याकूब 1:10 - गढवली नयो नियम

¹⁰ अर जु धनवान च ऊं तैं भि खुश हूंण चयणु च की पिता परमेश्वर नम्र बणै; किलैकि वेकी अमीरी जंगल की घास का फूलों का जन सूखि जाली।

Garhwali

¹⁰ अर ठिक उन्‍नि कै बिस्वासी सेठ मनखि तैं अगर परमेस्वर न दीन बणै, त उ अपणा हाल पर बड़ु मोन कैरो। किलैकि सेठ मनखि घास का फूल की तरौं नास ह्‍वे जालु।

याकूब 1:10 Iomraidhean Croise

मत्ती 5:3

धन्य छिन उ, जु मन मा परमेश्वर का प्रति अपड़ी जरुरत का एहसास करदींनि, किलैकि स्वर्ग कु राज्य ऊंको ही च।

मत्ती 6:30

इलै जब परमेश्वर जंगली घास तैं इन बड़ौदूं कि ज्वा आज च अर भोल आग मा झोंके जालि सुन्दर कपड़ा पैरान्दो, त हे अल्पविश्वासियों, जरुर तुम्हरी भि देखभाल करलो।

1 कुरिन्थि 7:31

अर ईं दुनिया मा जु कुछ भि हम म च, हम तैं वे तैं जादा कीमती नि समझण चयणु च, किलैकि उ सब ईं दुनिया मा जादा लम्बा बगत नि चललो।

फिलिप्पी 3:8

पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।

1 तीमुथियुस 6:17

ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।

याकूब 4:14

पर तुम यु नि जणद्यां भोल कि होलो। सूंणि त ल्या, तुमारो जीवन छै ही क्य च? तुम त मांणा कुयडा का जन छा, जु जरा देर दिखै दींद, अर फिर हर्ची जांदी।

1 पतरस 1:24

पिता परमेश्वर को वचन यु बुल्दो, “सभि लोग घास का जन छिनी अर वेकी सैरी सुंदरता जंगली फूलों का जन च। घास सूखि जालो अर फूल धरती पर झड़ी जाला।”

1 यूहन्ना 2:17

दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।