2 तीमुथियुस 2:4 - गढवली नयो नियम

⁴ जब कुई सिपै लड़ै पर जांदु त फिर उ अफ तैं दुनिया का कामों का जंजाल मा नि फसौंदु इलै कि उ अपड़ा भरति कन वला अधिकारी तैं खुश कैरी साको।

Garhwali

⁴ अर जु मनखि परमेस्वर का सिपै को काम करदु, उ दुनियां का कामों मा नि फसदु, किलैकि उ हमेसा अपणा चुनण वळा अधिकारी तैं खुश रखण चान्दु जु कि वेतैं अगनै लि जान्दु।

2 तीमुथियुस 2:4 Iomraidhean Croise

लूका 8:14

जु झिबलांण मा गिरी उ यु छिनी जौं ल वचन तैं सुणदा त छिन पर बडद-बडद चिंता अर धन दौलत का सुख का फैर मा फंसि जंदींनि अर वे तैं कुछ फैदा नि हुंदा।

2 कुरिन्थि 5:9

इलै हमारी मन की मनसा य च, कि हम वे दगड़ी स्वर्ग मा रां, जब हम इख धरती पर रां तभि भि हम पिता परमेश्वर तैं खुश करदी रां।

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

1 थिस्सलुनीकी 2:4

पिता परमेश्वर ल हम तैं योग्य समझी के शुभ सन्देश द्ये। इलै हम मनिख्युं कु न, बल्कि हमारा दिल तैं परखणवला पिता परमेश्वर तैं खुश कनु कु उपदेश दींदयां।

2 तीमुथियुस 4:10

किलैकि देमास दुनिया कि मोह माया मा फंसिके मि तैं छोड़ी के थिस्सलुनीके शहर कु चलि गै। क्रेंसकेस भैय त गलातिया प्रदेश कु अर तीतुस भैय दलमतिया प्रदेश कु चलि गै।

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।