फिलिप्पी 1:10 - गढवली नयो नियम

¹⁰ इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

Garhwali

¹⁰ ताकि तुम भलै अर बुरै की बातों मा बटि भलै की बातों तैं जादा से जादा स्वीकार कैरी सैका, अर यीशु मसीह का वापस औण का दिन तक एक खरु अर निरदोष मनखि बणि के रै सैका।

फिलिप्पी 1:10 Iomraidhean Croise

मत्ती 16:23

वेल पिछनैं फरकि के पतरस तैं झिड़की के बोलि, “हे शैतान मेरा संमणी बट्टी दूर हवे जा त्वे बट्टी मि तैं ठोकर मिलणी च किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”

मत्ती 26:33

ईं बात पर पतरस ल यीशु कु बोलि, “जु सभि तेरु बानु ठोकर खौनु त खौनु पर मि कभि भि ठोकर नि खौलु।”

यूहन्ना 1:47

यीशु ल नतनएल तैं अपड़ी तरपां औंण देखि कै वेका बारा मा बोलि, देखा यु इस्राएल का लुखुं का घराना कु विश्वासयोग्य वंशज च जु पूरा ढंग से ईमानदार च।

यूहन्ना 3:20

किलैकि जु कुई बुरै करदो उ उज्यला बट्टी बैर रखदु अर उज्यला मा नि औंदु कखी इन नि हो कि ऊंका कामों पर भंगार लगै जौं।

खास चेलों 24:16

इलै मि खुद भि कोशिश कनु छौं, कि परमेश्वर अर लुखुं कि तरपां बट्टी मेरू मन हमेशा निर्दोष रौ।

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

रोमियों 12:9

दूसरों बट्टी प्रेम कनु कु दिखावा नि कैरा; बुरै बट्टी घृणा कैरा; भलै कन मा लगयां रावा।

रोमियों 16:17

अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

रोमियों 2:18

तुम तैं पिता परमेश्वर कि मनसा पता च, अर तुम भलि-भलि चीजों का भागिदार छा, किलैकि तुम तैं यांका बारा मा मूसा की व्यवस्था बट्टी सिखै गै;

रोमियों 7:16

अर जु मि नि चांदु ऊई बुरा काम करदु छों, त मि मांणी लींदु की व्यवस्था भलि च।

रोमियों 7:22

किलैकि मि अपड़ा पूरा मन बट्टी पिता परमेश्वर कि व्यवस्था बट्टी भौत खुश रौंदु।

रोमियों 8:7

किलैकि पापी स्वभाव का अनुसार जीवन जींण पिता परमेश्वर बट्टी बैर रखण च, किलैकि न त पापी स्वभाव पिता परमेश्वर की व्यवस्था का अधीन च, अर न व्यवस्था कु पालन कैर सकद।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

1 कुरिन्थि 10:32

मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।

1 कुरिन्थि 8:13

इलै, जु मेरा मूर्तियों का संमणी चढ़यूं खांणु बट्टी दुसरा विश्वासी भैय का विश्वास बट्टी पिछनै हटणों कु कारण बणद, त मि तैं उ खांणु कभी भि नि खांण चयणु च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

2 कुरिन्थि 6:3

पिता परमेश्वर का सहभागी का रूप मा, हम कै बात मा ठोकर खांणा का कुई मौका नि दींदयां, कि हमारी सेवा पर कई भंगार नि लगौ।

2 कुरिन्थि 8:8

मि आज्ञा की रीति पर त न, पर दुसरों का उत्साह बट्टी तुम्हरा प्रेम की सचै तैं परखणु कु बुल्णु छो।

गलातियों 5:11

हे विश्वासी भयों, मि मसीह कु प्रचार करदु अर यु भि बुल्दो कि खतना कन जरूरी नि च (जन कि मूसा की व्यवस्था माँग करदी) अर यांका ही कारण मि तैं यहूदियों का द्वारा अब तक सतै जांणु च; जु मि सूली पर मसीह की मौत का बार मा प्रचार कना का बजाय यु प्रचार करदु कि लुखुं कु खतना किये जांण जरूरी च, त मि यहूदियों कु अपमान को कारण नि हूंदु।

इफिसुस 4:15

बल्कि प्रेम मा सच बोलि के अर हर बात मा मजबूत अर मसीह का जन हवे जावा, जु अपड़ी देह मतलब मण्डलि कु मुंड च,

इफिसुस 5:10

जनणै कि कोशिश कैरा कि क्य पिता परमेश्वर तैं खुश करद।

इफिसुस 5:27

मसीह ल इन इलै कैरी कि उ हम सभि विश्वासी लुखुं की मण्डलि तैं एक इन महिमामय झुण्ड बंणै साका जु वे बट्टी जुड़यां छिनी, इन लोग जु मा कुई कमी नि हो, बल्कि उ पूरी रीति पवित्र हों जब उ हम तैं अपड़ा संमणी कठ्ठा करदु।

इफिसुस 6:24

पिता परमेश्वर ऊं सभियूं तैं अपड़ी कृपा दिखौ जु हमारा प्रभु यीशु मसीह बट्टी प्रेम रखदींनि, उ प्रेम जु कभि खत्म नि हो।

फिलिप्पी 1:16

उ सभि यु इलै करदींनि किलैकि उ मि बट्टी प्रेम करदींनि, अर उ जंणदा छिनी कि मसीह का बार मा जवाब दींण अर शुभ सन्देश का कारण मि तैं बंधि बणै के जेल मा डलला।

फिलिप्पी 1:6

मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

1 थिस्सलुनीकी 5:21

पर हरेक संदेश की परख कैरा यु जनणु कु कि उ पिता परमेश्वर का तरपां बट्टी च य न, अच्छा संदेश तैं स्वीकार कैरा अर ऊंको पालन कैरा।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

दिब्य दरस 2:2

मि जंणदु छो कि तू क्य करदी, तू कन परिश्रम करदी अर कभी भि हार नि मणदी; अर मि जंणदु छो कि तू बुरा लुखुं की झूठी शिक्षाओं तैं सहन नि करदी। तिल ऊं लुखुं तैं जाँची जु बुल्दींनि कि उ प्रेरित छिनी पर हकीकत मा नि छिनी, अर तिल ऊं तैं झूठो पै।