दो प्राणी वे तैं महिमा अर आदर अर धन्यवाद दींद। त उ चौबीस दाना-सयाणा सिंहासन पर बैठयां छिनी, वेका संमणी गिरी जंदींनि अर वेकी आराधना करदींनि। उ यु बोलि के अपड़ा-अपड़ा मुकुट सिंहासन का संमणी डाली दींदिनि,

दिब्य दरस 5:14

अर चरी ज्यून्दा प्राणियों ल आमीन बोलि, अर दाना-सयाणों ल झुकि के वेकी आराधना कैरी।

दिब्य दरस 6:8

तब मिल एक फीका पुडयूं हरयां रंग को घोड़ा देखि; अर वेका सवार को नौं मौत छो; अर अधोलोक वेका पिछने-पिछने चलणु छो अर ऊंल धरती पर रौंण वला हर एक चार लुखुं मा बट्टी एक तैं मरणों को अधिकार मिल्युं छो, अर ऊंल, लुखुं तैं तलवार से, भूख से अर बुरी-बुरी बिमारियों से अर ऊंल ऊं तैं जंगली जानवरों बट्टी भि मरवै डाली।

दिब्य दरस 9:1

जब पाँचु स्वर्गदूत ल तुरै फूंकी, त मिल आसमान बट्टी धरती पर एक गैणो पुड़द देखि, अर गैणा तैं अथाह कुण्ड की चाबी दिए गै।