गलातियों 4:3 - गढवली नयो नियम

³ उन ही हम भि, बच्चों का जन छा, त हम ऊं रीति-रिवाजों अर नियमों का गुलाम छा जु यु दुनिया मा छा।

Garhwali

³ अर ठिक उन्‍नि यीशु मसीह का औण से पैलि हम भि बच्‍चों का जन ही छा, अर ईं दुनियां का नियम-कानूनों का गुलामी मा अपणु जीवन जीणा छा।

गलातियों 4:3 Iomraidhean Croise

मत्ती 11:28

हे सब मेनत कन वलो अर बोझ से दबयां लुखुं मि मा आवा, मि तुम तैं विश्राम दयुलु।

यूहन्ना 8:31

तब यीशु ल ऊं यहूदियों बट्टी जौंन ऊं पर विश्वास कैरी छो बोलि, जु तुम मेरा वचन मा बणयां रैल्या त सच्ची मा मेरा चेला ठैरिल्या।

खास चेलों 15:10

त फिर, अब तुम किलै परमेश्वर तैं गुस्सा दिलांण छा अर अन्यजाति विश्वासी चेला लुखुं तैं मूसा की व्यवस्था को पालन कनु को भार डलणा छा। जैको पालन हम अर हमारा पूर्वज भि नि कैर सकिनि।

रोमियों 7:14

किलैकि हम जंणदा छा कि व्यवस्था त आत्मिक च, पर मि सांसारिक मनिख छौं अर पाप कु गुलाम छो।

रोमियों 8:15

किलैकि तुम तैं गुलामी की आत्मा नि मिली, गुलाम जु पिता परमेश्वर बट्टी डरदा छिनी, पर जब पिता परमेश्वर ल तुम तैं अपड़ी सन्तान का रूप मा स्वीकार कैरी त तुम तैं परमेश्वर कि आत्मा मिली, ज्यां बट्टी हम हे बुबा, हे पिता बोलि के बुलौंदियां।

2 कुरिन्थि 11:20

किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।

गलातियों 2:4

तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।

गलातियों 3:19

त फिर पिता परमेश्वर ल कै उद्देश्य बट्टी इस्राएल का लुखुं तैं मूसा की व्यवस्था द्ये? पिता परमेश्वर ल मूसा की व्यवस्था इलै द्ये, कि लोग जांण साका की पाप क्य च? मूसा की व्यवस्था अब्राहम का वे वंश तक बणयूं रौंण छो, जैका बारा मा पिता परमेश्वर ल करार कैरी छै। परमेश्वर ल व्यवस्था मूसा तैं स्वर्गदूतों का द्वारा द्ये, जु पिता परमेश्वर अर लुखुं का बीच जुड़ण वलो छों।

गलातियों 4:2

जब तक पिता परमेश्वर का द्वारा तय करयूँ बगत नि आंद, तब तक उ नौंनो अपड़ा रक्षकों अर अधिकारियों का अधीन रौंद।

गलातियों 4:24

या मिसाल कुछ और सिखांद; यु द्वी जनन (सारा अर हाजिरा) पिता परमेश्वर अर वेका लुखुं का बीच द्वी नियमों का जन छिनी। जु पिता परमेश्वर ल सीनै डांडा पर कैरी, अर जु लोग ईं करार का अधीन छिनी, उ नौकरों का जन छिनी। उ अरब मा सीनै डांडा का जन छिनी अर उ धरती पर यहूदी कु यरूशलेम शहर की एक तस्वीर च। यु शहर अर येका लोग, मतलब यहूदी, व्यवस्था दास छिनी।

गलातियों 4:25

आज भि यरूशलेम शहर का लोग पिता परमेश्वर का दगड़ी सै ठैरयां जांण कु यहूदी व्यवस्था कु पालन कना का कारण दास छिनी। उ हाजिरा का जन दास छिनी जु अरब देश का सीनै डांडा पर बंधि करार तैं बतौंदींनि।

गलातियों 4:31

इलै हे मेरा विश्वासी भयों, हम दासी जनन का बच्चा नि छा, जौं तैं मूसा की व्यवस्था तैं मनणु जरूरी च। पर हम वीं जनन का बच्चा छा, जु बुबा की जनन च अर अपड़ा विश्वास का कारण पिता परमेश्वर तैं ग्रहणयोग्य च।

गलातियों 4:8

जब तुम पिता परमेश्वर तैं नि जंणदा छा, तुम वे बगत ऊं देबतों का दास छा, जु असली मा परमेश्वर छैं ही नि छिनी।

गलातियों 4:9

पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

कुलुसी 2:8

सचेत रावा की कुई तुम तैं दुनिया का ज्ञान अर बेकार की बातों बट्टी धोखा का द्वारा फंसै नि द्यो, जु बात मनिख्युं कि रीतियों अर दुनिया की शिक्षा का अनुसार त च पर मसीह का अनुसार नि च।

इब्रानी 5:12

तुम इथग लम्बा बगत बट्टी विश्वासी छा कि अब तुम तैं दूसरों तैं सिखांण चयणु च; यांका बजाय, तुम तैं कैकी जरूरत च जु तुम तैं पिता परमेश्वर का वचन की बुनियादी बात दुबरा बट्टी सिखौ; तुम ऊं बच्चों का जन छा जौं तैं दूध की जरूरत च अर उ कठोर खांणु नि खै सकदींनि।

इब्रानी 7:16

यीशु कै विशेष मनिख मतलब लेवी कु वंशज हूंणु कु या व्यवस्था अर विधियों का कारण याजक नि बंणि, पर उ अपड़ा जीवन का सामर्थ का कारण याजक बंणि गै जु कभी खत्म नि होला।