2 थिस्सलुनीकी 1:7 - गढवली नयो नियम

⁷ अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

Garhwali

⁷ अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

2 थिस्सलुनीकी 1:7 Iomraidhean Croise

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 16:28

मि तुम मा सच बुल्णु छौं कि, “जु इख म खड़ा छिन ऊंमा बट्टी कुई-कुई इन छिन कि जब तक मि मनिख कु नौंनो परमेश्वर का राज्य का सामर्थ का दगड़ा आंण नि दिखला तब तक ऊंल मुरण भि नि च।”

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

मरकुस 14:62

यीशु ल बोलि, “हां मि छौं” अर तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।

मरकुस 8:38

जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

लूका 16:25

पर अब्राहम ल बोलि “हे बेटा याद कैर तिल अपड़ा जीवन मा भलि चीज लींनि अर लाजर तैं सभि बुरी चीज मिली पर उ अब इख शान्ति पांणु च अर तु पिड़ा मा छै।”

लूका 17:30

अर वे दिन भि यु जन होलो जब मि मनिख कु नौंनो को अचानक से दुबारा वापिस आलो।

यूहन्ना 1:3

परमेश्वर ल सब कुछ वे बट्टी ही पैदा कैरी और जु सृजे गै छो वामा बट्टी कुई भि चीज वेका बगैर पैदा नि हवे।

यूहन्ना 1:51

फिर वे बट्टी बोलि, मि तुम मा सच-सच बुल्णु छौं कि तुम स्वर्ग तैं खुल्यूं अर परमेश्वर का स्वर्गदूतों तैं मथि जांदा अर मि मनिख कु नौंनो का मथि उतरद दिखली।”

खास चेलों 1:11

अर ऊंमा बोलि “हे गलील जिला का मनिख्युं तुम किलै खड़ो हवे के आकाश जनै दिखणा छा? यु उ ही यीशु च जै तैं पिता परमेश्वर ल तुम मा बट्टी स्वर्ग मा ली येलि ठिक इन ही के दुबारा आलो, जन के तुम ल वे तैं स्वर्ग मा जांण देखि।”

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

रोमियों 8:17

अर जु सन्तान छा, त वारिस भि छा, बल्कि परमेश्वर का वारिस अर मसीह का संगी वारिस छा। जु हम यीशु का जन दुःख सौला, त हम वेकी बड़ै मा भि हकदार हूला।

1 कुरिन्थि 3:13

पर जब पिता परमेश्वर सभियूं कु न्याय करलो, त आग हर एक आदिम का कामों तैं प्रगट कैरी द्याली; अर व आग हर एक का कामों तैं परखैलि कि कन छिनी।

2 कुरिन्थि 4:17

किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।

इफिसुस 1:2

मि प्रार्थना करदु छों, कि हमारा पिता परमेश्वर अर प्रभु यीशु मसीह तुम पर कृपा कैरो अर शान्ति पांण मा हमारी मदद कैर।

कुलुसी 1:16

किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

2 तीमुथियुस 2:12

जु हम सब्र रखि के दुःख सौंदयां त वे दगड़ी राज्य भि करला; अर जु हम वेको इन्कार करला त उ भि हम बट्टी इन्कार करलो।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

इब्रानी 10:27

पर ऊं तैं भस भय का दगड़ी पिता परमेश्वर कु न्याय को अर तेज प्रचण्ड आग की ही उम्मीद कन चयणी च जु ऊं लुखुं कु नाश कैरी द्याली जु पिता परमेश्वर को विरोध करदींनि।

इब्रानी 12:29

किलैकि जन आग नष्ट कैरी दींदी, उन ही हमारो पिता परमेश्वर अपड़ा दुश्मनों तैं नाश कैरी दयालो।

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।

इब्रानी 4:11

इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।

इब्रानी 4:9

इलै पिता परमेश्वर का लुखुं कु यु सब भि हवे सकद कि उ उन के ही विश्राम कैर साका जन पिता परमेश्वर ल दुनिया की रचना शुरू कना का बाद सातवां दिन विश्राम कैरी छो।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

