इफिसुस 4:13 - गढवली नयो नियम

¹³ यु तब तक जारी रालो जब तक कि हम अपड़ा विश्वास अर परमेश्वर का नौंना का बारा मा अपड़ी समझ मा एकजुट नि हवे जांदा। तब हम पक्का हवे जौला, जन मसीह च, अर हम पूरी रीति ल वेका समान हवे जौला।

Garhwali

¹³ अर जबरि तक हम सभ्या का सभि बिस्वास अर परमेस्वर का पुत्र यीशु की पछ्याण मा एक नि ह्‍वे जा, अर पूरि तरौं से एक सिद्ध मनखि नि बणि जां, तबरि तक अगनै बढदी जा ताकि हम यीशु की पूरि कद-काठी का जन ह्‍वे सैका।

इफिसुस 4:13 Iomraidhean Croise

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

यूहन्ना 1:16

दया पर दया बट्टी वेकी परिपूर्णता का दगड़ी हम सभियूं ल प्राप्त कैरी मतलब आशीष पर आशीष।

यूहन्ना 16:3

इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।

यूहन्ना 17:21

कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 6:69

अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।

खास चेलों 4:32

विश्वास कन वलो कि मण्डलि एक मनसा कि छै इख तक कि कुई भि अपड़ी धन सम्पति कु अपड़ी नि बुल्दो छो पर सब सम्पत्ति साझा की छै।

1 कुरिन्थि 1:10

हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

1 कुरिन्थि 14:20

हे विश्वासी भयों, यूं बातों तैं समझण मा छुटा बच्चों का जन नि बणा; जब बुरै कि बात औंद त एक बच्चा का जन निर्दोष रावा, पर समझण मा सयांणा बणा।

1 कुरिन्थि 2:6

फिर भि मि ऊं लुखुं का बीच ज्ञान का संदेश कु प्रचार करदु जु आत्मिक रूप मा मजबूत च; पर यु सांसारिक ज्ञान अर राज्यपालों का ज्ञान जन नि; ज्यांको नाश हूंण वलो च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

गलातियों 4:19

हे मेरा प्रियों, जन एक जनन प्रसव का बगत दर्द महसूस करदी, उन ही के मि एक बार फिर तुम कु पिड़ा सौणु छो। मि ईं पिड़ा मा तब तक रौलु जब तक तुम मसीह मा मजबूत नि हवे जणदां।

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

इफिसुस 1:23

हम विश्वासी मसीह का देह का अंगों का जन छा, मण्डलि मसीह का द्वारा भुरीं च, जु सभि जगह हरेक चीज तैं अपड़ी उपस्थिति बट्टी भोरि दींद।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

इफिसुस 4:12

वेल लुखुं तैं यु योग्यता इलै दींनि, कि उ पिता परमेश्वर का लुखुं तैं वे कु काम कनु कु तैयार कैरी अर मसीह का देह की रूप मा मजबूत अर पक्का हूंदा जावा।

इफिसुस 4:3

यु काम मा अपड़ा सभियूं कु अच्छो कनै की कोशिश कैरा, कि तुम हमेशा मेल मिलाप मा बंणयां रावा, किलैकि तुम परमेश्वर कि आत्मा का द्वारा एक किये ग्यां छा।

इफिसुस 4:5

भस एक ही प्रभु च, मतलब यीशु मसीह, हम सब भस प्रभु यीशु मसीह पर विश्वास करद्यां, अर हम तैं भस मसीह का नौं पर ही बपतिस्मा दिये गै,

फिलिप्पी 3:10

मि यु चांद कि मसीह तैं जांणि जौ। अर वेका मुर्दों मा बट्टी ज्यून्दो हूंण की सामर्थ कु अनुभव कैरी के अर वेका दुखों मा शामिल हवे के वेकी मौत मा वे जन बंणि जौं।

फिलिप्पी 3:8

पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।

कुलुसी 1:28

हम मसीह कु प्रचार कैरी कै हरेक मनिख तैं चितै दींद अर सैरा ज्ञान से हम हरेक मनिख तैं सिखौंदां, कि हम यु जांणि साका कि हर कुई मसीह मा एक पक्को विश्वासी हो जब उ पिता परमेश्वर का संमणी खड़ा हों।

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

इब्रानी 5:14

ठोस खांणु त ऊं लुखुं कु च जु जवान अर मजबूत छिनी, जु अनुभव का द्वारा सै अर गलत की पछयांण कैरी सकदींनि।

2 पतरस 1:4

वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।