2 तीमुथियुस 2:12 - गढवली नयो नियम

¹² जु हम सब्र रखि के दुःख सौंदयां त वे दगड़ी राज्य भि करला; अर जु हम वेको इन्कार करला त उ भि हम बट्टी इन्कार करलो।

Garhwali

¹² अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

2 तीमुथियुस 2:12 Iomraidhean Croise

मत्ती 10:33

जु उ दूसरों का संमणी यु बुल्ण से डरदु च की उ मेरा चेला छिन, त मि अपड़ा बुबा जु स्वर्ग मा च बोलि दयुलु की यु मेरा चेला नि छिन।

मत्ती 26:35

पर पतरस ल अर भि जोर दे के बोलि, जु तेरा दगड़ा मि तैं मुरण भि पुड़लो तब भि मि त्वे तैं पछ्यण बट्टी इन्कार नि करुलु इन ही और सभि चेलों भि बोलि।

मत्ती 26:75

तब पतरस तैं व बात ज्वा यीशु ल वेमा बोलि छै याद ऐ गै, “कि मैर का बसण से पैली तीन बार मेरा बारा मा तिल मुकरी जांण।” अर तब उ भैर जै के भकोर-भकोर के रूंण लगि गै।

मरकुस 10:33

ध्यान से सूंणा हम यरूशलेम शहर का जनै जांणा छा अर मि मनिख कु नौंनो प्रधान याजक अर मूसा की व्यवस्था तैं सिखांण वलो का हथ पकड़वये जौलु अर उ मि तैं मौत का लैख ठैराला अर अन्यजातियों का हथ मा सौंपी द्याला।

मरकुस 8:38

जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

लूका 12:9

पर जु कुई लुखुं का संमणी मेरू इन्कार करलो त मि मनिख कु नौंनो वे तैं परमेश्वर का स्वर्गदूतों का संमणी स्वीकार नि करलो।

लूका 22:29

अर जन मेरा बुबा ल मि कु एक राज्य ठैरयूं च, उन ही मि भि तुम कु एक राज्य ठैरांणु छौं।

लूका 22:30

कि तुम मेरा राज्य मा मेरी मेज पर खयां पियां सिंहासनों मा बैठी के इस्राएल का लुखुं का बारह गोत्र कु न्याय करिल्या।

लूका 9:26

जु कुई मि अर मेरी बातों सै शर्मालो, मि मनिख कु नौंनो भि जब अपड़ी अर पिता कि अर पवित्र स्वर्गदूतों कि महिमा सहित आलो त तब मि भि ऊंको इन्कार कैरी दयुलु।

खास चेलों 14:22

अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

रोमियों 5:17

किलैकि जब एक मनिख का पाप का कारण सभि लुखुं कु मृत्यु ऐ, त जु लोग दया अर धर्मी हूंण कु वरदान बिज्यां पौदींनि, उ एक मनिख का यानि यीशु मसीह का द्वारा पाप अर मृत्यु पर जीत पाला।

रोमियों 8:17

अर जु सन्तान छा, त वारिस भि छा, बल्कि परमेश्वर का वारिस अर मसीह का संगी वारिस छा। जु हम यीशु का जन दुःख सौला, त हम वेकी बड़ै मा भि हकदार हूला।

फिलिप्पी 1:28

अर कैं भि बात मा विरोधियों से नि डरदां। तुम्हरो सासो ऊं कु विंणास को साफ चिन्ह च, पर तुम कु उद्धार को चिन्ह च, अर यु पिता परमेश्वर कि तरपां बट्टी च।

1 तीमुथियुस 5:8

पर जु कुई अपड़ा कुटुम्ब की, जरूरत पूरी नि कैरो, त उ अपड़ा विश्वास बट्टी भटकि गै, अर अविश्वासी बट्टी भि बुरो बण गै।

यहूदा 1:4

मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।

दिब्य दरस 1:9

मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।

दिब्य दरस 2:13

मि जंणदु छो कि तेरु शहर शैतान का वश मा च, पर यांका बावजूद तिल मि पर अपड़ा विश्वास तैं कसी के पकड़ी के रखि अर तिल मेरी शिक्षाओं तैं नि छोड़ी, इख तक कि तब भि न जब भौत बगत पैली अन्तिपास की हत्या किये गै छै। उ मेरा वचनों का प्रचार कन मा विश्वासयोग्य छो, इलै वे तैं तेरा शहर मा मरै गै जु शैतान का वश मा च।

दिब्य दरस 20:4

वेका बाद मिल कुछ सिंहासन दिखिनि अर जु लोग ऊं सिंहासनों पर बैठयां छा ऊं तैं राज्य कनु को अधिकार दिये गै छो। मिल ऊं लुखुं की आत्माओं तैं भि देखि, जूंका मुंड तैं काटेले छो किलैकि ऊंल यु अंगीकार कैरी छो कि यीशु ऊंको प्रभु छो, अर उ परमेश्वर का वचन पर विश्वास करदा छा। ऊं लुखुं ल जानवर या वेकी मूर्ति की आराधना नि कैरी छै, ऊंल अपड़ा माथा या हथों पर जानवर की छाप भि नि लगै छै। यु लोग दुबरा ज्यून्दा हवे गैनी अर एक हजार सालों तक मसीह का दगड़ी मिली के राज्य कैरी।

दिब्य दरस 3:10

तिल मेरा संदेश कु पालन कैरी कि जब तू दुःख उठौ त वे तैं धैर्य दे के सै साकी। इलै, मि त्वे तैं वीं बड़ी अजमैश का बगत मा सुरक्षित रखलु जु ईं दुनिया का सभि लुखुं पर आली।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

दिब्य दरस 3:8

सूंण, मि जंणदु छो कि तू क्य करदी। त्वे मा भस थोड़ी ही सामर्थ च, पर फिर भि तिल ईं बात बट्टी मना नि कैरी कि तू मि पर विश्वास करदी। इलै इन कुछ च जै की तुलना एक प्रवेश द्वार बट्टी किये गै जै तैं मिल त्वे कु खोलिलि, जै तैं कुई भि बंद नि कैर सकद।

दिब्य दरस 5:10

“अर ऊं तैं हमारा पिता परमेश्वर कु तिल ऊं तैं राजा बणै, तिल ऊं तैं याजक बणै जु हमारा प्रभु परमेश्वर की आराधना कु काम करदींनि, अर उ धरती पर राजाओं का जन राज्य करदींनि।”