2 पतरस 3:7

जन के पिता परमेश्वर ल आसमान अर धरती की सृष्टि की आज्ञा द्ये छै, उन ही वेल आज्ञा दींनि कि ए बगत को ब्रह्मांड तब तक बणयूं रालो जब तक उ ऊं तैं आग बट्टी नि फूंकी द्यो। उ ऊं तैं वे दिन तक रखणु च जब तक की उ सभि लुखुं को न्याय करलो अर ऊं लुखुं तैं नाश कैरी दयालो जु वेकी आज्ञाओं तैं नि मणदींनि।

यहूदा 1:7

इलै इस्राएलियों अर स्वर्गदूतों का जन, ऊं लुखुं तैं भि याद रखा जु सदोम अर अमोरा शहर अर ऊंका अमणी-संमणी का कस्बों मा रांदा छा कि ऊं दगड़ी क्य हवे छो। उ लोग व्यभिचारी हवे गैनी अर हर किस्म का यौन भ्रष्टता बट्टी भुरे गैनी। इलै पिता परमेश्वर ल ऊं तैं आग बट्टी नाश कैरी दींनि। ऊं दगड़ी जु हवे उ झूठा शिक्षकों कु एक चेतावनी बंणि गै कि ऊं तैं भि अनन्त आग बट्टी दण्ड दिये जौं।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

दिब्य दरस 14:10

त उ पिता परमेश्वर का प्रकोप की दाखमधु तैं बगैर मिलावट का, वेका गुस्सा का कटोरा मा डले गै, जु वे तैं पयालो अर पवित्र स्वर्गदूतों का संमणी अर चिनखा का संमणी आग अर गन्धक की पिड़ा मा पुड़लो।

दिब्य दरस 14:13

दुबरा मिल स्वर्ग बट्टी कै तैं बुल्द सूंणि अर वेल मि बट्टी बोलि; यूं बातों तैं इख लिख अब बट्टी, उ लोग धन्य छिनी जु पिता परमेश्वर पर भरोसो कैरी के मोरि जंदींनि। तब पवित्र आत्मा यां बट्टी सहमत हवे, वेल बोलि, “यु सच च, उ धन्य छिनी किलैकि उ अपड़ा कठिन मेहनत बट्टी आराम पाला अर जु काम ऊंल करिनि ऊं तैं वांको प्रतिफल दिये जालो।”

दिब्य दरस 20:11

फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।

दिब्य दरस 21:4

अर पिता परमेश्वर ऊंकी आँखों बट्टी सभि आँसूओं तैं फूंजी दयालो; अर कुई भि आदिम कभी भि दुःख महसूस नि करलो या रूलो न, किलैकि पुरणी दुनिया अब अस्तित्व मा नि च।”

दिब्य दरस 22:16

यीशु ल बोलि, मिल अपड़ा स्वर्गदूत तैं तुम मा अर मण्डलि मा यूं बातों कु प्रचार कनु कु भेजि जु पिता परमेश्वर का लुखुं का झुण्ड मा हो, मि राजा दाऊद कु वंशज छो; मि ही छो, मि तैं सुबेर को गैणो भि बुल्दींनि।

दिब्य दरस 22:6

यांका बाद, स्वर्गदूत ल मि बट्टी बोलि; “उ सब पैली बुलै गै बात सच छिनी अर निश्चित रूप मा पूरी होली। पिता परमेश्वर का तरपां बट्टी बुल्ण वलो तैं परमेश्वर ल अपड़ा पवित्र आत्मा द्ये, उ व ही च जैल अपड़ा स्वर्गदूत तैं आज्ञा द्ये कि उ अपड़ा सेवकों तैं यु दिखणु कु, जु जल्द ही होलो।”

दिब्य दरस 22:9

वेल मि कु बोलि, “मि तैं प्रणाम नि कैर। मि भस पिता परमेश्वर का तरपां बट्टी बुल्ण वलो एक सेवक छो अर तेरा विश्वासी भयों का जन जु ईं किताब (चाम्रपत्र) मा लिखीं अर यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं आराधना कन चयणी च।”

दिब्य दरस 6:11

ऊंमा बट्टी हर एक तैं एक सफेद कपड़ा दिए गै पिता परमेश्वर ल ऊं बट्टी बोलि, “अभि आराम कैरा, किलैकि अब भि तुम्हरो कुछ दगड़ी काम कन वला अर तुम्हरा दगड़िया विश्वासी छिनी जूं तैं तुम जन ही मरै जालो। जब मरै जांण वलो की गिणती पूरी हवे जाली, तब ही मि बदला ल्युलु।”