इब्रानी 1:3 - गढवली नयो नियम

³ नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

Garhwali

³ अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

इब्रानी 1:3 Iomraidhean Croise

मत्ती 22:24

“हे गुरु मूसा ल बोलि छो कि कुई मनिख जु बगैर सन्तान का मोरि जौं त वेको भैय वेकी घरवलि दगड़ी ब्यो कैरी कै अपड़ा भैय कु वंश पैदा कैर।”

मरकुस 16:19

जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 1:29

दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।

यूहन्ना 1:4

उ हमारा शारीरिक अर आत्मिक जीवन कु स्रोत च अर उ ही च जु सब लुखुं तैं प्रकाश दींद।

खास चेलों 2:33

यु ही यीशु तैं परमेश्वर ल अपड़ी दैणी तरपां सबसे ऊंची जगह बैठै अर पिता ल जन वे बट्टी करार कैरी छै वे तैं पवित्र आत्मा दे अर वेल उ ही पवित्र आत्मा हम तैं दींनि जन कि आज तुम जु दिखणा अर सुचणा छा।

खास चेलों 7:56

अर वेल बोलि, “देखा मि स्वर्ग तैं खुल्यूं अर मि मनिख कु नौंनो तैं पिता परमेश्वर कि दैंणी तरपां खड़ो हुयुं दिखणु छौं।”

रोमियों 1:16

किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

कुलुसी 3:1

इलै जब तुम मसीह का दगड़ी ज्यून्दा किये ग्यां त स्वर्ग की चिज्युं कि खोज मा रावा, जख मसीह आज पिता परमेश्वर का दगड़ा मा सबसे सम्मानित जगह पर बैठयूं च।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 1:13

अर पिता परमेश्वर ल अपड़ा कै स्वर्गदूत बट्टी बोलि, “तू मेरा दैंणा हथ जु सम्मान की जगह च पर विराजमान हो, जब तक कि मि तेरु दुश्मनों तैं पूरा ढंग से तेरु अधीन नि कैरी द्यो”

इब्रानी 10:12

पर मसीह ल पापों की माफी कु अपड़ा आप तैं हमेशा कु भस एक बलिदान का रूप मा चढ़ै; तब उ पिता परमेश्वर का दैंणा तरपां सिंहासन पर सबसे बड़ी सम्मान की जगह पर हमेशा कु बैठी गै।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

इब्रानी 4:14

इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।

इब्रानी 7:27

अर उ महायाजक जु हारुन का वंशज छा, ऊं जन यीशु तैं जरूरत नि च कि रोज पैली अपड़ा पापों अर फिर लुखुं का पापों का बलिदान चढ़ौण; किलैकि यीशु ल एक ही बार मा सभि लुखुं का पापों कु अपड़ा आप तैं बलि चढ़ै दींनि।

इब्रानी 8:1

अब जु बात हम बुल्णा छा, वेमा सबसे बड़ी बात या च, कि हम मा निश्चय ही इन एक महायाजक च, जु स्वर्ग पर महामहिमन पिता परमेश्वर का सिंहासन का दैंणा बैठयूं च।

इब्रानी 9:16

हम जंणदा छा कि जु कुई आदिम अपड़ी मौत से पैली अपड़ी दौलत कु बंटवरा की वसीहत लिखद, त यु जरूरी च कि पैली वेकी मौत हो कि वेका आज्ञाओं तैं पूरो किये जै साको।

1 पतरस 1:21

जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

2 पतरस 1:16

जब हम प्रेरितों ल तुम तैं हमारा प्रभु यीशु मसीह की सामर्थ अर वापिस आंणा का बारा मा प्रचार कैरी, त हम तुम तैं चालाकी ल कुछ बंणि बणै मिसाल नि बतांणा छा। बल्कि, हम ल मसीह का प्रताप तैं खुद भि देखि।

2 पतरस 1:17

हम वे पवित्र पोड पर वेका दगड़ा मा छा जब वे तैं पिता परमेश्वर का द्वारा सम्मान अर महिमा दिये गै छै। तुम ल वे बगत परम पिता परमेश्वर की तरपां बट्टी य आवाज सूंणि, “यु मेरू प्रिय नौंनो च, जै बट्टी मि खुश छो। हम ल अफ भि स्वर्ग बट्टी आंण वली ईं आवाज तैं सूंणि”

1 यूहन्ना 1:7

ऊई कैरा जु ठिक च जन पिता परमेश्वर सिद्ध रूप बट्टी ठिक च, उन ही हम भि उज्यला मा जियां, त एक-दुसरा बट्टी दगड़ी रखदा अर वेका नौंना यीशु मसीह को ल्वे हम तैं सभि पापों बट्टी शुद्ध करदो।

1 यूहन्ना 3:5

अर तुम जंणदा छा, की यीशु मसीह इलै ऐ, कि हमारा पापों की सजा तैं हटै द्यों, अर वेमा कुई पाप नि च।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

दिब्य दरस 4:11

हे हमारा प्रभु परमेश्वर, तिल सभि चीजों की रचना कैरी, तेरी ही इच्छा का अनुसार, उ बणये गैनी अर उ मौजूद छिनी, इलै ही तू महिमा अर आदर अर सामर्थ पांणा का योग्य छै।