इफिसुस 1:7 - गढवली नयो नियम

⁷ मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

Garhwali

⁷ अर यीशु मसीह न क्रूस पर अपणु बलिदान देके जु ल्वे बुगै वेका द्‍वारा ही हमतै छुटकारु, अर हमतै हमरा पापों से माफी मिलदी। अर यू सब हमतै पिता परमेस्वर की किरपा अर वेकी बड़ी दया का द्‍वारा मिली,

इफिसुस 1:7 Iomraidhean Croise

मत्ती 20:28

जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।

मत्ती 26:28

किलैकि या प्राण कु मेरू ल्वे च जु भौतों का पापों का माफी की नई प्रतिज्ञा कु बुगाये जांदी।

मत्ती 6:12

और जनकै हम ल अपड़ा अपराधियों तैं माफ कैरी उन ही कै तू भि हमारा पापों तैं माफ कैर।

मरकुस 14:24

अर यीशु ल चेलों कु बोलि, “यु अंगूरों कु रस मेरू ल्वे च जु भौत सी लुखुं कु बलिदान का रूप मा बुगै जांद यु नई प्रतिज्ञा कु एक चिन्ह च जु परमेश्वर अपड़ा लुखुं कु कनु च।”

लूका 1:77

उ अपड़ा लुखुं का पापों तैं माफ कन का द्वारा वेका लुखुं तैं उद्धार कु ज्ञान दे ऊं तैं उद्धार का बारा मा ज्ञान दयालो।

लूका 24:47

अर यरूशलेम शहर बट्टी लै कि “तुम सैरा जातियों मा पापों की माफी कु पश्याताप कनु कु सुसमाचार प्रचार, वेका नौं बट्टी किये जालो।”

यूहन्ना 20:23

जौं का पाप तुम माफ करिल्या उ ऊंकु माफ करयां छिन जौं का तुम रखिल्या उ रखे गैनी।

खास चेलों 10:43

वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”

खास चेलों 2:38

पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

रोमियों 2:4

क्य तु परमेश्वर कि भलै, अर सहनशीलता, धीरजरूपी धन तैं तुच्छ समझणी छै? अर क्य तू इन नि समझणी छै कि पिता परमेश्वर कि भलै त्वे तैं पाप बट्टी मन फिराण तैं सिखांदी?

रोमियों 3:24

पर पिता परमेश्वर की दया बट्टी वेल हम तैं यीशु मसीह का द्वारा हम तैं पापों का दंड बट्टी छुड़ै, अर हमारा कुछ करयां बगैर ही पिता परमेश्वर घोषित करद कि हम धर्मी छा।

रोमियों 3:25

वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो।

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

2 कुरिन्थि 8:9

तुम हमारा प्रभु यीशु मसीह की दया तैं जंणदा छा, कि उ धनी हवे के भि तुम कु कंगाल बंणि गै कि मसीह का कंगाल हूंण ल तुम सभि धनी हवे जावा।

इफिसुस 1:14

पवित्र आत्मा भि एक बयना का जन च जु ईं बात तैं निश्चित करदो कि पिता परमेश्वर ल हम तैं व छुटकारा की विरासत दयालो जै की वेल दींणै की सौं खैई च, वेकी महिमा अर स्तुति हो।

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

इफिसुस 1:6

कि ऊं की निराली दया कि बड़ै हो, जु वेल हम तैं मुफ्त मा दे द्या किलैकि हम वेका प्यारा नौंना का दगड़ी जुड़यां छा।

इफिसुस 1:8

जन परमेश्वर ल सैरा बुद्धिमानी अर विवेक मा हम पर बहुतायत बट्टी कैरी।

इफिसुस 2:4

पर पिता परमेश्वर भौत दयालु च; अर अपड़ा वे बड़ा प्रेम का कारण ज्यां ल वेल हम बट्टी प्रेम कैरी,

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

इफिसुस 3:16

मि प्रार्थना करदु छों, कि उ अपड़ा महिमा का धन मा बट्टी तुम तैं जु दान दैं, कि वेकी आत्मा तुम तैं शान्ति द्याली कि अपड़ी आत्मा मा तुम सामर्थ पै के मजबूत हवे जावा,

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

फिलिप्पी 4:19

अर मेरू पिता परमेश्वर भि अपड़ा वे धन का अनुसार जु महिमा का दगड़ी मसीह यीशु मा च तुमारी हर एक जरूरत तैं पूरी करलो।

कुलुसी 1:14

पिता परमेश्वर ल हम तैं अपड़ा नौंना यीशु मसीह का बलिदान का ल्वे का द्वारा शैतान की शक्तियों बट्टी छुड़ै अर हमारा पापों तैं माफ कैरी।

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

कुलुसी 2:13

अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।

कुलुसी 2:2

मि इन इलै करदु कि मि ऊं तैं तुम्हरा विश्वास मा मजबूत कन चांणु छों, अर एक दुसरा का प्रति तुम्हरो प्रेम तुम तैं कठ्ठा करलो, मि चांदु छों कि ऊं तैं पूरी हिम्मत हो किलैकि ऊं तैं पिता परमेश्वर की गुप्त योजना की पूरी समझ च, जु खुद मसीह ही च।

1 तीमुथियुस 2:6

मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

तीतुस 3:6

हमारा उद्धारकर्ता यीशु मसीह ल जु कैरी वेका द्वारा पिता परमेश्वर ल यु पवित्र आत्मा तैं हमारा भितर रौंणु कु दियेले अर बहुतायत ल भेजि, कि उ हम बट्टी सामर्थ का काम करवै साक।

इब्रानी 9:22

अर मूसा की व्यवस्था का अनुसार, लगभग हर चीज तैं विधि का अनुसार ल्वे बट्टी साफ किये जांण चयणु च; ल्वे बुगयां बगैर, पिता परमेश्वर लुखुं तैं ऊंका पापों बट्टी माफ नि कैरी सकद।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 यूहन्ना 2:12

हे नौंनो, मि तुम कु इलै लिखणु छौं, कि यीशु मसीह का नौं बट्टी तुमारा पाप माफ हवेनि।

1 यूहन्ना 2:2

अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।