लूका 4:1 - गढवली नयो नियम

¹ फिर यीशु मसीह का यरदन गाड मा बपतिस्मा लींणा का बाद तब पवित्र आत्मा ल तुरंत वे तैं एकांत जंगल कि तरपां भेजि।

Garhwali

¹ फिर यीशु पवित्र आत्मा बटि भरपूर ह्‍वेके यरदन गाड बटि वापिस ऐ गै, अर पवित्र आत्मा वेतैं चालीस दिनों तक निर्जन जगा कू लि गै।

लूका 4:1 Iomraidhean Croise

मत्ती 3:16

अर जब यीशु बपतिस्मा लै के पांणी बट्टी भैर निकली के मथि ऐ अर वेल स्वर्ग तैं खुल्यूं देखि अर परमेश्वर की आत्मा तैं कबूतर का रूप मा अपड़ा मथि औंण देखि।

लूका 2:27

अर वे दिन पवित्र आत्मा का द्वारा वेकी अगुवाई हवे अर उ परमेश्वर बट्टी यरूशलेम शहर का मन्दिर मा ऐ अर जब यूसुफ अर मरियम वे नौंना यीशु तैं भितर लैंनि कि वेकु मूसा द्वारा लिखीं परमेश्वर की व्यवस्था कि रीति का अनुसार भेंट चढ़ौणु।

लूका 3:3

अर उ यरदन गाड का अमणी-संमणी का सभि देशों मा ऐ के पापों तैं माफ कनु को बपतिस्मा कु प्रचार करदो छो।

लूका 3:38

अर उ एनोश को अर उ शेत को अर उ आदम को अर उ परमेश्वर को नौंनो च।

लूका 4:14

फिर यीशु आत्मा कि सामर्थ मा हवे के गलील मा ऐ अर वेकी चर्चा अमणी-संमणी का सभि मुल्को मा फैली गै।

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

यूहन्ना 1:32

अर यूहन्ना ल या गव्है दींनि कि मिल पवित्र आत्मा तैं कबूतर का रूप स्वर्ग बट्टी उतरद देखि जु वे पर ठैरी गै।

यूहन्ना 3:34

किलैकि जै तैं परमेश्वर ल भेजि उ परमेश्वर कि बात बुल्द किलैकि यु ऊई च जै तैं परमेश्वर ल पवित्र आत्मा पूरा ढंग से दीयूं च।

खास चेलों 1:2

पर यांसे पैली की यीशु स्वर्ग मा पिता परमेश्वर का द्वारा उठै जांदु वेल अपड़ा बारह प्रेरितों तैं पवित्र आत्मा का सामर्थ ल आज्ञा द्ये जौं तैं वेल चुणि छो।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

खास चेलों 8:39

जब उ पांणी बट्टी भैर ऐनी, तब पिता परमेश्वर की आत्मा फिलिप्पुस तैं उठै के ली गै; खजांची ल वे तैं फिर दुबरा नि देखि, पर पिता परमेश्वर ल वे तैं बचै लियेले ईं बात का कारण खुश हवे के उ अपड़ा देश कु वापिस चलि गै।